Og finnst þá einhverjum
. . . að til einhvers hafi verið sprengt?
Morðæði það sem margir herráðsmenn og höfðingjar voru gripnir undir lok stríðsins 1939-45 verður aldrei réttlætt: hvorki af nefndum né með talnaspeki.
Fært undir Alþjóðamál, Saga þann 18. mars 2010 af gb | 0 ummæli
Í tilefni dagsins
Í dag er dagur Heilags Patreks. Því er ekki úr vegi að heiðra frændur sína á Írlandi:
http://www.youtube.com/watch?v=DJW7nx_6460
Svo á Binni bróðir reyndar líka afmæli í dag. Ég hef þegar kastað á hann afmæliskveðju - lagið sem linkurinn er á hér að ofan er ekki beint his cup of tea! 
Fært undir Saga, Stjórnmál þann 17. mars 2010 af gb | 0 ummæli
Björgólfur Thor og listinn
Björgólfur Thor fallinn af lista Forbes - Mexikani er ríkastur
Í eina tíð var Björgólfur Thor á þessum fræga lista Forbes. Þótti þá mörgum mikið til koma hérlendis og var mikið flaggað og blásið í ýmsa fjölmiðlalúðra! Reynt var að koma því inn hjá þjóðinni að nú væri hún í sérstöku andlegu fjármálasambandi við umheiminn. Klappað var í hverju horni, fjármálamenn og fjölmiðla migu sem aldrei fyrr utan í hálfguðinn úr brugghúsi auranna.
Þetta var á svipuðum tíma í mannkynssögunni og að Mannlíf - undir ritstjórn siðameistara samfélagsins Reynis Traustasonar - birti lýðnum til upplyftingar og sáluhjálpar úttekkt á því hversu mikil fjármálasnillingur og hæfileikamaður Hannes Smárason væri!
Fært undir Fjölmiðlar, Saga þann 11. mars 2010 af gb | 2 ummæli
Þeir hafa nú ætlað að gera það áður
Bretar ætla sjálfir að sjá um Argentínu
. . . og það fór nú eins og það fór.
Kannski voru viðlíka tímar þá. Bretar sátu uppi með vanhæfa ríkisstjórn og forsætisráðherra sem þurfti að sækja sér vinsældir með bellibrögðum.
Fært undir Alþjóðamál, Saga þann 3. mars 2010 af gb | 0 ummæli
Veggir Salómons
Af því að Óli Tynes var að flýta sér þá langar mig til að gera svona:
http://news.yahoo.com/s/ap/ml_israel_ancient_wall
Fært undir Saga, Trúarbrögð þann 23. febrúar 2010 af gb | 0 ummæli
Af fangelsismálum
Stjórnarfrumvarp:
Frumvarp um heimild fyrir landsstjórnina að reisa betrunarhús og letigarð.
1. gr.: “Landsstjórninni skal heimilt að verja af ríkisfje alt að 100 þús. kr. til að kaupa land og láta reisa betrunarhús og letigarð, þar sem skilyðri þykja góð, til að fangar, og slæpingjar, sem ekki vilja vinna fyrir sér eða sínum, geti stundað holla og gagnlega vinnu.” - Um það verður ekki deilt, að fangahúsið í Rvík er orðið óhæft til þeirra nota, sem það er ætlað, eins og það nú er. Hitt er jafnvíst að 100. þús kr. nægja skamt til þess að byggja gott fangahús, en það er máske ekki ætlunin að rígbinda ríkissjóð við þá upphæð. Fullkomið fangahús kostar vafalaust miklu meira. Þykir það of þungur baggi fyrir ríkissjóð að ráðast í þetta nú, með öðru, sem hann fær nú á sínar herðar, þá er athugandi hvort ekki mætti endurbæta gamla hegningarhúsið og notast við það nokkur ár enn. Hitt er mesta glapræði að fara að hrófla upp ófullkomnu fangahúsi. (Úr Morgunblaðinu 20. janúar 1928)
Hér hefur ekkert breyst! Enn er hegningarhúsið við Skólavörðustíg í notkun, enn er þörf á að byggja nýtt betrunarhús! Í þeim málum gerist fátt. Kannski vegna þess að það eru slæpingjar við völd?
Fært undir Saga, Samfélag þann 22. febrúar 2010 af gb | 0 ummæli
“Hann er ótukt þessi Haig”
http://frettir.ruv.is/frett/alexander-haig-latinn
Þegar fregnaðist að Alexander Haig væri allur hvarflaði hugurinn til ömmu í Knarrarnesi. Alexander Haig var einn þeirra manna sem henni varð tíðrætt um á tímabili. Hún talaði um hann eins og hann hefði búið í 40 ár í sömu sveit og hún; eins og hún hefði gjörþekkt hann. Sem hún svo sem gerði af verkum hans.
“Helvítið hann Alexander Haig …” svona hefði dæmigerð setning getað hafist hjá henni - svo hefði komið stjórnmála analýsa um baktjaldamakkið í Pentagon. Pentagon var ekki fjær ömmu en Hrafnagjáin í heiðinni. Og álíka myrkra pyttur.
Nú er hann allur hann Alexander Haig, það held ég hann fái pistilinn hjá þeirri gömlu, ef hann þá nær því að verða hreppsbúi á sama stað og hún í eilífðinni. Sem er stórlega vafasamt.
Fært undir Alþjóðamál, Fréttir, Minningar, Saga, Samfélag, Stjórnmál þann 20. febrúar 2010 af gb | 0 ummæli
Stjórnmálamenn stýra bankakerfinu
Stjórnmálamenn stýri ekki fjármálakerfinu
Það er alveg sama hvað Jóhanna segir, stjórnmálmenn stýra einmitt bankakerfinu. Þeir gera það - eftir atvikum - með aðgerðum eða aðgerðaleysi.
Þeir velja - og hafna - hvenær þeir skipta sér af og hvenær ekki. Af hverjum þeir skipta sér og af hverjum ekki.
Stjórnmálmenn eru stikkfrí - þegar þeim hentar en foringjar ella (með árherslu á for). Stjórnmálamenn selja vald af höndum sér í prófkjörum og kosningum. Án þess að hafa það vald sem þeir selja. Þetta gera þeir, hafa gert og munu gera af því að þeir komast upp með það.
Þeir tala tungum tveim allt efir því við hverja þeir tala - nú gapir Jóhanna um afskiptaleysi yfir bissnessmönnunum. Á morgun talar hún um afskipti yfir lýðnum, hinn daginn um fullveldi yfir bændunum þann næsta um ESB yfir samflokksmönnum sínum. Viðlögin eru jafn mörg og lagboðarnir.
Stjórnmálamenn stýra því sem þeir ættu ekki að stýra, láta hitt vera sem þeim bera að stjórna. Því er komið sem komið er.
Fært undir Efnahagur, Fréttir, Saga, Samfélag, Spilling, Stjórnmál, Umhverfi, Umræðan þann 17. febrúar 2010 af gb | 0 ummæli
Glæsilegur vitnisburður um SKJALDBORGINA!
Mesti brottflutningur fólks frá landinu í sögunni
Ríkisstjórnin vegur skipulega að fyrirtækjunum og enn skipulegar að heimilunum. Fólk leggur á flótta en fyrirtæki leggja upp laupana. Hér ríkir meðvitað skipulagsleysi og tilbúið atvinnuleysi.
NIÐUR MEÐ ÞESSA VANHÆFU RÍKISSTJÓRN!
ÚT MEÐ VANHÆFA STJÓRNMÁLASTÉTT SKIPAÐA EIGINHAGSMUNASEGGJUM AÐ STÆRSTUM HLUTA!
KREFJUSMT STJÓRNLAGAÞINGSINS SEM LOFAÐ VAR!
Fært undir Efnahagur, Ferðalög, Fjölmiðlar, Fréttir, Heilbrigði, Saga, Samfélag, Spilling, Stjórnmál, Umhverfi, Umræðan þann 16. febrúar 2010 af gb | 4 ummæli
Auðvitað eru þetta svona bréf
. . . þetta er kjarni málsins:
Þeir geingu í timburstofu júngkærans þar sem þilið var sprúngið og hafði fallið inn skriða úr veggnum á einum stað, mold, grjót og vatn, settust á kistu hans, en sumir á rúmfletið, drógu fram skjöl sín og sýndu honum, og mikið rétt, bréfið var í alla staði gott og gilt, gert á Eyrarbakka, undirskrifað og vottfest. Hann hafði selt höfuðbólið, áttatíu hundraða jörð, fyrir hundrað og sextíu ríxdali, fjörutíu voru greiddir, fjörutíu skyldu greiðast við afhendíng jarðarinnar, sem átti að fara fram í dag, afgángurinn á næstu tíu árum. Hús og áhöfn hafði Vatnsbóndinn rétt til að kaupa við virðíngarverði, og tóku nú að bera fram spurníngar um góðs þetta, en júngkærinn svaraði fáu til, sagðist ekki hafa lagt í vana sinn að telja kvikfé, skyldu þeir spyrja fjósakellínguna um nautgripi, en sauðfénað gætu þeir skygnt í högum ef vildu. Þeir spurðu hvort hann vildi brennivín, en hann afþakkaði.
Þetta eru bréf um sölur og svik í óráði gjörð.
Fært undir Bókmenntir, Fréttir, Saga, Samfélag, Spilling, Stjórnmál, Umræðan, Óflokkað þann 10. febrúar 2010 af gb | 0 ummæli
Næsta síða »
Guðmundur Sveinbjörn Brynjólfsson.