nóv
30
Atvinnumál
30. nóvember 2008 | Rita ummæli
Til að eftir styrkir stöndum
störfum okkar flestra gröndum.
Fækka hér og fækka þar,
fækka næstum allstaðar.
Allir sitji auðum höndum.
nóv
27
Brostu með hjartanu
27. nóvember 2008 | Rita ummæli
Þó að kreppan þjaki geð
og þyngi dapurt sinni,
best er að ég brosi með
blóðdælunni minni.
nóv
23
Ef maður hefur eitthvað gert,
sem ekki frá má segja,
mjög er það þá mikilsvert
að maður kunni að þegja.
nóv
23
Að móast
23. nóvember 2008 | Rita ummæli
Það er ljóst á þessu hausti
að þjóðin engan veitir grið.
En ríkisstjórnin rúin trausti
reynir þó að skirrast við.
31,6% stuðningur við stjórnina
nóv
17
Hættur og farinn
17. nóvember 2008 | 4 ummæli
Sleginn yfir ákvörðun Guðna - Formannsframboð ekki á dagskrá Guðni karlinn fær nú frið
fyrir vá þeirri arna.
Núna tekur Valgerður við
(vinkona hans Bjarna).
nóv
16
Spurt er:
16. nóvember 2008 | Rita ummæli
Hvar var fjármálaeftirlitið?
Það hélt að Davíð hefði lagt það niður um leið og Þjóðhagsstofnun!
nóv
16
Er það ekki?
16. nóvember 2008 | 1 ummæli
Ingibjörg: Ásættanleg niðurstaða Hafðu hvorki háð né spott.
Heiður endurreistist (??).
Óskaplega er nú gott
að Icesavedeilan leystist.
nóv
14
Láglendi
14. nóvember 2008 | Rita ummæli
Nú stefnir hagur minn niður á við.
Nýtur hann lítilla styrkja.
Skuldirnar gefa ekki skáldinu frið.
Skyldi ég hættur að yrkja?
nóv
9
Lengi getur…
9. nóvember 2008 | Rita ummæli
Mammon gamli margoft hefur dæmt
menn og konur. Allir heimta borgun.
Það sem virðist verulega slæmt
verra getur orðið strax á morgun.
nóv
8
Hvíld…
8. nóvember 2008 | Rita ummæli
…frá rími og stuðlum. Eftirfarandi ljóð er svo sem ekki nýtt af nálinni.
Ég er allur einn magi
og ég sit inní sjálfum mér.
Umhverfis mig er grautur sem ég át í gær.
Yfir mig dembist kaffi
sem ég er að drekka
úr bolla
sem er stærri en ég sjálfur.
Hægt og hægt meltist ég;
leysist upp
uns ég hverf út úr sjálfum mér.
Spurningin er:
Skyldi [...]
nóv
8
Þú hreina….
8. nóvember 2008 | Rita ummæli
Einhverju sinni reyndi ég að heyra hvernig textinn var sem karlakórinn söng. Mér heyrðist hann vera einhvernveginn svona:
Þú hreina svarta bindið mitt.
við hörmum spilltra vanda.
Fram laðar kvartett trosið sitt,
þá er hér naumast andað.
Ég finn mér innst í hálsi hrjá
- svo marga þynnri hendir-
þar sneið af pylsu er föst á ská,
svo nú kom verri endir.
En nú [...]
nóv
6
Herhvöt
6. nóvember 2008 | Rita ummæli
http://olinathorv.blog.is
Burt með spillingarliðið úr landi
sem labbar nú þvert yfir sviðið.
Best að sem víðast í blogginu standi:
Burt með spillingarliðið!
nóv
4
Tapaður leikur
4. nóvember 2008 | Rita ummæli
Spilin oft tapast og spilling af hlýst
ef spáð er í ranga teninga.
Augljóst má vera að umræðan snýst
almennt um fyrrum peninga.
nóv
3
Björgun
3. nóvember 2008 | Rita ummæli
Maður þarf nú meir að yrkja.
Mun því eftir sóst;
Þjóðarhaginn þarf að styrkja.
Það er alveg ljóst
nóv
2
Kreppupepp
2. nóvember 2008 | Rita ummæli
Kominn tími til að peppa sig aðeins upp!
Ennþá vaxa afrek mín,
og með hverjum vetri
eins og gamalt eðalvín
alltaf verða betri!
nóv
1
Klessuverk
1. nóvember 2008 | 2 ummæli
Þegar þetta klessuverk er komið í hvítan ramma er það bara fjári listrænt og afar eigulegt.
hallkri
Hagyrðingur og hundraðþjalasmiður.
Alvörumaður sem spaugar.