des
30
Kibba,kibba, komið þið greyin….
30. desember 2007 | Rita ummæli
Útilokar ekki kynjakvóta Allt nú skal með öðru móti.
Ýmsu þarf að fórna.
Nú skal settur kynjakvóti
svo konur fái að stjórna.
des
30
Mennt er máttur
30. desember 2007 | Rita ummæli
Þegar vindur blæs ákaflega svo sem nú um mundir kemur upp í hugann vísa sem mér datt í hug eitt sinn um sumar er hvasst var í Eyjafirði svo moldrok sunnan af hálendi byrgði nánast sýn á milli fjalla.
Æðri menntun engan svíkur.
Ýsan kennir hrogninu.
Í miklum vindi moldin rýkur
meira en í logninu.
des
29
Um kynferði guðs o.fl.
29. desember 2007 | Rita ummæli
Það hefur oft komið til umræðu hvort telja beri guð karl eða kvenkyns. Ég rakst á tvær vísur um þetta efni þegar ég var að rósna í nokkurra ára kveðskap mínum.
Upp á himni ríkir guð minn góður.
Á gjörðum hans er sjaldan nokkur ljóður.
Þótt kallist ég um kyn hans varla fróður
sem kona er hann undarlega hljóður.
Skrattinn [...]
des
27
Aumingja kreppan
27. desember 2007 | Rita ummæli
Tekur hálft ár fyrir kreppuna að jafna sig Stundum er tíminn svo lengi að líða
og leiði hjá sjúkum og þjáðum.
Kreppan á eitthvað við krankleika að stríða
en kannski hún jafni sig bráðum.
des
25
Eftirvænting
25. desember 2007 | Rita ummæli
Eitthvað er það sem huga minn heftir.
Heldur dregur úr raupinu.
Nú bíð ég bara í ofvæni eftir
auglýsingunni í skaupinu.
des
23
Í tilefni jólanna
23. desember 2007 | 2 ummæli
Kæri blogglesandi!
Óskina fróma ég handa þér hefi
með hækkandi sól,
sem er að almættið góða þér gefi
gleðileg jól.
Takk fyrir heimsóknir hingað.
des
23
Ég þarf að gera játningu. Ég ók bílnum mínum fyrir stuttu inn í stofu hjá Bensa bloggara. Hann var að vísu ekki heima.
Reyndar er hann ekki fluttur í húsið. Það er heldur ekki búið að byggja það. En ég sem sagt var að sniglast í Naustahverfinu og þá datt mér í hug að líta við [...]
des
23
Ja sussu
23. desember 2007 | Rita ummæli
Skallaði dyravörð og réðist á lögreglumann Ég botna næstum ekkert í
hvað ólmur maður gerði;
skiljanlega er skömm að því
að skalla dyraverði.
des
22
Starf í jólagjöf
22. desember 2007 | Rita ummæli
Vona að ég standi undir því trausti sem mér er sýnt Deilt er um manninn ákaft enn,
umdeildan fékk hann stólinn.
Gott er að ráða góða menn
og gera það fyrir jólin.
des
21
Vagg og velta
21. desember 2007 | Rita ummæli
Jólasalan í ár slær öll met Mannalegur mundað get
margvíslegu tólin.
Virðist stefna í veltumet
verslunar um jólin.
des
20
Skoðun ráðherra
20. desember 2007 | Rita ummæli
Segist ósammála mati nefndar á hæfi Þorsteins Hvernig ber að leysa lög
og læðast þau í kringum?
Hæfur er betri en hæfur mjög
handa norðlendingum.
http://visir.is/article/20071220/FRETTIR01/71220093
des
19
Gróðavon
19. desember 2007 | Rita ummæli
Líst vel á bílaútflutning frá Íslandi Ráðið komst að raun um díl,
sem rétt er að við könnum:
Það má selja Baunum bíl
og Bandaríkjamönnum.
des
18
Feministar hvað?
18. desember 2007 | Rita ummæli
Engin kona í yfirstjórn Byrs Konur mega grípa gæs
sem gefst þó kannski varla.
Haganlega byrinn blæs
bara fyrir karla.
des
17
Hól
17. desember 2007 | Rita ummæli
Stundum þarf maður á hóli að halda. Ef svo stendur á, og enginn hælir manni, þá verður maður auðvitað að sjá um það sjálfur:
Viskan er stórfelld og vart hægt að mæl´ana.
Verðleikar minna á forystuærnar.
Þar sem ég stend nú og þvæ á mér hælana
þangað kemst enginn með skítugar tærnar.
des
16
Ekki dóni
16. desember 2007 | Rita ummæli
Ekki dónalegur heldur of seinn á fund Vinstri grænn með ljúfa lund
labbar götu þvera.
Ef hann þarf á annan fund
ætti svo að vera.
des
16
Vísur uppfærðar
16. desember 2007 | Rita ummæli
Það er með vísur eins og tölvuforrit, það getur þurft að uppfæra þær þegar tíminn líður. Þannig er með vísu sem ég gerði seint á síðustu öld og hljóðaði svo:
Illa get ég aldrinum leynt.
Ekki verða hrukkurnar faldar.
Ég fæddist í rauninni frekar seint
á fyrri helmingi þessarar aldar.
Auðvelt er að sjá að eftir að ný öld gekk [...]
des
14
Sex í Reykjavík
14. desember 2007 | Rita ummæli
Fyrir fáum árum var sýndur í sjónvarpi þáttur með þessu nafni. Ekki man ég hvernig efni hans var, en hins vegar man ég vísuna, sem ég orti eftir að hafa séð hann:
Áður fyrr var helgidómur hofið.
Það hefur breytt um svip með tímans flæði.
Nú glæstar meyjar glenna í sundur klofið
og gera það að áhorfendasvæði.
des
13
Þingfréttir
13. desember 2007 | Rita ummæli
Nú vilja þingmenn fara að skipta sköpum
og skerða ræðutíma hjá angurgöpum.
En vinstri grænir malda sífellt í móinn
og munu kannski fá þessvegna kartöflu í skóinn.
des
12
“Illa lyktandi þingmaður”
12. desember 2007 | Rita ummæli
http://blogg.visir.is/henry/?vi=1160#post-1160
Ég vil byrja á að taka það fram að eftirfarandi vísa byggir ekki á neinum raunveruleika öðrum en fyrirsögn 24 stunda og bloggi Henrys Birgis þar um. Hún er lýsandi dæmi um það þegar hagmælskan tekur völdin og gerir viðkomandi að viljalausum ritara sem skrifar hvað sem er rímsins vegna. Eftir þennan nauðsynlega formála kemur [...]
des
12
Gamli draugurinn
12. desember 2007 | Rita ummæli
Vaxandi verðbólga torveldar kjarasamningsgerð Það getur kostað þras og pex
þetta ef á að semja.
Eftir því sem verðbólgan vex
vandinn er meiri að hemja.
des
11
Naflaskoðun
11. desember 2007 | Rita ummæli
Stundum ég fyllist af réttlátri reiði;
reynist við suma á öndverðum meiði.
Hógvær þó ávallt hjá illindum sneiði,
enda kominn af léttasta skeiði.
des
8
Einn lítill jólasöngtexti
8. desember 2007 | Rita ummæli
Ég rakst á gamlan kveðskap. Það var einn lítill jólasöngtexti sem ég setti saman einhverntíma á síðustu öld. Hann var ortur við lag Böðvars Guðmundssonar, sem heitir Lofsöngur ;
lagboðinn: Á Íslandi þurfa menn aldrei að kvíða”.
Einn lítill jólasöngtexti.
Það illt er í heiminum ástand um jólin.
Já, allir í fríi og lokaður skólinn.
Þótt uppi á himninum hækki [...]
des
8
Halló, er þetta Bush?
8. desember 2007 | 2 ummæli
Prakkarinn Vífill vekur athygli í Ameríku Mistökin sem drengurinn gerði voru náttúrulega að villa á sér heimildir.
Að ná í karlangann víst er von
þótt virðist það dálítið stúss.
Ég heiti Vífill Atlason;
ætla að tala við Bush.
Þá hefði það gengið.
des
7
Vandræðabakstur
7. desember 2007 | Rita ummæli
Eftirfarandi orti ég sem athugasemd við færslu bloggvinar: http://natturbarn.blog.is
Það er sjálfsagt bölvað basl
að baka ef velflest tólin
eru eintómt djöfuls drasl
dagana fyrir jólin!
des
5
Nú fór í verra!
5. desember 2007 | Rita ummæli
Þegar ég ætlaði að blogga á frétt sem ég las á Vísi.is uppúr hádeginu, þá var hún horfin. Hún var um það að Hannes Smárason hefði tíu daga frest til að fjármagna kaupin á Geysigríninu. En ég blogga nú samt.
Tíu daga Hannes hefur,
hress og til í flest.
Aurasafnið arðinn gefur
eflaust fyrir rest.
des
3
Á háum hestum
3. desember 2007 | Rita ummæli
Langar ræður tæki til að reyna að laga valdajafnvægi Nú þyrfti að taka þá til bæna;
þusa yfir knöpunum,
sem valta yfir vinstri græna
og vilja hræra í sköpunum.
des
2
Í eyrunum
2. desember 2007 | Rita ummæli
Fyrir um það bil mánuði síðan setti ég hér inn vísu um það þegar hagkaupsmenn voru dregnir á asnaeyrunum. Þar rímaði ég eyrunum - Leirunum. En það var ekki í fyrsta skipti sem ég nota þessi rímorð. Fyrir afar mörgum árum tók ég þátt í leiksýningu hjá Leikfélagi Akureyrar á Munkunum á Möðruvöllum. Gerði ég mér [...]
des
1
Jólafasta?
1. desember 2007 | Rita ummæli
Þegar Jörundur Friðbergsson á Húsatóftum í Vestari-Miðfirði kom
á heilsugæsluna á Rauðasandi til skoðunar og var spurður hvort
hann væri ekki fastandi, svo sem fyrir hann hefði verið lagt,
svaraði hann með þessari vísu:
Fæðið skerða fráleitt vil;
Frjálslegt er það orðið.
Matnum gerði makleg skil
við morgunverðarborðið.
Var þetta í fyrsta og eina skiptið sem hann heyrðist
mæla stöku af munni fram og [...]
hallkri
Hagyrðingur og hundraðþjalasmiður.
Alvörumaður sem spaugar.