Til að Jólabjór sé vel heppnaður þarf margt að smella. Bjórinn þarf að hafa karakter og umbúðirnar þurfa að vera vel heppnaðar og helst hátíðlegar. Allt er þetta hluti af upplifuninni af því að drekka Jólabjór. Stemningin verður að vera í lagi. Þess vegna er einnig rýnt í umbúðir.

9. sæti: Hvítur Royal X-mas, 5,6%.
Það er sagt að þessi bjór hafi léttan og blíðan karakter. Horseshit!! Hann er vissulega léttur en bragðið er biturt, eftirbragðið vont og það er í rauninni óbragð af þessum bjór. Já, hann er vondur.
Það er nákvæmlega ekkert jólalegt við umbúðirnar og bjórinn lyktar af metnaðarleysi. Þessi bjór er eitt stórt járnbrautarslys og ÁTVR ætti í raun að greiða með bjórnum í stað þess að rukka fyrir hann.
Ekki koma nálægt þessu helvíti.

8. sæti: Albani, 7,0%.
Það er lítið bragð af þessum bjór og hann er karakterlaus. Hann er samt ekki jafn vondur á bragðið og hvíti X-masinn. Bragðið gleymist fljótt en þú manst þó að þig langar ekki í annan Albana.
Eftirbragðið versnar eftir því sem neðar er komið í bjórinn og maður er í raun kominn með æluna upp í háls á síðustu sopunum. Umbúðir minna meira á páska en jólin.
Hann fær þó plús fyrir að vera 7 prósent.

7. sæti: Dökkur Royal X-mas, 5,6%.
Stendur á dósinni að þetta sé bjór með dýpt og karakter. Aftur horseshit. Það er sama viðbjóðsbrag af þessum og hinum dönsku en þessi er þó skástur. Ekki góður samt.
Allir þessir þrír verstu bjórar eru í dós sem er náttúrulega bannað. Jólabjór á að vera í flösku. Bar þó virðingu fyrir bjórunum og hellti þeim í uppáhaldsbjórglasið mitt. Það skilaði engu.
Þessa þrjá bjóra ber að varast. Þeir eru allir ódrekkandi.

6. sæti: Egils Jólabjór, 4,8%.
Þessi veldur vonbrigðum. Lítil lykt og nánast enginn karakter af bragðinu. Er fullflatur. Þessi bjór er það sem við köllum ódýrari týpan.
Umbúðirnar eru einnig af ódýrari gerðinni. Þessi bjór er eins og Carlsberg, hann er fyrir Bolinn sem gerir litlar kröfur til bjórsins síns.

5. sæti: Egils Maltbjór, 5,6%.
Það er meiri metnaður í þessum bjór frá honum Agli. Sterkt bragð, mikill karakter en bragðið þó ekki yfirþyrmandi.
Umbúðirnar eru lítilfjörlegar og frekar gamaldags. Þær eru óaðlaðandi sem er mínus. Ágætis bjór samt.

4. sæti: Víking Jólabjór, 5.0%.
Milt bragð, fín fylling og karamellubragðið er hæfilegt. Gott eftirbragð. Vel heppnaður bjór en kannski aðeins of einfaldur. Hann ögrar ekki bragðlaukunum nóg. Vantar meiri karakter í hann. Góður samt.
Umbúðirnar lítt aðlaðandi og mætti leggja meiri metnað í þær. Styrkleikinn veldur einnig vonbrigðum.

3. sæti: JólaJökull, 6,0%.
Sterkur og mikil fylling. Lítið eftirbragð. Lyktar vel og er það sem ég kalla sælkerabjór. Metnaðarfullur bjór sem er gott að njóta en á ekki að slafra í sig eins og Carlsberg.
Umbúðirnar vel heppnaðar. Klassabjór.

2. sæti: JólaKaldi, 5,4%.
Ekki of þungur en samt fín fylling. Bjór með miklum karakter. Þeir kunna að brugga þarna fyrir norðan.
Umbúðirnar einstaklega smekklegar og vel heppnaðar. Mikil hátíðarstemning í þessum bjór, að innan sem utan.

1. sæti: Reyktur Bock frá Ölvisholti Brugghúsi, 6,5%.

Þetta er hinn fullkomni jólabjór, það er bara þannig. Maltið í bjórnum er þurrkað í reyk og fyrsti sopinn minnti aðeins á hangikjöt. Fyrsti sopinn sló mann, gríðarlegur karakter og kom á óvart. Maður varð að taka fleiri til átta sig betur á bjórnum. Hann ögrar manni sem er snilld.
Ákveðið, sterkt maltbragð og afar bragðgóður. Eftirbragðið ljúft.
Þetta er algjör sælkerabjór, bjór sem á að njóta. Maður drekkur ekki marga í röð af þessum. Hann er spari.
Umbúðirnar líka stórkostlega vel heppnaðar og mikill metnaður í umbúðunum rétt eins og bjórnum. Þar er útskyrt að bock þýði geit meðal annars og myndin síðan af jólasveini á geit með hangilæri í hendinni. Súmerar upp bjórinn og þá stemningu sem hann stendur fyrir. Vel heppnuð mynd og afar virðingarvert að láta sögu bjórsins fylgja með. Svona á að gera þetta.
Get ekki mælt meira með þessum bjór.

Annars er ánægjulegast hvað íslensku bjórarnir koma vel út fyrir utan Egils-sullið.
Fólki er óhætt að kaupa Reykta Bockinn, JólaKalda, JólaJökulinn, Viking og svo að sjálfsögðu Tuborg Julebryg. Það eru bjórar sem munu ekki svíkja yfir hátíðina.

Gleðilega hátíð.

Er nú samt ekki alveg hættur að blogga en hef flutt mig um set. Framvegis mun ég skrifa íþróttahugleiðingar mínar á blogg.visir.is/utanvallar ásamt félögum mínum í vinnunni. Endilega kíkja á það.

Veit ekki hvað verður um þessa síðu en hún mun liggja áfram í dvala. Ætla nú samt ekki að loka henni enda gæti ég hugsanlega nýtt hana fyrir önnur hugðarefni sem ekki endilega tengjast sportinu. Þannig að framtíð síðunnar er óráðin.

Hvet lesendur endilega til þess að kíkja á nýju síðuna.

Hafði mig ekki einu sinni í að klára áramótaannálinn minn. Átti eftir að minnast á nokkra hluti eins og:

• að ég hefði farið til Kína, gengið Múrinn, fengið mér tattoo og upplifað silfurævintýrið úr nálægð. Það voru mikil forréttindi.
• að þetta var mikið nostalgíuár. Ný Rambo-mynd kom út á árinu. Líklega besta mynd allra tíma. Sá hana á sér forsýningu fyrir Sly-fans og píndi mig líka á frumsýninguna skömmu síðar. Það er meiri Sly á næsta ári. Metallica, Guns n Roses og Oasis gáfu út plötur á svipuðum tíma. Metallica-platan er stórkostleg en hinar frekar slappar.
• gerði margt annað skemmtilegt og átti að lokum frábær jól (skreytti yfir mig) og áramót.

Átti alltaf eftir að sýna Kína-tattooið mitt hérna en einhverra hluta vegna hefur fólk áhuga á að sjá það. Fékk mér það sama dag og ég labbaði Múrinn aka Vegginn sælla minninga. Henti nöfnum barnanna minna á mandarínsku á handlegginn… og já þetta er rétt þýðing og það stendur ekki hoppaðu upp í rassgatið á þér.

Tók viðtal við Geirsson daginn eftir. Það viðtal byrjaði á óhefðbundinn hátt: “Hey, sýndu mér tattooið maður,” sagði Geirsson. Vil líka þakka Hreidda aftur fyrir að lemja mig beint á tattooið. Það var djöfulli þægilegt.

Þó svo ég sé að drulla á mig í blogginu og þetta ár verði algjör viðbjóður er maður ekki alveg að drulla á sig í öllu. Er að fjarþjálfa mig upp hjá Störe sem ætlar að gera kallinn hrikalegan. Helvíti fínt system hjá landsliðsmanninum í póker og hvet þá sem hafa verið að hlaða á sig kílóum undanfarin ár og eru að spá í að drulla sér af stað að hafa samband við Störe. Hann kippir mönnum í lag.

Ætla ekki að loka þessu bloggi þó svo það hafi verið í daufari kantinum síðustu mánuði. Blogga þegar ég nenni og hef áhuga en ekki til að þóknast öðrum. Andinn kemur kannski aftur fljótlega, ef ekki þá so be it.

Góðar stundir.

Djöfull þurfum við líka að fá Letterman aftur á skjáinn.

“Hver vinnur ferð fyrir tvo á leik ÍR og KR í kvöld?”.

Sérstaklega er ánægjulegt að sjá Sly draga Dolpharann aftur á flot.

Þetta verður rosalegt. Gæðastimpillinn liggur svo endanlega í því að Sly mun skrifa, leikstýra og vera aðalmaðurinn.

Styttist í að maður fari að telja niður í næstu hópferð.

… ég fór eðlilega í sumarfrí og var afar duglegur að ferðast innanlands og þá aðallega norður. Hef ekki keyrt svona oft norður á einu ári ég veit ekki síðan hvenær. Skellti mér meðal annars í fyrstu hvalaskoðunaferð ársins á Húsavík. Gekk ekki vel til að byrja með en fundum hvali á endanum. Börnin lifa enn á þessari stórskemmtilegu ferð í fallegasta umhverfi landsins á Skjálfanda.

… ég fór svo á ættarmót í Norður-Þingeyjarsýslu nálægt Ásbyrgi. (helvítis) Tjaldið var með í för og kallinn blés upp vindsængur. Geysigott og skemmtilegt ættarmót. Frasinn “hefur þú áhuga á að vera númer 19″ fæddist þar og er orðinn legendary. Gott geim.

… ég fór líka í skemmtilega traktorsferð á ættarmótinu. Það var hressandi.

… ég keyrði svo suður aftur bara til þess að hlaða upp birgðum því skömmu síðar var haldið aftur norður á Mærudaga á Húsavík. Fyrsta skipti sem ég mæti á Mærudaga og klikka ekki á því aftur. Stórkostlegt. Við feðgarnir léttum á okkur við Hvammstanga.

… ég skellti mér líka á völlinn á Mærudögum. Við feðgarnir dressuðum okkur eðlilega upp og létum vel í okkur heyra í grasbrekkunni. KSÍ-foringjarnir Geir og Þórir mættu á svæðið til að taka út dómaraskandalinn sem hundelti Völlara í sumar. Urðu svo vitni að því er dómari þessa leiks rændi Völsung víti undir lokin. Kostaði liðið tvö stig. Ekkert var samt gert í málinu. Ég er ekki “alveg viss” en mér sýnist Stebbinn vera með í framdrifinu fyrir aftan mig.

Ég hafði margoft sagt að það yrði skandall ef Óli fengi ekki fullt hús og það var ánægjulegt að sjá alla kollega mína setja Ólaf í efsta sætið.

Annars var óvenju erfitt að setja saman topp tíu listann í ár. Þó ánægjulega erfitt því á stundum hefur maður átt í vandræðum með að fylla topp tíu listann. Þetta er talsvert skemmtilegra svona þó svo nokkurn tíma hafi tekið að fá niðurstöðu.

Ég er nokkuð sáttur með topp tíu listann hjá samtökunum en eins og sjá má hér að neðan hefði ég viljað sjá Jón Arnór ofar á listanum. Mér finnst hann ekki alltaf njóta sannmælis í þessu kjöri.

Topp tíu listinn minn leit annars svona út:

1. Ólafur Stefánsson
2. Snorri Steinn Guðjónsson
3. Guðjón Valur Sigurðsson
4. Jón Arnór Stefánsson
5. Margrét Lára Viðarsdóttir
6. Eiður Smári Guðjohnsen
7. Hermann Hreiðarsson
8. Veigar Páll Gunnarsson
9. Katrín Jónsdóttir
10. Þormóður Árni Jónsson

Hér er svo heildarlistinn með öllum þeim íþróttamönnum sem fengu stig í kjörinu í ár. Heildarlistinn er oft svolítið skemmtilegur.

Ólafur Stefánsson, handbolti, 480 stig
Snorri Steinn Guðjónsson, handbolti, 287
Margrét Lára Viðarsdóttir, fótbolti, 210
Guðjón Valur Sigurðsson, handbolti, 194
Eiður Smári Guðjohnsen, fótbolti, 124
Hermann Hreiðarsson, fótbolti, 97
Katrín Jónsdóttir, fótbolti, 61
Alexander Petersson, handbolti, 56
Þormóður Jónsson, júdó, 51
Jón Arnór Stefánsson, körfubolti, 39
Helena Sverrisdóttir, körfubolti, 33
Veigar Páll Gunnarsson, fótbolti, 26
Dóra María Lárusdóttir, fótbolti, 25
Bergur Ingi Pétursson, frjálsar íþróttir, 10
Grétar Rafn Steinsson, fótbolti, 10
Björgvin Páll Gústavsson, handbolti, 10
Hólmfríður Magnúsdóttir, fótbolti, 9
Viktor Kristmannsson, fimleikar, 7
Róbert Gunnarsson, handbolti, 6
Arnór Atlason, handbolti, 5
Ragna Ingólfsdóttir, badminton, 4
Örn Arnarson, sund, 4
Ásdís Hjálmsdóttir, frjálsar íþróttir, 2
Ólöf María Jónsdóttir, golf, 1
Eyþór Þrastarson, sund fatlaðra, 1

Að lokum vil óska ég Ólafi aftur til hamingju með frábæra kosningu sem hann átti svo sannarlega skilið.

Sumarið 2008 var í einu orði sagt frábært.

… ég fór um mánaðamótin maí-júní í magnaða ferð til Póllands þar sem landsliðið tryggði sig inn á ÓL eftir magnaðan sigur á Svíum. Ákaflega skemmtilegt og eftirminnilegt allt saman. Stemningin eftir leik stórkostleg og minnkaði ekki eftir því sem leið á kvöldið. Náði þá aðeins að kynda Kim Andersson. Það var kvikindislegt. Viðurkenni það. Samt hressandi.

… ég gjörsamlega tjaldaði yfir mig í sumar. Stór sem smá tjöld léku hreinlega í höndunum á mér.

… ég hélt mitt árlega sumargrill fyrir félagana. Gloría mojitoaði yfir sig eins og við var að búast.

… ég grillaði með Einari Þorvarðar heima hjá Alla Gísla. Einsi var svolítið í því að kveikja í steikunum en ég gerði mitt besta til þess að kenna honum.

… ég grillaði reyndar algjörlega yfir mig í sumar og toppaði mig á þessu líkkistugrilli.

… ég golfaði einnig talsvert. Eftirminnilegustu golfferðirnar voru þó með kynþokkafyllsta golfara landsins, Albertino. Kynþokkinn lak af honum er hann lék með hneppt frá í 2 stiga hita. Hardcore gæi.

Ég mun taka á móti fjölda góðra gesta og við munum í sameiningu rifja upp íþróttaárið 2008. Held það sé óhætt að lofa hressum og léttum þætti.

Þeir sem vilja hlusta á þáttinn á netinu geta gert það hér. Annars er það bara gamla góða 977 á útvarpinu.

Þetta verður væntanlega síðasti þáttur af Skjálfanda. Í óbreyttri mynd hið minnsta en óvissa er um framtíð þáttarins eftir áramót eins og margt annað í þjóðfélaginu þessa dagana. Þátturinn verður hið minnsta ekki áfram á dagskrá fimm daga vikunnar. Því miður segi ég enda hef ég haft mjög gaman af þessari vinnu.

Áramótasprengja Skjálfanda á morgun, gamlársdag, milli 12 og 14!

… ég reyndi að bjarga EM með því að koma Bjarna Fel í lýsingar. Rúv hlustaði ekki á rödd þjóðarinnar þá frekar en áður.

… ég ræðumannaði yfir mig hjá Völlurunum. Lét útbúa stórkostlegar Júdasartreyjur með hjálp Hensons.

… ég fór helvíti oft í Utan vallar og meðal annars í frægasta þáttinn með Tobba. Það var ógleymanlegt. Einhver sendi mér þessa skemmtilegu mynd þá. Veit ekki hver á heiðurinn af henni en skemmtileg er hún. Tobbi var líka hress í Þrándheimi.

… ég skrifaði minn fyrsta tónleikadóm og tókst að gera allt vitlaust. Henti fullu húsi á Breiðdalinn og stend enn við þann dóm. Arnar Eggert hægði sér eftirminnilega í sínum dómi og var í einhverja viku að reyna að schkeina sér enda með drulluna vel yfir axlir. Schkeiningin gekk aðallega út á að gera mig ótrúverðugan sem tónleikagagnrýnanda og hrokinn sem hann bauð upp á var í hæsta klassa. Ég skemmti mér ágætlega við lesturinn og það besta var að því meira sem hann reyndi að schkeina sér því dýpra sökk hann í kamarinn. Stórkostlegt. Dómur og schkeining Arnars er án vafa með mestu skitum ársins.

… ég fer ekki mikið í partý á þessum síðari árum en mætti engu að síður í partý ársins hjá Geirssyni. Það stóð að sjálfsögðu undir væntingum. Lamdi húðir í teitinu með Merzedes Club og stimplaði mig um leið inn sem einn kröftugasti trommari landsins.

Árið 2008 byrjaði líkt og síðustu ár á stórmóti í handbolta. Verður skrítið að fara á ekkert stórmót á þessu ári. Áfangastaðurinn Þrándheimur. Fínn bær, fín ferð í frábærum félagsskap en árangur landsliðsins lélegur. Stemningin var engan veginn í lagi og maður fann það fljótt. Alfreð yfirgaf skútuna eftir mótið. Mikil eftirsjá af Alfreð sem er góður drengur og mikill fagmaður. Einn besti þjálfari sem ég hef þurft að eiga samskipti við í minni vinnu.

Það var sérstaklega ánægjulegt að fá Skapta með í þessa ferð. Hér erum við félagarnir að taka conference finals í NFL fram á rauða nótt á herberginu mínu. Hressandi kvöld. Sérstaklega eftirminnilegt er við ákváðum að vekja Pjetur en Pjetur var einmitt mjög ánægður með það uppátæki. Það er einmitt Skapti sem á kynþokkafullu tærnar aðeins neðar á síðunni. Sú mynd var einmitt tekin við þetta tækifæri.

… ég hélt sjóræningjaafmæli og fór á kostum sem sjóræningi í afmælinu.

… ég fór líka til Húsavíkur í fermingu systur minnar. Afar skemmtilegt og þessi mynd var sérstaklega tekin fyrir Hörpu frænku.

… ég byrjaði líka með útvarpsþáttinn Skjálfanda. Það hefur verið einstaklega skemmtilegt verkefni. Mörg eftirminnileg atvik átt sér stað í þættinum en eitt það eftirminnilegasta var klárlega þegar ég leiddi Störe og Gaddann saman. Sögulegar sættir.

Ef einhver er ekki kominn í jólaskap nú þegar þá er lausnin hér að neðan. Það er ekki bara lagið sem kemur manni í rétta skapið heldur einnig þetta stórkostlega myndband.

Óska vinum, ættingjum og öðrum lesendum gleðilegrar hátíðar.

Gleðileg jól!

Ég meina hvað er jólalegra en að afhausa og afklæða fugla og vera með blóð á höndunum?

Lyktin sem kemur er sú jólalegasta sem til er. Það besta er að hún fer ekkert næstu dagana heldur, sama hvað maður þvær sér oft. Love it eins og JR sagði um árið.

Þessi tími rann upp í kvöld og var frábær eins og alltaf. Hérna sýni ég strákunum hvernig á að taka þessar elskur úr.

Vorum þrír í aðgerð þetta árið. Við eldri mennirnir tókum inn nýliða í ár sem er yngsti bróðir minn og heitir Daníel. Hann stóð sig helvíti vel og er alveg með þetta… enda ekki annað hægt þegar hann er með snillinga eins og mig og Agga að kenna sér.

Aggi var óvenju öflugur í ár og við vorum óþarflega fljótir að þessu ef eitthvað er.

Menn verða hálfgeðveikir í blóðbaðinu eins og búast má við. Hérna bý ég mig undir að éta hausinn á þessari þingeysku rjúpu. Hætti snarlega við og skar bara hausinn af henni í staðinn.

Unnusta nýliðans, Gulla, stóð þétt við bakið á sínum manni og var ánægð með taktana. Hún fær stóran plús fyrir að halda þetta út enda eru kvenmenn oftar en ekki fljótir að hverfa út úr bílskúrnum þegar athöfnin fer fram. Gulla kippti sér ekki einu sinni upp við að Daníel skyldi kryfja heilann á rjúpunni og skera tunguna úr sem var annars “mjög eðlilegt”.

Mamma þvingaði okkur í hálfsamkynhneigðar svuntur þetta árið og að sjálfsögðu hlýddi maður. Það á alltaf að hlýða mömmu sinni.