Valdabrölt sjálfstæðismanna
Jæja, þá liggur niðurstaða um aðildarumsóknina fyrir. Af sextán þingmönnum Sjálfstæðisflokksins studdi einn þingmaður aðildarumsókn, einn þingmaður sat hjá en fjórtán voru andvígir. Það voru sumsé 6.25% þingmanna sem studdu aðildarumsókn.
Hversu vel ætli þingflokkur Sjálfstæðisflokksins endurspegli vilja almennra flokksmanna? Mig grunar að tífalt meira en 6.25% flokksmanna styðji aðildarumsókn. Sennilega er hlutfallið meðal kjósenda flokksins í síðustu alþingiskosningum jafnhátt eða hærra. Ást þingmannanna á lýðræði og virðing þeirra fyrir vilja þjóðarinnar hljómar þess vegna svolítið fölsk.
Sjálfstæðisflokkurinn missti traust mitt í október 2008. Hann endurvann það sannarlega ekki í styrkjahneykslinu. Hann endurvann það ekki í dag. Og ég sé ekki fram á að hann endurvinni það í fyrirsjáanlegri framtíð.
Ég veit það eitt að ég veit ekki neitt. En ég held ýmislegt. Sumt af því sem ég held skrifa ég um hér.