Ég veit að þið hafið öll heyrt eða lesið um þessi fræði áður, en ég hef ekki séð neinn útskýra þetta eins vel og hinn alvísa Cliff Calvin í Staupasteini.

Cliff Calvin var að útskýra Buffala-kenninguna fyrir vini sínum Norm og það gekk svona fyrir sig:

“Sjáðu nú til Norm, þetta virkar svona….
Buffalahjörð getur aðeins farið jafn hratt og hægasti buffalinn í hjörðinni.Og þegar veitt er úr hjörðinni eru það hinir hægustu og veikustu aftast í hjörðinni sem eru drepnir fyrst.

Þetta náttúrulega val er mjög gott fyrir hjörðina í heild sinni því að með reglulegum drápum á veikustu og hægustu einstaklingunum batnar heilsufar hjarðarinnar og hraði hennar.

Á sama hátt má segja að mannsheilinn geti aðeins unnið eins hratt og hægustu heilasellurnar leyfa.

Eins og við öll vitum þá drepur alkohól heilasellur en eðlilega drepur það hægustu og veikustu sellurnar fyrst.

Á þennan hátt veldur regluleg inntaka áfengis því að veikari sellurnar drepast og þar með því að heilinn verður hraðvirkari og skilvirkari.

Þetta er ástæðan fyrir því að maður verður svona klár eftir nokkra bjóra!!!”

(Tengt efni í næsta bloggi…)

Tvær vinkonur, Sossa og Systa, voru saman í golfi þegar önnur varð fyrir því óhappi að hitta kúluna illa í upphafshöggi og horfði með skelfingu á eftir kúlunni sem stefndi á hóp karlmanna.

Kúlan lenti inni í miðjum hópnum og einn maðurinn hné til jarðar haldandi báðum höndum á milli fótanna, greinilega sárþjáður.

Vinkonurnar hlupu til mannanna og þegar þær komu að hópnum hélt maðurinn enn höndunum á milli fótanna. Sú sem hafði slegið kúlunni baðst afsökunar og bauð fram aðstoð.

Maðurinn vildi ekki að svo stöddu þiggja aðstoð og sagðist jafna sig eftir smá stund.

Konan þráaðist við, sagðist vera sjúkraþjálfari og vildi fá að þreifa aðeins á
manninum.

Maðurinn lét tilleiðast og fékk hún hann til að leggjast á bakið, tók hendur hans frá, renndi buxnaklaufinni niður og byrjaði að nudda hann rólega.

Eftir smástund spurði hún manninn hvernig honum þætti þetta.
Maðurinn svarar “þetta er mjög gott, en ég er ennþá að drepast í þumalputtanum!”

Tveggja manna svefnpoki,
notaður einu sinni,
fæst í skiptum fyrir barnavagn.

Upplýsingar í síma: 8467583

Fangi sleppur úr fangelsi þar sem hann hefur verið í 15 ár. Á flóttanum finnur hann hús og brýst inn í það til að leita af peningum og byssum, en finnur bara ungt par í rúmi.

Hann skipar stráknum að fara úr rúminu, og bindur hann fastann á stól. Síðan fer að hann að stelpunni til að binda hana. Á meðan hann er að binda stelpuna upp í rúmi fer hann uppá hana, kyssir hana á hálsinn og fer svo inná baðherbergi.

Á meðan hann er þar segir strákurinn við stelpuna: Hey þessi gaur er fangi sem hefur flúið, sjáðu bara fötin hans! hann hefur örugglega verið lengi í fangelsi og hefur ekki séð konu í mörg ár. Ég sá hvernig hann kyssti á hálsinn á þér. Ef hann vill kynlíf ekki segja nei og gerðu bara það sem hann segir þér að gera, veittu honum fullnægingu. Þessi gaur hlýtur að vera hættulegur og ef hann verður reiður drepur hann örugglega okkur bæði.
Verstu sterk elskan, ég elska þig!

Konan svarar “Hann var ekki að kyssa á mér hálsinn, hann var að hvísla að mér og sagði að hann væri hommi og fannst þú vera mjög sexy og spurði hvort við ættum eitthvað vaselín inná klósetti.
Vertu sterkur ég elska þig líka!!

Í  grendinni  veit ég um vin sem ég á
í  víðáttu  stórborgarinnar.
En dagarnir líða mér óðfluga frá
og árin án vitundar minnar.

Og yfir til vinarins aldrei ég fer
enda í kappi við tímann.
Sjálfsagt þó veit að ég vinur hans er
því viðtöl við áttum í símann.

En yngri vorum við vinirnir þá
af vinnunni þreyttir við erum.
Hégómans takmarki hugðumst við ná
og hóflausan lífróður rérum.

Ég hringi á morgun ég hugsaði þá
svo hug minn fái hann skilið.
En morgundagurinn endaði á
að ennþá jókst milli okkar bilið.

Dapurleg skilaboð dag einn ég fékk
að dáinn sé vinurinn kæri.
Ég óskaði þess er að gröf hans ég gékk
að í grendinni ennþá hann væri.

Sjálfur ef þú átt vin góðan í grennd
þá gleymdu ekki hvað sem á dynur,
að albesta sending af himnunum send
er sannur og einlægur vinur.

Strákar! ekki gleyma að setja niður setuna að afloknu verki.

Það gerast margir hlutir sem sumum virðist með ólíkindum að geti gerst og eru lýginni líkust.
En í öllum tilvikum er um skýringu að ræða hvort sem hún er einföld eða flókin.

Það eru til mýmörg dæmi um furðulegar tilviljanir og “óútskýranlega” hluti sem mörgum okkar kann að virðast nánast yfirnáttúrulegir. Þar má nefna töfrabrögð og sjónhverfingar allskonar og er með ólíkindum hvernig þessir “töframenn” framkvæma hlutina eins og um raunverulegan atburð sé að ræða. Auðvitað er þetta áhugavert og spennandi og gaman að velta þessu öllu fyrir sér.
Ég hef birt á blogginu hér, eitt myndband sem sýnir þetta og mun birta fleiri í framtíðinni, nema ég hreinlega “gufi upp” og bloggið líka

Það verður svo varla komist hjá því að minnast á  hóp fólks, þó svo að ég fari ekki nánar út í það, að þessu sinni,  en það er fólk sem hefur það að atvinnu að “hjálpa” okkur í þessum efnum en þar á ég við miðla og dáleiðara. Margoft hefur verið flett ofan af miðlum og var hinn frægi Harry Houdini góður í því. En það er einn einstakur hæfileiki sem miðlar hafa en hann er sá að vera ofurnæmir fyrir umhverfinu og fólki í kringum sig og vinna úr því. Þetta er hæfileiki sem nýst hefur lögreglu vel í samskiptum sínum við afbrotamenn og ekki er neitt nýtt að lögregla er með sérhæfða atferlisfræðinga sem setja sig inn í hugarheim afbrotamann.
Svo að ég víki nú að dáleiðslunni þá er það eitthvað sem er “áþreifanlegra”. Dáleiðsla kemur oft að gagni við að hjálpa fólki en kannski oftar til skemmtunar. Hér eru við að tala um að fá “undirmeðvitundina” upp á yfirborðið en það er einstaklingsbundið hve auðvelt það er.

Jæja, og ég sem ætlaði að tala um ísskápinn!
Þessa furðufrétt barði ég augum í fréttunum áðan og mætti helst ætla að orsökin stafaði af óskiljanlegum eða dulrænum toga, eins og ég hef minnst á að ofan.

Ég sem tæknimaður, get fullyrt að það sé ekki hægt að benda á ísskápinn sem sökudólg í þessu tilfelli. Þetta er ekki brandarablogg að þessu sinni!
Þó svo að það hefði orðið bilun í raf- eða vökvabúnaði gæti það ekki valdið umræddri sprengingu vegna þess að greinilegta sést á myndum að sprengingin kom úr matvælageymslu hans. Þar fyrir utan er allur búnaður undir og aftan á ísskápum og í rauninni ekkert inn í honum nema ljósaperan, hitaskynjari og hitastillir. Sem sagt, það var ljósaperan !!!

Nú langar mig að spyrja: Hvað var maðurinn með inni í ísskápnum ???

Góðar stundir.

Hreint ótrólegt myndband um töfrabragð og/eða sjónhverfingu. Vekur mann til umhugsunar um hvað er raunverulegt og hvað ekki.

Ég var að frétta að Landlæknisembættið ætlaði að gera átak í að koma skikki á alla skráningu þungunartilfella hérlendis. Þetta er mjög þörf aðgerð og kemur eflaust í veg fyrir rangfeðrun og allskonar vesen sem getur hlotist af samræði fólks ekki síst við skyndikynni.

Undirrituðum hefur borist eintak af tilkynningu sem ber að fylla samviskusamlega út þegar við á. Þessi tilkynning er sniðin fyrir maka en önnur, sem ætluð er öðru áhugafólki um kynlíf, er í hönnun. Mælt er með því að fólk sýni ábyrgð og hafi tilkynningu þessa alltaf nærtæka t.d. í náttborðsskúffum og hanskahólfum bifreiða.

Spurning: Hvað gerir þú þegar ljóska hendir pinna í þig?

Svar: Maður hleypur í burtu frá henni eins og fætur toga því hún er með handsprengju í munninum.

Gleðilegt sumar.

Gripið hefur um sig mikið æði meðal katta í Borginni en svo virðist vera að þeir hafi uppgötvað og “fíli” allskonar tónlist alveg í botn.

Þessi er í rapp og hip hop:

Þessi er allur í þungarokkinu:

Þessi er meira fyrir rólegri músik eins og t.d. Gospel: 

Þessi kunni best við Jazz:

Þessir eru brjálaðir í rokkinu:

Það er ekki vitað hvað þessi var að hlusta á, það náðist ekkert samband við hann:

Kannski meindýraeyðir hafi einhverja skýringu á þessu.

Konur hafa löngum verið þekktar fyrir það hve duglegar þær eru að spreða peningunum sínum í fín föt, skart og aðrar munaðarvörur.

Þær láta verðbólgu og slæmt gengi krónunnar ekkert á sig fá og spreða og spreða, skreppa út í verslunarferðir með vinkonunum, detta í hádegismat á fínum veitingarstöðum ofl ofl.

Eyðslugenið virðist blunda meðal þeirra allra og þrátt fyrir að fjárhagur leyfi það ekki þá er erfitt að ganga fram hjá fallegum stígvélunum út í búðarglugga án þess að eignast þau, sérstaklega þar sem nú er hægt að taka allt á raðgreiðslum.

Hér er aftur á móti ágætis tillögur sem gæti fengið dömurnar til að passa betur uppá seðlana sína.

Bóndi keypti nýjan Mercedes af E-gerðinni hjá umboðinu.
Verðið á aukabúnaðinum fór í taugarnar á honum. Fannst að fleira mætti vera innifalið sem staðalbúnaður.

Skömmu síðar kaupir forstjóri umboðsins hross hjá sama bónda, vegna frístunda-búskapar frúarinnar.

Það skal tekið fram að enginn (kven)bílstjóri slasaðist í þessum uppákomum.

Dr. Phil fékk 55 stig í þessu prófi.
Hann lagði prófið fyrir Oprah Winfrey, sem fékk 38 stig.

Margir borga offjár til að fá þessa greiningu.

Haltu áfram að lesa, því þetta er mjög athyglisvert (Verið samt ekki of viðkvæm fyrir þessu).

Á ca. 2 mínútum getur þú fengið furðu marktæka niðurstöðu.

Svörin eiga við þig eins og þú ert núna…. ekki hvern mann þú hafðir að geyma áður og fyrr.

Hafðu blað og blýant við hendina.

Þetta er alvöru próf, sem er verið að nota við mannauðsstjórnun hjá fjölda stórfyrirtækja.
Það gefur þeim sem þar um fjalla, innsýn í hugarheim starfsmanna og þeirra sem sækja um störf.

Þetta eru bara 10 einfaldar spurningar og  þeim fylgja svör sem merkt eru bókstöfum.  

Á blaðið þitt skráir þú bókstafinn sem þú velur hjá númeri viðeigandi spurningar. Þannig safnar þú saman svörunum þínum.

Byrjaðu á að tölusetja línurnar á blaðinu þínu frá 1 upp í 10 .

Nú hefst prófið.

1. Hvenær ertu í þínu besta formi?
a) á morgnana
b) eftir hádegi og snemma kvölds
c) síðla kvölds og fram á nótt

2. Yfirleitt gengur þú…
a) fremur hratt, og tekur stór skref
b) fremur hratt, en tekur stutt skref
c) ekki mjög hratt og berð höfuðið hátt
d) ekki mjög hratt og lýtur höfði
e) mjög hægt

3. Þegar þú talar við fólk…
a) stendur þú með krosslaga handleggi
b) spennir þú greipar
c) ertu með aðra hönd eða báðar hendur á mjöðmum eða í vösum
d) snertir þú viðmælandann eða ýtir við honum
e) fitlar þú við eyrað á þér, snertir hökuna eða strýkur á þér hárið

4. Í afslöppun, situr þú…
a) með bogin hné og fótleggi hlið við hlið
b) með krosslagða fætur
c) með beina fætur eða teygir þá frá þér
d) með annan fótinn hnipraðan undir þig

5. Þér finnst eitthvað fyndið eða þér er mikið skemmt og þú…
a) Hlærð, hátt og innilega
b) Hlærð, en ekki mjög hátt
c) Hlærð, niðurbælt og hljóðlega
d) Brosir feimnislega

6. Þegar þú kemur í veislu eða samkvæmi, þá…
a) kemurðu blaðskellandi, svo allir veiti þér eftirtekt
b) læturðu fara lítið fyrir þér og skimar eftir einhverjum sem þú þekkir
c) er markmið þitt ósýnileiki og þú lætur alls ekkert á þér bera

7. þegar þú ert að einbeita þér að einhverju eða leggja þig fram við vinnu, bregst þú við ónæði með…
a) því að fagna hléinu
b) mjög miklum pirringi
c) því að sveiflast milli þessara tveggja öfga

8. Hver eftirtalinna lita fellur þér best?
a) Rauður eða appelsínugulur
b) svartur
c) gulur eða ljósblár
d) grænn
e) dökkblár eða fjólublár
f) hvítur
g) brúnn eða grár

9. Það er kvöld og þú ert að fara að sofa. Síðustu andartökin áður en þú sofnar, liggur þú…
a) á bakinu og teygir úr þér
b) á grúfu og teygir úr þér
c) á hliðinni og í svolitlu hnipri
d) með höfuðið ofan öðrum handleggnum
e) með höfuðið undir sæng

10. Þig dreymir oft að þú sért að…
a) detta
b) basla eða erfiða
c) leita að einhverju eða einhverjum
d) fljúga eða fljóta
e) þegar þú sefur dreymir þig yfirleitt ekki
f) þig dreymir alltaf ljúfa drauma

STIG:
1.  (a) 2   (b) 4   (c) 6
2.  (a) 6   (b) 4   (c) 7   (d) 2   (e) 1
3.  (a) 4   (b) 2   (c) 5   (d) 7   (e) 6
4.  (a) 4   (b) 6   (c) 2   (d) 1
5.  (a) 6   (b) 4   (c) 3   (d) 5   (e) 2
6.  (a) 6   (b) 4   (c) 2
7.  (a) 6   (b) 2   (c) 4
8.  (a) 6   (b) 7   (c) 5   (d) 4   (e) 3   (f) 2   (g) 1
9.  (a) 7   (b) 6   (c) 4   (d) 2   (e) 1
10.(a) 4   (b) 2   (c) 3   (d) 5   (e) 6   (f) 1

Jæja, nú skaltu telja saman stigin þín.

Yfir 60 STIG:
Þú birtist mörgum sem manneskja sem betra sé að gæta sín á. Hégómleg, upptekin af sjálfri sér og yfirþyrmandi. Aðrir dást að þér og langar að líkjast þér, en virðast hika. Þeim hættir til að treysta þér varlega og hika við að eiga of náin kynni við þig.

51 til 60 STIG:
Þú kemur fyrir sem spennandi, óútreiknanleg og fremur hvatvís manneskja - sjálfkjörinn leiðtogi sem tekur skjótar ákvarðanir, þótt ekki séu þær alltaf heppilegar. Talið er að þig skorti ekki kjarkinn, þú viljir prufa allt, takir áhættu og sért spennufíkill. Þeir sem sækjast eftir félagsskap við þig, hrífast af fjörinu og spennunni sem fylgir þér.

41 til 50 STIG:
Fólki finnst þú sem ferskur andblær. Lífleg, heillandi, raunsæ og áhugaverð manneskja. Þótt athyglin beinist alltaf að þér, sértu samt í nægilega góðu jafnvægi til þess að það stígi þér ekki til höfuðs. Til viðbótar er talið að í þér búi velviljuð, tillitssöm og skilningsrík sál, sem sé uppörvandi og að þú sért alltaf til taks ef á þarf að halda.

31 til 40 STIG:
Skynsemi, varkárni og raunsæi eru einkennandi í fari þínu. Líka er talið að þú búir yfir gáfum og hæfileikum til munns og handa sem þú kunnir að nýta án þess að miklast af þeim. Þú gleypir ekki við hverjum sem er, en sért traust og vinaföst manneskja, sem væntir gagnkvæmrar tryggðar frá vinum sínum. Mikið þurfi að hafa gengið á áður en nokkur skuggi geti fallið tryggð þína. En bregðist vinur þér, sértu líka lengi að jafna þig á því.

21 til 30 STIG:
Vinir þínir tala um vandvirkni og smámunasemi og í þeirra augum ertu sem ofur varfærinn, gætinn og hægfara traustur jálkur. Ef eitthvað kæmi þeim á óvart, væru það skjót viðbrögð af þinni hálfu eða að þú gerðir eitthvað óyfirvegað í hita leiks. Fáir þú uppástungu, eiga þeir von á því að þú metir vandlega, alla möguleika frá öllum sjónarhornum og hafnir síðan alfarið því sem stungið var uppá. Líklegt er talið að viðbrögð þín megi að sumu leiti rekja til vandvirkninnar.

MINNA EN 21 STIG:
Fólk sér þig sem feimna, taugaveiklaða og óákveðna manneskju, sem þarf að gæta og vernda. Manneskju sem vill alltaf að einhver annar taki ákvarðanirnar, sem vill aldrei blanda sér í neitt eða tengjast neinum, er áhyggjufull, sér skrattann í hverju horni og er eilíft að óttast eitthvað sem á sér enga stoð í raunveruleikanum. Bara þeir sem þekkja þig vel, vita að þú ert ekkert leiðinleg manneskja.

Heimasíða ABC Barnahjálpar
Regína Ósk syngur, ásamt Gospelkór Reykjavíkur, lagið Colors of Love
Höfundur lags og texta er Ívar Halldórsson.

Eins og öllum, sem lesa þessar bloggsíður er kunnugt um, þá hefur það komið í ljós að eitthvað af nærbuxum Skandölu hefur verið stolið. Buxur þessar eru af mörgum árgerðum en þó eru sumar ansi gamlar en hafa mikið tilfinningalegt gildi fyrir hana. Einn mikilsvirtur bloggari (Blommi) hefur viðurkennt að hafa tekið sumar þeirra og bætir eflaust fyrir þetta brot sitt. Eitthvað magn er þó ekki komið í leitirnar og er þeirra nú ákaft leitað, eins og sjá má á meðfylgjandi mynd sem sýnir Skandölu leita á vegfarendum.

Starið á miðpunkt vídeómyndarinnar til enda og síðan á eitthvað kunnuglegt strax að því loknu.

Ég fór í siglingu um Miðjarðarhafið á skemmtiferðaskipi frá Princess.

Á besta stað í matsalnum, hjá stórkostlega “Titanic” stiganum, sat eldri kona gjarnan ein við borð. Ég veitti því athygli að yfirmenn, þjónar, léttadrengir - já eiginlega bara öll áhöfnin virtist þekkja hana.

Sennilega hefði mér ekki brugðið, þótt þjónninn minn hefði staðfest að hún ætti skipafélagið, en allt sem hann vissi var að hún hefði ferðast með skipinu fram og tilbaka, síðustu fjórar ferðinar.

Þegar ég var á leið úr matsalnum eitt kvöldið, vék ég mér að henni og við tókum spjall saman. “Mér skilst að þú sért búin að vera á skipinu síðustu fjórar ferðirnar” sagði ég. “Já, það er rétt” svaraði hún. “Það er ódýrara en elliheimilin”

Mér datt í hug að blessuð konan væri ekki með öllum mjalla og gerði því strax könnun á því sem hún sagði.

Ég komst að því að:

Daggjöld á öldrunarstofnun eru að meðaltali 200 dalir á dag.

Hjá Princess fengi ég bestu kjör fyrir að vera eldriborgari sem ferðast að staðaldri: Verðið er 135 dalir á dag = 65 dölum minna.

Niðurstaða mín er:

Mínar áætlanir gera ekki lengur ráð fyrir öldrunarheimili - vistheimili fyrir aldraða eða hvað þetta heitir.

Þegar ég verð gamall sest ég í helgan stein á Princess Cruise skipi.

Hér eru 9 góðar ástæður fyrir því:

1. Þakklætisvottur fyrir þjónustu (þjórfé) fer varla yfir $10 á dag.
2. Mér standa til boða allt að 10 máltíðir á dag ef ég get staulast að matborðinu. Ég gæti líka fengið hann sendan í káetuna, sem þýðir á mannamáli: morgunmatur í rúmið á hverjum degi.
3. Það eru sundlaugar á Princess skipunum - jafnvel þrjár, líkamsræktarsalir, ókeypis aðstaða til þvotta og þurrkunar og show eða listviðburðir á hverju kvöldi.
4. Maður greiðir hvorki fyrir tannkrem, rakvélar, sápu né shampoo.
5. Svo er maður viðskiptavinur en ekki sjúklingur. Allt starfsliðið mun svo leggja sig enn betur fram til að þjónusta mann fyrir örlítið meira örlæti (ca. fimm dala viðbót á þjórféð).
6. Maður fær stöðugt nýtt samferðarfólk jafnvel vikulega.
7. Bilað sjónvarp? Þarf að skipta um ljósaperu? Viltu láta skipta um dýnu í rúminu? Ekkert vandamál! Það er bara sjálfsagt og þú ert að auki beðinn afsökunar á óþægindunum.
8. Á hverjum degi er komið með ný handklæði og skipt á rúmunum.
9. Dettir þú og mjaðmargrindarbrotnir á elliheimili, ertu á vegum hins opinbera. Ef þú dettur og brýtur mjaðmargrindina á skipi frá Princess færðu viðhafnarbústað fyrirmenna til afnota út lífið.

Hér kemur svo það besta: Langar þig að sjá Suður Ameríku, Panamaskurðinn, Tahiti, Ástralíu, Nýja Sjáland eða Asíu - Nefndu bara hvert þú vilt fara - Princess er með ferðbúið skip!

Þú skalt ekki að leita mín á neinu elliheimili - “Láttu næstu strandstöð ná sambandi við skipið”.

P.S. Ef maður fellur frá, er hin vota gröf rétt handan borðstokksins.

Kær kveðja,
Gylfi

Ég hef birt hér tvö blogg um aflögun mannslíkamans.

Það læddist samt að mér (og fleiri) sá grunur að um fölsun væri að ræða, þar sem auðvelt er að falsa og breyta myndum með tölvuforritum t.d. Photoshop.

Ég hef fengið ábendingu frá bæði Jónu (Grámóru) og Lindu um að þetta sé ófalsað og rétt. Ég vil þakka þeim fyrir það.

Ég fór að kynna mér þetta betur og komst að ótrúlegum niðurstöðum.

Fyrst um fótaafbökunina:
Þessi hefð hefur verið viðhöfð í Kína í yfir 1000 ár, allt þar til hún var bönnuð um það bil árið 1950 af kommúnistum.
Fætur stúlkubarna voru vafin til að ná fram þessari lögun, allt frá fjögurra ára aldri til tólf ára aldurs. Fyrstu þrjú árin voru mjög sársaukafull fyrir stúlkurnar eða þar til tærnar brotnuðu og voru þær þá beygðar undir ilina. Flestar stúlknanna gátuð þá gengið án teljandi sársauka.
Tilgangur þessa alls var að gera stúlkurnar kynþokkafyllri og jók til muna líkur þeirra á að giftast mönnum í góðum stöðum, en í þeirra augum vó þessi þáttur þyngst.
Meira um þetta hér: http://www.ccds.charlotte.nc.us/History/China/04/hutchins/hutchins.htm 

Varðandi ”mittiskonuna”:
Ég fann viðtal við Cathie Jung, í þættinum “This morning”, einnig er hún með heimasíðu þar sem t.d. má sjá vídeó og þar kemur einnig fram að hún er skráð í heimsmetabók Guinnes.
Slóðin er: http://www.cathiejung.com/
En myndbandið úr sjónvarpsþættinum: This Morning, er hér:

Að hugsa sér að báðar þessar “aðgerðir” skulu hafa verið gerðar til þass að gera konur meira aðlaðandi og kynþokkafyllri.
Virkar allavega þveröfugt á mig. Þvílíkur viðbjóður!

http://www.freewebs.com/webcamprinsessan/gestabk.htm

Búið er að loka vefsíðunni sjá:
http://www.visir.is/article/20080416/FRETTIR01/466467267

Kæri doktor Phil,

Þegar ég hætti að vinna gat ég vart beðið þeirrar stundar að geta snúið mér alfarið að áhugamáli mínu sem eru veiðar. Ég keypti mér lítinn kvótalausan fiskibát og reyndi að fá konu mína með mér en hún hafði bara engan áhuga fyrir fiskveiðum.

Dag einn þegar ég var að gera mig kláran fyrir veiðiferð hitti ég Siggu sem einnig hefur mjög mikinn áhuga á veiðum. Við urðum fljótlega bestu vinir og við fórum oft út að veiða saman.

Eins og ég sagði þá vildi konan mín alls ekki koma með okkur, þó ég byði henni það, og sagði að ég eyddi olltof miklum tíma í þetta áhugamál mitt.

Fyrir nokkrum vikum fórum við Sigga í okkar besta veiðitúr til þessa, ég veiddi þann stærsta og fallegasta fisk sem ég hef augum litið og til að gera daginn fulkominn veiddi Sigga tvíburabróðir hans.
Ég tók að sjálfsögðu mynd af Siggu með þessa gullfallegu fiska sem við veiddum og sýndi konunni myndina í von um að hún fengi áhuga á þessu sporti.

Í stað þess að fá áhuga á þessu yndislega sporti, brást hún hin versta við og bannaði mér að stunda þetta áhugamál framar og ekki nóg með það, hún heimtaði að ég seldi bátinn hið snarasta.
Ég býst við að henni líki bara alls ekki að ég skuli eiga þessar góðu stundir.Hvað get ég gert?
Segja konunni að gleyma þessu og halda áfram að stunda áhugamálið eða hætta veiðunum og selja bátinn, eins og hún vill
Með von um skjót svör,

Gylfi

———————

Kæri Gylfi,

Losaðu þig strax við þessa þröngsýnu konu.
p.s. Þetta eru fallegustu fiskar sem ég hef séð!

Doktor Phil

Ætti fyrirsögnin að vera:
1. Hvað vantar á myndinna.
2. Hvað “snarl” fékk hákarlinn sér síðast?
3. Er “þetta” karlmaður?
4. Gvöð, hvað hann er sexý!
5. Honum stendur ekki - á sama.
6. Flott strönd.
7. Fína veðrið.
8. Annað?

Ef þú sérð ballerínuna snúast réttsælis þá er hægra heilahvelið virkara hjá þér en ef þú sérð hana snúast rangsælis þá er vinstra heilahvelið virkara.

 Hvort er vinstra eða hægra heilahvelið virkara hjá þér?

• Vinstra heilahvelið:
  Er rökrænt, notast við raunveruleikann og rökræna úrvinnls. Staðreyndir skipta mestu máli
  Einbeitir sér að smáatriðum
  Er mótækilegt fyrir orðum og tungumálum
  Ræður vel við stærðfræðileg og vísindaleg viðfangsefni
  Hugsar um nútíð og fortíð

• Hægra heilahvelið:
  Er skapandi, notar ímyndurnaraflið, hugmyndarflugið, tilfinningar og skynjun.
  Einbeitir sér að heildarmyndinni
  Er mótækilegt fyrir táknum og myndum
  Hugsar til framtíðar og hugsar heimspekilega

Getur þú einbeitt þér að því að sjá hana snúast á hinn veginn?

Eða mun hún snúast á hinn veginn seinna, t.d. á morgun?

Og hér er svo “græjan”:

Ljóskan fór á hárgreiðslustofu og sagði hárgreiðsludömunni (rauðhærðri) að hún mætti alls ekki taka iPod eyrnatólin úr eyrunum á henni, alls ekki ,…  endurtók hún.

Þessar ljóskur, hugsaði hárgreiðsludaman og fór að klippa hana. Hún var náttúrulega í sífelldum vandræðum með að komast að hárinu fyrir snúrunum ….  svo á endanum ákvað hún bara að taka eyrnatólin af henni og sjá hvað hún gerði.

Hún hélt áfram að klippa,… en viti menn ljóskan fer að roðna öll í framan og svo verður hún öll blá og fellur að lokum meðvitundarlaus á gólfið.

Hárgreiðsludaman skildi ekkert í þessu og var auðvitað brugðið, en ákvað þó að vita hvað hún hefði verið að hlusta á svo hún smellti á sig eyrnatólunum: “anda inn”,… ” anda út”,… “anda inn”,… “anda út”..

Leiðbeiningar aftan á þekktri “meik” tegund:
“Do not use on children under 6 months old.”
(auðvitað byrjar maður ekki að mála börnin sín fyrr en þau eru orðin 7 mánaða!!!)

Leiðbeiningar á Sears hárblásurum:
“Do not use while sleeping”
(Einmitt þegar mér finnst skemmtilegast að dúlla í hárinu á mér)

Þetta stóð á umbúðum utan af Dial sápu:
“Use like regular soap”
(Og hvernig á aftur að nota svoleiðis?)

Á umbúðum af SWANN frystimat:
“Serving suggestion: Defrost”
(Mundu samt…þetta er bara uppástunga)

Hótel lét baðhettu í boxi fylgja með hverju herbergi, og á boxinu stóð:
“Fits one head.”
(Sérðu ekki fyrir þér…einhverja tvo vitleysinga… með eina baðhettu…)

Á botninum af Tiramisu dessertinum frá Tesco stendur:
“Do not turn upside down.”
(Úps, of seinn)

Þetta stendur á búðing frá Marks & Spencer:
“Product will be hot after heating.”
(Það er nefnilega það)

Á pakkningum af Rowenta straujárni:
“Do not iron clothes on body.”
(En myndi það nú ekki spara mikinn tíma!)

Á hóstameðali fyrir börn frá Boots:
“Do not drive car or operate machinery”
(Þannig að Gunni litli fær ekkert að leika sér á lyftaranum þegar hann kemur heim)

Á flösku af “Nytol sleep aid” má sjá þetta:
“Warning: may cause drowsiness”
(Maður skyldi nú rétt vona það!)

Hnífasett frá Kóreu var merkt þannig:
“Warning keep OUT OF children”
(okí dókí!!!)

Jólasería frá Kína var merkt á eftirfarandi hátt:
“For indoor or outdoor use only”
(En ekki hvar…???)

Matarvinnsluvél frá Japan var merkt svona:
“Not to be used for the other use.”
(Ok…núna er ég orðinn mjög forvitin)

Hnetupoki frá Sainsburys: “Warning:contains nuts”
(Jamm… ég fer mjög varlega)

Á poka af hnetum frá Amerísku flugfélagi stóð þetta:
“Instructions: open packet, eat nuts”
(Imbafrítt eða hvað?)

Leiðbeiningar sem voru á miða með blá, hvít og rauðköflóttri skyrtu segir:
“Munið að þvo liti aðskilda”
(Ehhh…já…áttu nokkuð skæri)

Leiðbeiningar á ónefndri örbylgju popp tegund segir manni að “taka plastið af áður en sett er í örbylgju”
Málið er, að til að geta lesið leiðbeingarnar verður þú að vera búinn að taka plastið af og fletta pokanum í sundur…

Framan á kassa af “Töfradóti” fyrir krakka, er mynd af strák sem er klæddur eins og töframaður. Aftan á kassanum stendur:
“Notice, little boy not included”
(Ohhhhh…….ég sem var farin að hlakka svo til að eignast vin)

Ég keypti svona kisunammi fyrir köttinn minn. Á pokanum stendur “new and improved shapes”
(Aaaa…einmitt það sem kötturinn minn er búinn að vera að nöldra út af)

Lítill miði var festur á “Superman” búning, á honum stóð:
“Warning: This cape will not make you fly”
(Núúúúú…þá kaupi ég hann ekki)

Á keðjusögum stendur oft viðvörunin “Do NOT touch the rotating chain”
(Er það ekki nú nokkuð ljóst..haaaa??)

Eitt sem ég skil ekki “Waterproof” maskarar…á þeim stendur:
“Washes off easily with water”
(Hmmm…hver er þá tilgangurinn?)

Hvernig sumir menn sjá sumar konur…

Hæfileikinn til að brosa er afar mikilvægur. Hann er einn af kostunum við mannlegt eðli en við getum líka misnotað það vit sem okkur er gefið. Brosið getur verið hæðnislegt eða uppgerðarlegt og þjónar þá þeim tilgangi einum að vekja tortryggni. Innilegt og hlýlegt bros er afar mikilvægt í daglegum samskiptum. Og þar ræður viðhorf hvers og eins. Við getum ekki búist við að aðrir brosi til okkar ef við gjöldum ekki í sömu mynt. Það sýnir að við eigum svo ótal margt undir eigin hegðun komið.

(Dalai Lama)