Bensi

Ég hef verið svolítið hugsi eftir að ég heyrði það sem fréttir að Guðmundur Steingrímsson væri búinn að segja sig úr Samfylkingunni í gær.    Svo heyrði ég að hann “ætlaði í gönguskóna sína til að heimsækja Framsókn” . . . .

• Var Guðmundur búinn að halda uppi einhverjum tilteknum málflutningi - innan Samfylkingarinnar - eða utan?
• Var einhver málefnalegur ágreiningur við lykilfólk í Samfylkingunni?
• Lenti þeim saman Degi B Eggertssyni 100-daga borgarstjóra og aðstoðarmanni hans?
• Fékk Guðmundur ekki tækifæri til að láta til sín taka í starfi og hlutverkum innan Samfylkingarinnar?
• Lenti Guðmundur í “einelti” - eða útilokun í flokknum og fékk “ekki að vera með í partýinu”?
• Ætlar Guðmundur að endurreisa einhvers konar “félagshyggju” í Framsókn og endurvekja “samnings-stjórnmál´” í anda Steingríms Hermannssonar?

Ég hef svosem ekki orðið var við neitt slíkt: og ef málefnalegur ágreiningur var til staðar milli Guðmundar og flokkshestanna í Samfylkingunni þá væri áhugavert fyrir mig og marga aðra sem hafa viljað sjá tilteknar áherslur springa út í flokknum að vita hver sá ágreiningur kann að hafa verið.

En það er líklega léttara að komast á framfæri innan svo fámenns flokks sem Framsókn er orðin.   Við ættum kannski að hugleiða það hin sem eigum engan skipulagðan klíkuhóp að baki okkur í Samfó!

Kannski var þetta allt saman bara svona “helvítis fokking fokk” - - og verður hvorki Guðmundi né gömlum vinum hans í Framsóknarflokknum til framdráttar.