Páskar og trúarbrögð með Eddie Izzard 23. mars 2008
Fært af Ingi Rúnar undir Brandarar. rita ummæliNú er páskadagur. Við sem erum á miðjum aldri eða eldri munum tímana tvenna. Eitt af því er að helgi jóla og páska minnkar ár frá ári. Þegar ég var barn var allt lokað á föstudaginn langa og skemmtanahald um páskana mjög takmarkað. En nú er öldin önnur. Þess er varla lengur að merkja að páskar séu í nánd lengur í sjónvarpi og útvarpi, nema gömlu Gufunni. Hér áður fyrr var alltaf reglan að Sjónvarpið dró upp gamlar trúarmyndir um krossfestingu og upprisu Jesú fyrir páska. Stöð 2 var með nýja útfærslu Mel Gibson á sama tema - blóða og hryllingur út um allt. Tímanna tákn eða hvað. Ekki það að ég syrgi gamla tímana mikið, enda trúlaus maður. Svo ku þetta auka á hagvöxtinn að hafa allt galopið á stórhátíðum að hætti Bandaríkjamanna.
Í tilefni dagsins set ég inn magnað myndband um trúarbrögðin og trúarhreyfingar með grínistanum og leikaranum alkunna Eddie Izzard.
Ég er bloggari sem hef gaman af bloggi um stjórnmál, mannlíf, og ljósmyndir. Er á besta aldri og bý á Akureyri.