Noli me tangere » Ekki mín fjölskylda

Tvöþúsundvandinn

Eða var það kannski skrifað 2000 vandinn? Ég man það ekki.

Svo var það Friður 2000 - sem kom reyndar ekki 2000 vandanum beint við. Og fíkniefnalaust Ísland fyrir árið 2000 - sem kom heldur ekki 2000 vandanum við en var bein afleiðing fíkniefnavandans sem hafði ekkert að gera með Frið 2000. Svo var það rifrildið um aldamótin - sem allir beturvitringar höfðu á skoðun og hafa enn og hafa gengið í endurnýjun þvarglífdaganna nú þegar þrátta má um það hvort áratugur sé líðinn af nýrri öld.

Og svo var það tvöþúsundkallinn sem maður sér nánast aldrei. Þessi með Kjarval.

Þetta er tvöþúsundasta blogfærslan mín.

Fært undir Alþjóðamál, Bókmenntir, Dýrahald, Efnahagur, Ekki mín fjölskylda, Ekki mínir vinir, Ferðalög, Fjölmiðlar, Fréttir, Heilbrigði, Heimspeki, Kvikmyndir, Leiklist, Lögfræði, Matur og drykkur, Menning og listir, Minningar, Nám, Rasismi, Saga, Samfélag, Slúður, Spilling, Stjórnmál, Trúarbrögð, Tækni og vísindi, Tíska, Tónlist, Umhverfi, Umræðan, Vinir og fjölskylda, Áróður, Íslenska, Íþróttir þann 7. febrúar 2010 af gb | 2 ummæli

Henni hefur ekki dottið

www.visir.is Ríflega 4300 vilja að forsetinn segi af sér

. . . í hug að láta að sér kveða á Alþingi?

Nei - hennar hefur lítt orðið vart þar nema bara til að ýta á hnappinn samkvæmt skipunum. EN, hún er stór kerling á Facebook!

Hún heitir Jónína Rós og datt inn á þing fyrir Samfylkinguna í vor - síðan hefur ekkert til henn spurst fyrr en nú. Kannski hefur hún, líkt og Björgvin G. Sigurðsson, fundist nú þegar fólk er að týna saman jólaskrautið?

Fært undir Ekki mín fjölskylda, Fréttir, Samfélag, Spilling, Stjórnmál, Umræðan þann 5. janúar 2010 af gb | 0 ummæli

Gleðilegt ár!

Takk fyrir innlit og ummæli hér á síðuna á liðnum árum.

Að sjálfsögðu hef ég skoðun á áramótaskaupinu eins og allir aðrir og minn dómur er þessi:

FRÁBÆRT ÁRAMÓTASKAUP SEM HLÝFÐI ENGUM. STJARNA SKAUPSINS MINN GAMLI SKÓLABRÓÐIR ÚR BÓKMENNTAFRÆÐINNI SÆVAR SIGURGEIRSSON Í HLUTVERKI SIGMUNDAR ERNIS ANNNARS ALLT FULLT AF GÓÐUM ATRIÐUM, STUTTUM OG HNITMIÐUÐUM, UNDIRTEXTINN FRÁBÆR OG HÖRÐ SKOT Í ALLAR ÁTTIR.

Fært undir Ekki mín fjölskylda, Ekki mínir vinir, Fjölmiðlar, Leiklist, Menning og listir, Saga, Samfélag, Slúður, Spilling, Stjórnmál, Umhverfi, Umræðan, Vinir og fjölskylda þann 1. janúar 2010 af gb | 0 ummæli

Stríðsherrann

www.visir.is Obama sækir verðlaunin en móðgar Norðmenn

. . . sækir medalíuna til Osló, aurinn og blóminn (það eru alltaf blóm) og pillar sig svo aftur til Köben að passa upp á hreina loftið í heiminum.

Móðgar frændur ykkar Norðmenn áður en hann nær að snúa sér við.

Svei því - og honum.

Ég get sagt eins og Birgitta hérna um daginn: Þú ert ekki minn forseti - munurinn er bara sá að ég get staðið við það sem ég segi í þeim efnum. Það getur Birgitta ekki - hún situr uppi með Ástu Ragnheiði. Ég hef alltaf afneitað Obama.

Fært undir Alþjóðamál, Ekki mín fjölskylda, Fréttir, Stjórnmál, Umhverfi, Umræðan, Áróður þann 10. desember 2009 af gb | 0 ummæli

Loddari afhjúpaður í beinni

Bara að prófa.

Sá að færsla með þessari yfirskrift hefur loks vikið úr toppsæti þeirra færslna sem mest eru lesnar hér á blogginu.

Vildi leggja mitt af mörkum til þess að hún kæmist þangað aftur. Þessi breyting brenglar tilveru mína.

Það er nú kannski ekki aðalmálið!

www.visir.is Eigendur Hvítsstaða: Lánin ávallt í skilum

Nú fullyrða þeir sem fengu lánaðar 400 milljónir króna ( í jenum ) að lánin sem þeir tóku hafi ávallt verið í skilum!

OG…?

Siðblindir menn sjá sjaldnast svart. Þeir sjá alltaf eitthvað annað en er - þar liggur meinið. Mér finnst nú mesta ruglið í þessu máli öllu vera það að skítblankir (því það hafa þeir jú verið allan tímann) menn fái lánaðar 400.000.000 króna út á 600.000 krónur. Það er það sem er sick!

En auðvitað svara þeir út í hött og með bjángangi einum; orðhengilshætti sem þeir lærðu að nota á velmektardögum sínum þegar þeir, skítblankir, þóttust EIGA eitt og annað. Nú þræta þeir fyrir 600 hundruð þúsundin svona:

Þá segja þeir að innborgað hlutafé hafi ekki verið 600 þúsund heldur hafi það numið 91,6 milljónum króna í lok síðasta árs.

Ég lagði 10 pund á gjaldeyrisreikninginn minn í vikunni. Sá seðill leit svona út síðast þegar ég sá hann:

Kannski læt ég ykkur vita á útmánuðum 2010 hverju það nam við árslok ! - Spennandi?

Fært undir Efnahagur, Ekki mín fjölskylda, Fréttir, Samfélag, Spilling, Umræðan þann 9. nóvember 2009 af gb | 0 ummæli

Það er ekki oft sem ég birti brandara á þessari síðu

www.visir.is SUS hafnar skuldsetningu framtíðarkynslóða

. . . en hér er þó einn:

“Samband ungra sjálfstæðismanna átelur ríkisstjórn Jóhönnu Sigurðardóttur fyrir að steypa íslenskri þjóð í skuldaánauð með því að samþykkja, það sem getur ekki kallast annað en fyrirvaralaus ríkisábyrgð á Icesave samningunum samkvæmt ályktun sem þeir sendu fjölmiðlum.

Þar segir að ungir sjálfstæðismenn krefjist þess að Alþingi standi í lappirnar og fallist ekki á ný lög um rangláta og fyrirvaralausa ríkisábyrgð. Vilji Bretar og Hollendingar fá úr því skorið hvort Íslendingum beri að greiða þessa skuld, geta þeir leitað til dómstóla.

Orðrétt segir svo:

Ungir sjálfstæðismenn hafa áður bent á að ef Alþjóðagjaldeyrissjóðurinn tekur þátt í að kúga Ísland til óhagstæðrar niðurstöðu í þessu máli, þá sé það skylda stjórnvalda að vekja athygli á því á alþjóðlegum vettvangi. Slíkur fantaskapur er misnotkun á alþjóðlegum stofnunum. Verulegur vafi er því á því hvort íslenska ríkinu beri lagaleg skylda til að greiða þennan reikning - enda þyrfti Alþingi ekki að samþykkja sérstaka ríkisábyrgð á samningunum ef skyldan væri skýlaus.

Það að hverfa frá þeim fyrirvörum sem settir voru við samningana kallar aðeins á að ungt fólk verði alla sína ævi að greiða fyrir afglöp ríkisstjórnar Samfylkingarinnar og Vinstri grænna. Slík niðurstaða er ekki boðleg landi og þjóð. Ríkisstjórn Jóhönnu Sigurðardóttur hefur algjörlega mistekist að koma sjónarmiðum Íslendinga á framfæri á erlendum vettvangi - þrátt fyrir að hafa setið að völdum í tæpa níu mánuði og ítrekað verið bent á nauðsyn þess að halda uppi slíkri málsvörn. Minnimáttarkennd og undirlægjuháttur ríkisstjórnarinnar gagnvart erlendum aðilum í þessu máli er staðreynd.”

Fært undir Ekki mín fjölskylda, Fréttir, Samfélag, Spilling, Stjórnmál, Trúarbrögð, Umræðan þann 21. október 2009 af gb | 12 ummæli

Michael Jackson er lifandi

www.visir.is Michael lifir - myndband

Ég sá hann áðan. Hann var stopp (en samt lifandi - bara svona eðlilega stopp) á ljósunum á mótum Háaleitisbrautar og Kringlumýrarbrautar. Hann var á Toyota Yaris merktum Dominos Pizzum, Magnús Kristinsson sat aftur í. Jackson var ekki með grímuna. Magnús var með hana. En ég þekkti hann samt af því að hann hefur verið svo mikið í fréttum - og af flugmannshúfunni, ég er að tala um Magnús ekki Jackson.

Ég bíð í ofvæni eftir því að það verði auglýstir tónleikar með Elvis Prestley og svo því atriði að - eftir að Elvis hefur sungið nokkur lög - Michael Jackson komi með þyrlu úr háloftunum og syngi Bad. Það er þarna sem Magnús kemur inn í dæmið. Ekki með Bad - heldur með þyrlunni. ÞVÍLÍK ENDURKOMA! Þegar þessi stórkostlegi atburður mun eiga sér stað verður það óræk sönnun þess að ég sá Michael og Magnús í Toyota Yaris í dag!

Bíðiði bara!

Fært undir Alþjóðamál, Ekki mín fjölskylda, Fréttir, Samfélag, Slúður, Tækni og vísindi, Tónlist þann 27. ágúst 2009 af gb | 0 ummæli

Hin milda hönd Landsbankans

Það er ljúft til þess að hugsa að ekki eru allir kröfuhafar miskunarlausar skepnur sem ganga inn að beini í innheimtuaðgerðum og svíða jörð í kringum heiðarlegt fólk.

Landsbankinn hefur nú gengið á undan með góðu fordæmi. Bankinn mun ætla að fella niður nokkra milljarða sem Magnús nokkur Kristinsson fátækur maður úr Vestmannaeyjum skuldar þeim Landsbankamönnum. Skuldin mun þannig tilkomin að Magnús komst á útmánuðum á síðasta ári, fyrir mikið harðræði og dugnað, upp á land á hriplekri bátskænu. En í þetta ferðalag barðist hann til þess að fá skrifaða kvart-tunnu af söltuðu keti, tólg og eitthvað meira viðbit svo hann og hans fólk gæti tórað eitthvað fram á vorið. Hér uppi á fasta landinu var brugðist vel við og fékk hann þetta allt - og tvenna vettlinga að auki - og fór svo sömu leið til baka á þyrlunni.

Segir ekki meira af Magnúsi þessum fyrr en nú þegar aftur hefur svorfið að og er þó ekki nema rétt farið að hylla undir göngur og réttir - hvað þá að til sé nýtt ket. En hungrið bítur og kíkir ekki á dagatalið. Magnús Kristinsson er snauður maður en bankinn hans er mildur lánadrottinn. Það er vel.

http://mbl.is/mm/vidskipti/frettir/2009/08/18/landsbankinn_afskrifar_skuldir_magnusar/

Fært undir Efnahagur, Ekki mín fjölskylda, Fréttir, Samfélag, Spilling, Umræðan þann 18. ágúst 2009 af gb | 0 ummæli

Twist í málum Jacksons sáluga

www.visir.is Oliver Twist segist eiga dóttur Jacksons

Kemur nú upp úr dúrnum að Oliver Twist - eða svo gott sem - á dóttur Michaels Jacksons (sem þá vitanlega á ekki umrædda dóttur).

Sem kunnugt er mjólkar gyðingurinn Fagin unga drengi og gerir út til þjófnaða og annarra voðaverka. Ekki er um það getið að hann hafi haft af þeim sæði og svo selt öðrum. Verður því að geta að því líkum að Oliver Twist - eða svo gott sem hann sjálfur - hafi lagt til þetta sæði einn og óstuddur og án aðstoðar Fagins og Charles Dickens.

Þannig er ekki hægt að koma því böli mannkyns yfir á gyðinga - að Michael Jackson hafi fjölgað sér - sem hann gerði víst alls ekki ef marka má fréttir. Fríast þá “tveir fyrir einn” af því ef svo má segja.

Það er ekkert svo langt um liðið frá því ég las Oliver Twist síðast. Michael Jackson er ekki í bókinni og heldur ekki í myndinni. Enda á hann ekki barnið.

Og þá er spurt: Hvaða barn?

Fært undir Ekki mín fjölskylda, Fjölmiðlar, Fréttir, Heilbrigði, Kvikmyndir, Leiklist, Menning og listir, Slúður, Tónlist þann 9. ágúst 2009 af gb | 2 ummæli

Næsta síða »