• skósmiðinn sem hringsólaði?
• fjallgöngumanninn sem brá í brún?
• kafarann sem var svo djúpt sokkinn?
• trommuleikarann sem sló í gegn?
• saumakonuna sem tók sporið?
• sauðaþjófinn kindarlega?
• köttinn sem fór í hundana?
• gangastúlkuna sem gekk of langt?
• kennarann sem kenndi sér meins?
• smiðinn sem rak við í lófann á sér?
• húsgagnasmiðinn sem allir stóluðu á ?
• málarann sem fékk málverk?
• timburmennina sem naglhreinsuðu sjálfir?
• kyndarann sem gufaði upp?
• skókaupmanninn sem sleit barnsskónum?
• bakarann sem bakaði vandræði?
• veðurfræðinginn sem þaut eins og elding um allt?
• gullsmiðinn sem lenti í hringavitleysunni?
• prestinn sem fékk andann yfir sig?
• léttadrenginn sem var of þungur?
• sköllóttu mennina sem fóru í hár saman?
• slökkviliðsmanninn sem slökkti þorstann?
• reykingamanninn sem fuðraði upp?
• sjoppueigandann sem sagði allt gott?
• blómasalann sem dansaði á rósum?
• rafvirkjann sem komst í stuð?
• rafeindavirkjann (sjónvarpsvirkjann) sem truflaðist?
• hestamanninn sem söðlaði um?
• grænmetissalann sem átti ekki baun?
• tannlausa manninn sem beit á jaxlinn?
• gullsmiðina sem elduðu grátt silfur saman?
• rakarann sem rakaði saman fé?
• knattspyrnuþjálfarann sem fékk sparkið?
• sálfræðinginn sem missti þolinmæðina?
• kvensjúkdómalæknirinn sem lifði sig inn í starfið?
• sölumanninn sem seldi upp?
• slátrarann sem hafði tvær í sigtinu?
• brúarsmiðinn sem brúaði bilið?
• fuglafræðinginn sem hóf sig til flugs?
• tungumálakennarann sem talaði tungum tveim?
• ljósameistarann sem kveikti á perunni?
• dýralækninn sem apaði eftir?
• gleraugnasalann sem var augljós?
• lyfsalann sem leið kvalir?
• kokkinn sem var á glóðum?
• saumakonuna sem var á nálum?
• múrarana sem létu pússa sig saman?
• smalann sem fór út um þúfur?
• biskupinn sem var hrókur alls fagnaðar?
• nuddarinn sem rétti hjálparhönd?
• píanóleikarann sem var alveg með á nótunum?
• ánamaðkinn sem var alger ormur?
• klæðskerann sem fór í saumana á öllu?
• langhlauparann sem hljóp á sig?
• bensínafgreiðslumanninn sem lét dæluna ganga?
• kokkinn sem varð að éta allt ofan í sig aftur?
• fasteignasalann sem var ekki í húsum hæfur?
• spretthlauparann sem allir voru að hæla?
• boxarann sem sló víxil?
• þvottakonuna sem var á suðupunkti?
• smiðinn sem átti undir högg að sækja?
• skautadrottninguna sem var á hálum ís?
• veðurfræðinginn sem geispaði golunni?
• fuglafræðinginn sem hreiðraði um sig?
• kynlífsfræðinginn sem sagði sex?
• kafarann sem ekkert bólaði á?
• blómasalann sem bar ávöxt?
• bankastjórann sem átti barnaláni að fagna?
• fangelsisstýruna sem var svo föngulög?
• lögfræðinginn sem dó ráðalaus?
• sápugerðarmanninn sem froðufelldi?
• skurðlækninn sem átti hug og hjörtu allra?
• skurðlækninn sem datt í skurðinn?
• bakarann sem pipraði?
• spilamanninn sem óx ásmegin?
• sundmanninn sem klóraði í bakkann

Ef þið getið bætt einhverju við þetta safn, þá væri það vel þegið.