feb
27
Góð vísa
27. febrúar 2010 | Rita ummæli
Margur bragur mjög vel gerður
magnar andans bál.
Þessi vísa þannig verður;
það er augljóst mál.
feb
20
Oft eru spekingar spakir
20. febrúar 2010 | Rita ummæli
Sjaldan eru á jafnsléttu brekkur brattar.
Í brennandi húsi er illt að dvelja.
Víst eru fáir vinsælir skattar.
Varla er skuldir auðvelt að selja.
feb
4
Ég gekk fram hjá miða sem á stóð: Nýmálað. Fór að hugsa um hversvegna maður sæi aldrei áletrunina: Ómálað. Færði það í tal við málarameistarann. Hann kvaðst ekki ansa mér nema ég gerði um þetta vísu. Ég gerði það:
Eitt er það við ykkar starf
sem ekki verður flúið;
merkja það sem mála þarf
og muna hvað er búið!
hallkri
Hagyrðingur og hundraðþjalasmiður.
Alvörumaður sem spaugar.