jan
26
Wayne Rooney vill fá Steven Gerrard til Manchester United
26. janúar 2010 kl. 21.36 |
Knattspyrnuvefsíðan Goal.com er með lið hjá sér þar sem lesendur síðunar geta spyrt helstu hetjaur fótboltans spurninga. Fyrstu til að ríða á vaðið er engin annar er snillingurinn Wayne Rooney sem leikur með Manchester United og enska landsliðinu. Það er margt skemmtilegt sem kemur fram í þeim svörum sem Rooney svarar.
Fyrsta spurningin er hvaða varnarmaður hann telji að sé sá erfiðasti sem hann hefur glímt við. Svar hans var John Terry fyrirliði Chelsea og enska landsliðsins og kemur það varla mikið á óvart enda Terry mikil leiðtogi og klettur.
Þegar Rooney er spurður hvaða leikmann hann vildi fá til Manchester United þá teygir hann aðeins svarið og segir það að öll þannig mál séu í höndum stjórans. Hann segir að hann spilað með frábærum leikmönnum og geri ennþá dag í dag. En Steven Gerrard fyrirliði Liverpool sé mikil vinur hans og hann væri alveg til í að fá hann til Manchester United en hann veit vel að að því verður ekki þar sem Steven er Liverpool-maður alveg í gegn. En þess má geta að Gerrard fékk reynslutíma hjá Manchester United þegar hann var ungur á árum.
Einnig segir Rooney frá því að hann hefði viljað spila með Zinedine Zidane og þegar hann spilaði gegn honum þá var hann eiginlega agndofa yfir hversu góður leikmaður hann var. Einnig gefur hann Theo Walcott hjá Arsenal góða einkunn og segir hann efnilegan leikmann og einn sá fljótasta sem hann hefur leikið með en saman hafa þeir verið hjá enska landsliðinu.
Einnig er Wayne Rooney spurður út í hvað hann sagði við Carlos Tevez leikmann Manchester City sem var að fara að taka vítaspyrnu í leik liðana fyrir stuttu í Carling Cup bikarnum. Rooney sagði að hann hafi sagt við félaga sinn ,, skjóttu framhjá – ég bað hann um að skora ekki.
Á HM 2006 var Rooney rekinn af velli eftir brot á félaga sínum Cristinao Ronaldo sem spilar fyrir Portúgal. Mikið blaðamál var eftir þetta og voru flestir sammála að Ronaldo ætti ekki afturkvæmt á enska grund og samband þeirra hefði farið út um veður og vind - fannst mörgum eins og Ronaldo hafi fiskað félaga sinn hjá Manchester United af velli. En svona svarar Rooney þessu ,, Við töluðum saman stuttu eftir þetta í síma og þegar við síðan komum aftur til Manchester og hófum undirbúningstímabilið þá kom stjórinn og tók okkur tvö á fund. Sagði okkur frá því hvernig blöðin væru og hvernig þau mundu reyna að gera allt til að búa tilf frétt. Við tókumst í hendur. Ronaldo er góður drengur og við spiluðum oft mjög vel saman.
Rooney er spurður hvaða leikmann hann væri helst til í að hafa með sér í framlínu enska landsliðins þá koma helst til greina hjá honum Emile Heskey eða Jermaine Defoe skiptir ekki hvor það er í raun.
Rooney og eiginkona hans eignuðust strák fyrir stuttu og einn fyndinn lesandi spurði hvort hann mundi ekki verða sár ef sonur hans mundi taka uppá því að halda með Liverpool. En Rooney stóð ekki á svari enda fæddur og uppalinn í Liverpool-borg en fylgismaður Everton eins og öll hans fjölskylda. ,, Öll mín fjölskylda er Everton-stuðningsmenn og þannig ólst ég upp. Það fólst meðal annars í því að hata Liverpool. Þannig er það og þannig verður það. Sonur minn mun fá það sama og ég hef ekki miklar áhyggjur af því,” sagði Wayne Rooney.
Ummæli
Tómas Meyer
Ég er bakari að mennt, starfa hjá Dreifingu ehf sem og á Stöð2 Sport. Framsóknarmaður, gítarspilari og áhugamaður um margt. Á einn son sem er mitt mesta og besta afrek til þessa.