FM957

Rapparinn sem étur byssukúlur í morgunmat, 50 Cent, segist aldrei ætla að hætta í músíkinni og að hann muni alltaf vera viðriðinn hip-hop senuna, þrátt fyrir að hún breytist með hverju árinu sem líður.

,,Ég held að ég muni aldrei hætta. Ég reikna miklu frekar með því að ég dragi mig út úr sviðsljósinu og að ég verði aðal maðurinn bakvið tjöldin,” sagði rapparinn yfirlýsingaglaði. Rapparinn, sem heitir réttu nafni Curtis Jackson, hefur áhuga á að reyna fyrir sér á nýjum slóðum. Hann hefur áhuga á að leika í fleiri kvikmyndum og jafnvel reyna fyrir sér að skrifa heila kvikmynd.

Sterkur orðrómur hefur verið í gangi síðastliðin misseri um söngkonuna ungu Miley Cyrus. Sumir hafa gengið svo langt að fullyrða það að þessi góðvinkona okkar á FM957 sé búin að trúlofasig. En svo er ekki.

Miley er á föstu með ástralska leikaranum Liam Hemsworth. Hjúin tóku sambandið upp á hærra stig á dögunum þegar söngkonan hitti tengdaforeldra sína. En hvernig ætli henni hafi gengið? ,,Þau elskuðu hana,” sagði Liam í samtali við E! sjónvarpsstöðina. ,,Það var æðislegt að sýna Miley hvaðan ég kem því að hún kemur úr allt, allt öðru umhverfi. Þaðan sem ég kem er lítið um verslunarmiðstöðvar og umferðarljós,” sagði leikarinn enn fremur.

Söngkonan er yfir sig hrifin af Ástralíu en hún er hrifnust af fjölmiðlunum þar í landi. ,,Þar í landi eru fjölmiðlarnir mjög svalir. Þeir hafa sína ljósmyndara og allt það - en þeir virða okkar einkalíf og þeir halda sér í hæfilegri fjarlægð og það er allt annað en heima,” sagði Miley um Ástralíu.

Leikkonan fallega Jennifer Aniston segir í viðtali við breskt dagblað að hana dreymi um að stofna fjölskyldu með góðum manni. Hún tekur reyndar stærra upp í sig þegar hún segir að hennar helsta markmið í lífinu þessa stundina sé að eignast barn.

Aniston sem er í toppformi 41 árs gömul hefur verið orðuð við hvern leikarann á fætur öðrum undanfarið. Sá nýjasti sem hefur verið nefndur í því samhengi er hjartaknúsarinn Gerard Butler en þau tvö leika saman í myndinni The Bounty Hunter. Þess má til gamans geta að við á FM957 höfum verið að gefa miða á þá mynd á undanförnum dögum. En hvað sem því líður þá hafnar leikkonan þessum sögusögnum.

Fyrrum Spice Girls söngkonan Emma Bunton segist vonast til þess að verða ólétt - og það sem allra fyrst en Emma á nú þegar tveggja ára son með kærastanum sínum, Jade Jones.

Söngkonan sem er 34 ára segist njóta sín vel í móðurhlutverkinu en hún viðurkenni þó fúslega að hún hafi lítið getað sinnt tónlistarferlinum sínum síðan hún eignaðist sitt fyrsta barn.

,,Ég hef forgangsraðað. Allt snýst eum Beau núna,” sagði kryddpían fyrrverandi. Söngkonan sagði einnig frá því að hún og kærastinn hennar fari reglulega á stefnumót til að viðhalda neistanum í sambandinu.

Bandaríska leikkonan Sandra Bullock er flutt útaf heimili sínu. Þetta gerir hún eftir að hún komst að framhjáhaldi hjá eiginmanni sínum. Jesse James, eiginmaður Söndru, á að hafa haldið framhjá leikkonunni með húðflúrsfyrirsætunni Michelle McGee. Framhjáhaldið á að hafa staðið yfir í 11 mánuði.

Þá var Sandra að leika í kvikmyndinni The Blind Side en eins og flestir vita þá fékk leikkonan Óskarsverðlaun fyrir leik sinn í myndinni. Húðflúrsfyrirsætan Michelle segir í samtali við Touch Weekly tímaritið að hún hafi haldið að hjónabandi Jesse og Söndru væri lokið. Hún hefði annars aldrei byrjað að hitta hann.

Hvorki Sandra Bullock né Jesse James hafa tjáð sig um málið. Þau kynntust fyrir sex árum og giftu sig ári síðar.

Rapparinn Sean Combs, betur þekktur sem P Diddy, er sagður ætla að gera tilboð í enska fótboltafélagið Crystal Palace. Rapparinn umdeildi er sagður vilja verða næsti auðkýfingurinn til þess að eignast enskt fótboltalið. P Diddy er sagður vilja kaupa félagið og gera fyrrum fótboltastjörnuna Ian Wright að þjálfara félagsins.

Fjárhagsvandræði félagsins eru ansi mikil. Sem stendur er það í harðri fallbaráttu í næst efstu deild í Englandi. Talsmaður P Diddy staðfesti í viðtali við dagblaðið The Sun að rapparinn væri að íhuga möguleika á að kaupa Crystal Palace en að hann væri einnig að spá í öðru liði.

,,Hann vill taka yfir skuldir félagsins og koma því á beinu brautina og upp í efstu deild. Hann hefur líka skoðað Portsmouth en hann er hrifnari af Crystal Palace og það er aðallega útaf nafninu,” sagði heimildarmaður.

Britney Spears er hætt með kærastanum sínum Jason Trawick. Söngkonan frábæra á að hafa slitið sambandinu þar sem þau hafi verið alltaf að rífast. Britney og Jason voru búin að vera að deita í tæpt ár.

,,Þau höfðu verið að rífast mikið undanfarið. Þau urðu að taka sér frí frá hvort öðru því að þetta var augljóslega ekki að ganga upp,” sagði heimildarmaður nákominn parinu.

Þrátt fyrir sambandsslitin mun Jason, sem er 38 ára gamall, halda áfram að sinna málefnum tengdum söngkonunni. Umboðsskrifstofa sem hann vinnur hjá heldur utan um málefni Britney Spears í New York borg. En Britney virðist vera afar heit fyrir umboðsmönnum sínum.

Þetta er þó ekki í fyrsta skipti sem Britney og Jason hætta saman. Söngkonan fallega hætti með Jason í smá stund í janúarmánuði síðast liðnum. Það gerði hún eftir að hafa heyrt að Jason hafi verið á spjalli við tvær föngulegar dömur á skemmtistað.

Allar athugasemdir, uppástungur, tilkynningar og hvað eina um Sviðsljósið má senda á yngvi@fm.is

Hinn 16 ára gamli sjarmör Justin Bieber leggur af stað í stóra tónleikaferð um Bandaríkin í sumar. Bieber mun halda risastóra tónleika á mörgum stöðum, vítt og breitt um Bandaríkin. Þar mun söngvarin ungi troða upp ásamt hinum stórskemmtilega Sean Kingston.

Túrinn ber heitir Justin Bieber: My World en þessi ungi söngvari hefur heldur betur skotist fram á sjónarsviðið í Bandaríkjum á síðustu mánuðum. Hann hefur meðal annars unnið með tónlistarmönnum á borð við Ludacris.

Sænska partýsveitin Abba var vígð inn í Frægðarhöll rokksins ásamt bresku hljómsveitunum Genesis og The Hollies á dögunum. Benny Andersson og Anni-Frid Lyngstad mættu og tóku við viðurkenninguni en Bjorn Ülvaeus og Agnetha Faltskog lögðu ekki leið sína til New York.

,,Ef ég tala fyrir hönd okkar allra þá langar mig að segja að við erum mjög, mjög snortin,” sagði Andersson ásamt því að segja að hljómsveitin muni aldrei koma fram opinberlega í framtíðinni.

Eftir að hafa sigrað Söngvakeppni Evrópskra sjónvarpsstöðva árið 1974 varð hljómsveitin Abba ein sú allra heitasta í heiminum. Hún gaf út hvern slagarann á fætur öðrum svo sem lögin Super Trouper, Knowing Me Knowing You og mörg mörg fleiri.

Michael Lohan, faðir stjörnunnar og partýgosans Lindsay Lohan, fékk hjartaáfall í gær samkvæmt kærustunni hans, Kate Major. Farið var með Michael á spítala í New York eftir að hann fann til í brjósti og handleggjum. Kate segir að hann hafi fengið vægt hjartaáfall.

Micheal mun dvelja næstu daga á St. Francis spítalanum í Manhasset. Þar mun hann verða meðhöndlaður þar til hann nær sér að fullu.