Grámóra

Meira hvað fólk talar og skrifar vitlaust.  Svo virðist vera að allir sumarbústaðir við Þingvallavatn séu á Þingvöllum.  Miðfell hefur aldrei verið á Þingvöllum og mun aldrei verða. 

 “stödd er á Þingvöllum í sumarbústað í landi Miðfells”  ætti að vera “stödd er í sumarbústað í landi Miðfells við Þingvallavatn”

Ég er gráti næst að heyra þessar fréttir.  Og vekur þetta hjá mér mikla depurð sem Þingvellingi.

Langar að benda á síðu hjá frænku minni en hún er að sauma og selja barnaföt.

Hér til hliðar Árún design.

Endilega að kíkja.

Nunna nokkur gekk til skrifta. Fyrirgefðu mér faðir, því ég notaði alveg hræðilegt orðbragð núna um helgina.
Haltu áfram, sagði presturinn, frekar áhugalaus.
Sko, ég var úti á golfvelli og náði þessu svakalega góða drævi á fjórðu braut, sem er par sex, en kúlan lenti í símalínu sem lá yfir völlinn og datt niður eftir aðeins um þrjátíu metra.
Og þá blótaðirðu náttúrulega, sagði presturinn.
Nei, sagði nunnan. Því skyndilega kom íkorni hlaupandi og stal kúlunni minni.
Varð það þá sem þú blótaðir, góða mín?
Nei, ekki þá, því allt í einu kom örn fljúgandi og læsti klónum í íkornann og þar sem hann flaug í burtu með feng sinn þá missti íkorninn kúluna.
Þá hefurðu auðvitað blótað, sagði presturinn, orðinn nokkuð áhugasamur.
Nei, nei, sagði nunnan. Sko, kúlan datt niður á stærðar grjót og endurkastaðist aftur inn á brautina og þaðan inn á grínið og stoppaði síðan aðeins innan við hálfan meter frá holunni.
Presturinn þagði um stund og fitlaði við krossinn sem hann bar um hálsinn. Svo sagði hann með fullvissu í röddinni: Kona, þú hefur þá klikkað á helvítis púttinu.

Langar að benda ykkur á heimasíðu frænku minnar en hún er að hanna og sauma barnaföt.

www.arun-design.com

Íslenskur lýtalæknir var staddur á ráðstefnu erlendis með kollegum sínum. Eftir langa og stranga dagskrá ráðstefnunnar héldu ráðstefnugestir á öldurhús og gerðu sér glaðan dag. Eftir því sem líða fór á kvöldið og nóttina þynntist hópurinn og lokst sátu einungis þeir þaulsetnustu eftir.
Þegar þeir höfðu ekkert meira að tala um fóru þeir að segja hetjusögur af þeim afrekum sem þeir höfðu unnið á skurðborðinu.

Einn Bretinn sagði sögu af því að hann ásamt teymi sínu hafi tekið á móti sjúklingi sem missti hendina í prentsmiðju. Á sjúklinginn græddu þeir nýjan handlegg, lófa og fingur og eftir að hann kom til starfa aftur varð hann svo góður og öflugur verkmaður að hann vann á við 4 og því fóru þrír á atvinnuleysisskrá sem áður störfuðu hjá fyrirtækinu.

Rússnenskum lækni fannst ekki mikið til þess koma og sagði frá manni sem lent hafði inní kjarnaofni. Þeir fengu ekkert annað en hárið inná skurðborðið til sín, græddu á það höfuð, búk og útlimi. Þessi maður varð svo góður verkmaður þegar hann snéri aftur til starfa að hægt var að segja upp heilli vakt í kjarnorkuverinu, 9 manns fóru á atvinnuleysisskrá.

Íslenski læknirinn sagði iss við þessari sögu. “Ég var einu sinni staddur niðrí Austurstræti og fann rosalega vonda prumpulykt. Ég veiddi hana í poka og brunaði með hana uppá Borgarspítala og skellti henni á skurðborðið. Við græddum á þetta búk, höfuð, útlimi og enduðum með að setja krullur ofaná þetta allt saman. Úr þessu varð Davíð Oddsson og hann er á góðri leið með að setja alla þjóðina á atvinnuleysisskrá”.

Finn ekki með nokkru móti út hvernig ég set inn myndband ??? Já svona er að vera fáfróður.  En þetta var lítð mál í gamla kerfinu en nú er ég ekki að kveikja.  Kannski er einhver sem vill vera svo indæll að segja mér til ????

kv……..!