feb

9

Super Bowl XLIV - New Orleans Saints vs. Indianapolis Colts

9. febrúar 2010 kl. 16.01 | Rita ummæli

Þá er síðasta leik tímabilsins lokið með tilheyrandi húllumhæi. Það voru tvö bestu lið deildarinnar, New Orleans Saints og Indianapolis Colts sem komust alla leið í Super Bowl. Saints höfðu unnið 15 leiki og tapað þremur á meðan Colts höfðu unnið 16 leiki og tapað tveimur á leið sinni í úrslitaleikinn.

Það voru Saints sem byrjuðu leikinn í sókn en þeim tókst ekki að endurnýja tilraunir sínar og spörkuðu frá sér. Peyton Manning tók við boltanum og hélt í sókn ásamt liðsfélögum sínum. Manning hélt háu tempói í sókninni þar sem hann leyfði engar skiptingar mestan hluta sóknarinnar. Colts komust langt áleiðis en náðu þó ekki að brjótast inn á rauða svæðið því Saints vörnin náði að stöðva þá á 20 yarda línunni. Sóknin endaði því á 38 yarda vallarmarki frá Matt Stover. Stover skoraði og með þessu vallarmarki varð hann elsti leikmaðurinn frá upphafi til að taka þátt í Super Bowl.

Saints voru ekki enn búnir að finna taktinn í sóknarleiknum í næstu sókn því þeir náðu einungis einni endurnýjun og þurftu að sparka frá að nýju. Frásparkarinn Thomas Morestead náði að láta boltann enda á 4 yarda línu Colts og setja þá í erfiða vallarmarksstöðu. Manning tók við þessu verkefni og marseraði upp völlinn eins og hershöfðingi. Athygli vakti hvað hlaupaleikur Colts var að virka vel á þessum tímapunkti. Hlaupaleikur Colts hafði verið sá versti í deildinni á tímabilinu en núna var hann að smella í gang þar sem Saints vörnin ætlaði sér frekar að því að stöðva Manning og leyfa þeim að hlaupa. Manning kláraði sóknina rétt fyrir lok fyrsta leikhluta þegar hann kastaði 19 yarda snertimarkssendingu til Pierre Garcon, 10-0 Colts. Þessi sókn jafnaði metið yfir lengstu sókn í sögu Super Bowl.

Loksins fór eitthvað að ganga í sóknarleik Saints en líkt og í fyrstu sókn Colts voru þeir stöðvaðir áður en þeir komust inn á rauða svæðið. Garrett Hartley varð því að minnka muninn með vallarmarki. Hartley átti ekki í erfiðleikum með 46 yarda vallarmarkstilraunina og minnkaði muninn í 7 stig, 10-3 fyrir Colts. Næsta sókn leiksins átti eftir að verða þýðingarmikil þó hún virðist ekki vera það þegar litið er á tölurnar. Colts mistókst að endurnýja tilraunir sínar en á þriðju tilraun þá tókst Garcon ekki að grípa auðvelda sendingu frá Manning sem hefði dugað fyrir endurnýjuninni. Með gripi þarna hefði sóknin haldið áfram og Colts hefðu getað komið sér í stöðu til að auka muninn enn frekar. Það gerðist hinsvegar ekki sökum mistaka Garcon.

Það voru því Saints sem fóru í sókn á ný og þeir voru greinilega komnir í stuð. Allt útlit var fyrir því að þeir myndu jafna metin þegar þeir náðu að komast þrem yördum frá markinu. Þeir komust þó aðeins tvo af þeim þremur yördum sem uppá vantaði. Á fjórðu tilraun og 1 frá eins yarda línunni ákvað Sean Payton, þjálfari Saints, að reyna að ná snertimarkinu og jafna metin í stað þess að taka auðvelt vallarmark og 3 stig. Ég hugsaði með mér að þetta væri mjög slæm hugmynd þar sem maður tekur alltaf stigin 3 í svona stöðu og þá sérstaklega í leik af þessari stærð. Varnarmönnum Colts tókst að stöðva hlauparann Pierre Thomas frá því að komast í endamarkið og tóku því við boltanum með 7 stiga forystu og innan við tvær mínútur eftir í hálfleiknum.

Fyrir flesta leikstjórnendur er ógerlegt að fara 99 yarda á rétt innan við tveimur mínútum en ef einhver getur það þá er það Peyton Manning. Í þetta skiptið gerðist þó ekkert í sóknarleiknum og Colts neyddust til að sparka frá sér og gefa Saints annað tækifæri á að skora. Það tókst þeim á síðasta kerfi leiksins þegar Hartley skoraði annað vallarmark sitt, núna af 44 yarda færi. Hálfleikstölur 10-6 fyrir Colts.

The Who skemmtu fólki í hálfleik á meðan liðin lögðu á ráðin í búningsklefum sínum. Í búningsklefanum ákvað Sean Payton að reyna mjög djarft bragð í byrjun síðari hálfleiks. Í upphafssparkinu tóku Saints hliðarspark öllum að óvörum. Nýliðinn Thomas Morestead fékk þetta verkefni í hendurnar og hann var ein stór taugahrúga milli þess sem þjálfarinn hafði tilkynnt honum hvað þeir ætluðu að gera og þangað til hann tók sparkið. Ólíkt ákvörðuninni í fyrri hálfleik að reyna að skora á fjórðu tilraun þá heppnaðist þessi tilraun og Saints náðu boltanum. Það var þó talsvert öngþveiti í kringum boltann og dómararnir voru lengi að ákvarða hvaða lið ætti boltann. Að lokum voru það Saints. Þeir nýttu sér þessa fínu vallarstöðu og komust yfir í fyrsta skiptið í leiknum eftir 16 yarda snertimarkssendingu frá Drew Brees á Pierre Thomas.

Komið var að Manning á nýjan leik en þegar hér var komið við sögu hafði hann gert afskaplega lítið frá því í fyrsta leikhluta. Sóknarleikur Colts hafði aðeins náð að keyra 6 kerfi í öðrum leikhluta. Við þetta bættist síðan lengri hálfleikur en venjulega og sókn hjá Saints til að byrja síðari hálfleik. Því mætti búast við því að Manning væri vel kaldur eftir svona langan tíma. Það var þó ekki að sjá á honum að slíkt væri uppi á teningunum. Hann tók 8 kerfi í röð sem enduðu sóknina þar sem engar skiptingar áttu sér stað. Þetta hélt Saints vörninni á hælunum og gerði þeim erfitt fyrir. Colts komust á nýjan leik yfir þegar Joseph Addai hljóp 4 yarda inn í endamarkið. Staðan orðin 17-13 fyrir Colts.

Drew Brees og félagar hans í sókninni hjá Saints ætluðu sér að komast yfir á nýjan leik en þeir þurftu að sætta sig við að minnka muninn í 1 stig, 17-16, þegar Garrett Hartley skoraði sitt þriðja vallarmark, nú af 47 yarda færi. Þetta var í fyrsta skiptið í sögu Super Bowl sem sparkari sparkar þremur vallarmörkum yfir 40 yarda. Á þessum tímapunkti var leikurinn því orðinn æsispennandi. Hér var einnig þriðji leikhluti að enda og því von á mikilli dramatík í lokaleikhlutanum. Colts héldu í sókn en náðu ekki næginlega langt. Þeir tóku nokkuð óvænta ákvörðun þegar þeir ákváðu að reyna við 51 yarda vallarmark. Matt Stover er orðinn 42 ára gamall og er einfaldlega ekki með nógu mikinn styrk í fætinum til að ná svona löngu vallarmarki. Hann var nokkuð langt frá því að drífa alla leið. Saints fengu því góða vallarstöðu í staðinn. Mér finnst skrítið að Colts hafi ekki sparkað frá sér eða einfaldlega reynt að ná endurnýjuninni í stað þessa langa vallarmarks.

Hin góða vallarstaða kom Saints sér vel og þeir þökkuðu vitaskuld fyrir sig með því að komast yfir á nýjan leik. Innherjinn Jeremy Shockey greip tveggja yarda sendingu frá Brees og Saints voru komnir með 5 stiga forystu. Það var ekkert annað í stöðunni en að reyna við tvö stig og ná forystunni upp í 7 stig þar sem 6 stiga forysta hefði gert lítið. Í fyrstu virtist sem sending Brees á Lance Moore hefði mistekist enda missti Moore boltann og dómarinn dæmdi að tilraunin hefði mistekist. Sean Peyton ákvað að véfengja ákvörðuninni og við nánari skoðun kom í ljós að Moore greip boltann, teygði hann yfir marklínuna, lenti og hélt enn á boltanum. Hann missti síðan boltann þegar leikmaður Colts sparkaði boltanum úr höndum hans. Gripið var því gott og gilt og forysta Saints orðin 7 stig, 24-17.

Allt útlit var fyrir hörkuspennandi mínútur það sem eftir lifði leiks og jafnvel framlengingu, sem hafði aldrei gerst í sögu Super Bowl. Með rúmar 6 mínútur til leiksloka fóru Colts í sókn. Sóknin gekk hægt og rólega áfram og lítið útlit var fyrir því að eitthvað annað myndi gerast en Colts myndu jafna. Á þriðju tilraun og fimm á 31 yarda línu Saints átti stærsta kerfi leiksins sér stað. Colts voru með tvo útherja vinstra megin og voru að taka kerfi sem þeir höfðu tekið oft og mörgum sinnum á tímabilinu. Tracy Porter, bakvörður Saints, hafði unnið heimavinnuna sína og um leið og hann sá hvaða leið útherjarnir voru að hlaupa vissi hann hvað var að gerast. Porter stökk því fram, í veg fyrir Reggie Wayne, útherja Colts, og greip boltann. Hann gerði sér lítið fyrir og hljóp 74 yarda frá þeim stað alla leið inn í endamarkið. Með þessu tryggði hann Saints nánast sigurinn enda staðan orðin 31-17 og þrjár mínútur eftir.

Það var því ljóst að Colts þurftu að skora tvö snertimörk á þessum tíma. Ansi stórt fjall sem þeir þurftu að klífa. Allt gekk þó að óskum í byrjun sóknarinnar því fyrstu fjórar sendingarnar heppnuðust og það vantaði aðeins 13 yarda til að komast í markið. Cols náðu að fikra sig örlítið framar, að 5 yarda línunni. Með 50 sekúndur eftir og á fjórðu tilraun og mark var ljóst að leikurinn væri undir. Sending Manning til Wayne heppnaðist ekki og Saints því búnir að tryggja sér sigurinn endanlega. Drew Brees tók eitt hné og leikurinn búinn. Lokatölur 31-17 fyrir Saints.

Sigur Saints var verðskuldaður. Þeir áttu betri heildarleik heldur en Colts auk þess sem þeir áttu fleiri stærri kerfi. Varnarleikurinn hjá báðum liðum var ekkert sérstakur en það voru Saints sem áttu eina varnarkerfið í leiknum sem hægt er að kalla stórt. Það reyndist vera risastórt enda tryggði inngrips snertimarkið hjá Tracy Porter sigurinn. Aðeins náðist að fella þá Brees og Manning einu sinni í leiknum og það er helst lýsandi dæmi yfir skort á varnarleik. Drew Brees var valinn verðmætasti leikmaður leiksins en hann kláraði 32 af 39 sendingum sínum fyrir 288 yarda og 2 snertimörk. Manning á hinn bóginn kláraði 31 sendingu af 45 fyrir 333 yarda, snertimark og inngrip. Brees jafnaði met Tom Brady yfir flestar kláraðar sendingar í Super Bowl með 32 stykki.

Ég verð að segja að leikurinn í heild var mjög góður en það sem vantaði helst var aukin spenna í lokin. Það leit allt út fyrir að það væri að fara að gerast áður en Porter komst inn í sendinguna frá Manning. Ef það hefði ekki gerst er ég nokkuð viss um að leikurinn hefði dottið í framlengingu eða þá að við hefðum fengið vallarmark á síðustu sekúndum leiksins.

New Orleans Saints eru því orðnir Super Bowl meistarar í fyrsta skiptið í 43 ára sögu sinni og óskum við á NFL blogginu þeim og öllum aðdáendum til hamingju með þann áfanga.

feb

8

Saints vinna sinn fyrsta Superbowl eftir sigur á Colts: Saints vs Colts 31-17

8. febrúar 2010 kl. 3.42 | Rita ummæli

New Orleans@Indianapolis Colts

feb

7

Super Bowl Sunday - Colts vs. Saints

7. febrúar 2010 kl. 18.05 | 1 ummæli

Í dag er stærsi dagurinn í NFL deildinni því Super Bowl verður leikinn síðar í kvöld. Sökum anna í vikunni þá reyndist ekki hægt að koma með jafn ítarlega upphitun fyrir leikinn eins og í fyrra en nú verður farið fljótlega yfir liðin tvö, Colts og Saints.

Leikstjórnendur: Það er vitað mál að tveir bestu leikmenn leiksins í kvöld eru leikstjórnendur liðanna tveggja, Peyton Manning og Drew Brees. Manning er eflaust besti leikstjórnandinn í deildinni í dag og eru hin ýmsu afrek hans á undanförnum árum merki um það. Sigur í dag mun festa Manning í sessi sem einn allra besti leikstjórnandi sögunnar. Brees er enn að eltast við fyrsta meistaratitil sinn. Manning er handhafi verðlaunanna fyrir verðmætasta leikmann deildarinnar í ár. Sigur: Colts

Sóknarlína: Sóknarlína Colts er ekki skipuð mörgum þekktum nöfnum. Miðjumaðurinn Jeff Saturday er klárlega besti leikmaður sóknarlínu Colts. Sóknarlína þeirra er eflaust að fá meiri heiður en hún á skilið fyrir þá staðreynd að Manning var felldur minnst af öllum leikstjórnendum deildarinnar í ár. Mitt mat er að það sé frekar þökk þess hversu fljótur Manning er að losa sig við botlann frekar en gæði sóknarlínunnar. Sóknarlína Saints á hinn bóginn er öflugari og er jafnvígari hvað hlaupa og sendingarblokk snertir. Sóknarlína Colts er byggð fyrir sendingablokk og skortir hæfileikana fyrir hlaupablokk. Sigur: Saints

Útherjar: Bæði lið búa yfir miklum hæfileikum í útherjastöðunum. Reggie Wayne hjá Colts og Marques Colston hjá Saints eru þeir bestu í hvoru liði fyrir sig. Colts sýndu það gegn Jets í undanúrslitunum að þeir geta unnið ef Wayne á slæman dag. Hinir ungu Pierre Garcon og Austin Collie stigu heldur betur upp gegn Jets og sendingaleikurinn fann ekki fyrir því og var áfram í hæsta gæðaflokki. Breiddin er ekki alveg jafn góð hjá Saints en þar eru einnig margir hæfir gríparar. Sigur: Colts

Hlaupaleikur: Þetta er algjör no-brainer. Hlaupaleikur Colts var sá slakasti í deildinni í ár á meðan Saints voru með þann 6. besta. Hjá Saints eru það Reggie Bush og Pierre Thomas sem sjá um vinnuna en Bush er einnig skæður þegar hann grípur boltann fyrir aftan sóknarlínuna. Sigur: Saints

Innherjar: Dallas Clark hjá Colts er í raun og veru eins og útherji því hann er ekki mikið í því að blokka heldur er aðal styrkur hans að grípa boltann. Clark greip 100 bolta í ár og skoraði 10 snertimörk. Jeremy Shockey hjá Saints er hæfileikaríkur en það skilar sér ekki alltaf í leik hans. Shockey er nokkur X-factor fyrir leikinn því ef hann á góðan leik mun það án efa koma Saints til góðs en ég reikna ekki með því að sú verði raunin. Sigur: Colts

Varnarlína: Mesta spurningamerkið varðandi leikinn eru meiðsli Dwight Freeney, varnarlínumanns Colts. Freeney er einn sá besti í að setja pressu á leikstjórnendur andstæðinganna en hann hefur verið að glíma við ökklameiðsl eftir leikinn gegn Jets. Ég verð að telja afar ólíklegt að hann muni spila leikinn. Það veikir varnarlínu Colts svakalega því oft þarf tvo menn til að blokka Freeney og það gerir Robert Mathis auðveldara fyrir að ná til leikstjórnandans. Varnarlína Saints er góð með Will Smith fremstan í flokki. Þeir verða án Charles Grant sem er frá vegna meiðsla og það veikir línu þeirra klárlega. Varnarlínurnar liðanna eru svipaðar. Það fer allt eftir því hvort Freeney spili eða ekki hvort liðið er með betri varnarlínu. Eins og útlitið er núna þá eru það Saints. Sigur: Saints

Línuverðir: Línuverðir Colts eru smáir og fljótir og fá oft ekki þá athygli sem þeir eiga skilið. Þeir eru fljótir að ná til andstæðingsins og auðkenni þeirra að þeir sveima allir í átt til þess sem er með boltann. Fyrir utan Jonathan Vilma eru línuverðir Saints ekki þekktir. Vilma er tæklingamaskína og það má búast við því að hann muni eiga þær nokkrar í dag. Liðin eru frekar jöfn hvað línuverði varðar en Colts eru þó ögn betri. Sigur: Colts

Varnarbaksvæði: Það mun reyna mikið á bæði varnarbaksvæðin þar sem bæði lið skarta frábærum sendingaleikjum sem baksvæðin þurfa að stöðva. Darren Sharper hjá Saints átti frábært tímabil í ár og leiddi deildina í inngripum með 9 stykki. Hjá Colts fer Antoine Bethea fyrir baksvæðinu í fjarveru Bob Sanders sem er meiddur. Það er nokkuð ljóst að bæði baksvæðin munu vera í sviðsljósinu í kvöld og það lið sem nær fleiri stórum kerfum þar og heldur hinu liðinu frá því að eiga stór kerfi mun segja mikið til um hvort liðið stendur uppi sem sigurvegari. Mér finnst baksvæðið hjá Colts mynda betri heild og vera jafnara en þeir hjá Saints eiga fleiri stór kerfi. Sigur: Colts

Sparkarar: Þetta er ósköp einfalt. Garrett Hartley, sparkari Saints, er á sínu öðru ári í deildinni. Colts menn búa yfir gífurlegri reynslu hinsvegar því þar eru þeir Matt Stover og Adam Vinatieri sparkarar. Stover er á sínu 20. ári í deildinni og Vinatieri á sínu 14. Báðir hafa þeir Stover og Vinatieri unnið Super Bowl titla, Stover einn og Vinatieri fjóra. Vinatieri tryggði Patriots sigur með vallarmarki á síðusta kerfi Super Bowl XXXVI og Super Bowl XXXVIII. Vinatieri mun hinsvegar ekki sjá um að sparka í dag þar sem hann meiddist í október og þá var Stover fenginn til að leysa hann af hólmi. Sigur: Colts

Þjálfarar: Jim Caldwell, þjálfari Colts, er á sínu fyrsta ári í þjálfarastöðunni eftir að hann tók við af Tony Dungy. Caldwell gerði sér lítið fyrir og vann fyrstu 14 leikina sína, tapaði síðan tveimur tilgangslausum leikjum sem skiptu liðið engu máli og er nú kominn í Super Bowl. Stórkostlegur árangur. Sean Payton, þjálfari Saints, er á sínu fjórða ári sem þjálfari Saints. Hann hefur komið liðinu í úrslitakeppnina tvisvar í úrslitakeppnina. Hann tapaði í undanúrslitum á sínu fyrsta ári, árið 2006, en er nú kominn í Super Bowl. Það verður seint sagt að þeir hafi mikla reynslu en hæfileikarnir eru klárlega til staðar enda leynir árangurinn sér ekki. Þetta er jafnt en sökum meiri reynslu hefur Payton betur. Sigur: Saints.

Af þessum 10 flokkum sem farið hefur verið yfir hafði Colts betur í 6 þeirra en Saints hafði betur í 4 þeirra. Það er því mitt mat að Colts muni sigra í kvöld. Það myndi setja punktinn yfir i-ið á frábæru tímabili sem liðið hefur átt. Þeirra á eftir að verða minnst sem eins besta liðs allra tíma ef þeir sigra í kvöld. Sigur hjá Saints yrði mjög táknrænn fyrir þá uppbyggingu sem hefur átt sér stað í New Orleans frá því að fellibylurinn Katarína lagði borgina í rúst árið 2005. Lokatölur: 31-24 fyrir Colts.

Ég vil minna á Super Bowl partýið á SPOT í Kópavogi sem hefst kl. 22:00 í kvöld. NFL bloggið heldur partýið í samstarfi við MIXFM 101.1, SPOT og sportfrettir.is

-LK

feb

7

Rice, Smith og 5 aðrir mynda 2010 árgang Frægðarhallarinnar

7. febrúar 2010 kl. 17.15 | Rita ummæli

Í gærkvöldi var tilkynnt hvaða leikmenn hljóta þann mikla heiður að vera teknir inn í Frægðarhöllina í ágúst. Í næstu viku förum við yfir feril þessara leikmanna en hér er listinn yfir þá leikmenn sem komust inn í gær.

Russ Grimm – Guard – 1981-1991 Washington Redskins
Rickey Jackson – Linebacker – 1981-1993 New Orleans Saints, 1994-95 San Francisco 49ers
Dick LeBeau* – Cornerback – 1959-1972 Detroit Lions
Floyd Little* – Running Back – 1967-1975 Denver Broncos
John Randle – Defensive Tackle – 1990-2000 Minnesota Vikings, 2001-03 Seattle Seahawks
Jerry Rice – Wide Receiver – 1985-2000 San Francisco 49ers, 2001-04 Oakland Raiders, 2004 Seattle Seahawks
Emmitt Smith – Running Back – 1990-2002 Dallas Cowboys, 2003-04 Arizona Cardinals

feb

6

Kosið inn í Frægðarhöllina í dag.

6. febrúar 2010 kl. 16.58 | Rita ummæli

Í dag kemur í ljós hvaða einstaklingar verða kosnir inn í Frægðarhöllina. Það eru 17 fyrrverandi leikmenn og þjálfarar sem koma til greina og það verða á bilinu 4 til 7 menn kosnir inn síðar í dag. Hér er listinn yfir þá sem eiga möguleika á þessum mikla heiðri:

Tim Brown – Wide Receiver/Kick Returner – 1988-2003 Los Angeles/Oakland Raiders, 2004 Tampa Bay Buccaneers
Cris Carter – Wide Receiver – 1987-89 Philadelphia Eagles, 1990-2001 Minnesota Vikings, 2002 Miami Dolphins
Don Coryell – Coach – 1973-77 St. Louis Cardinals, 1978-1986 San Diego Chargers
Roger Craig – Running Back – 1983-1990 San Francisco 49ers, 1991 Los Angeles Raiders, 1992-93 Minnesota Vikings
Dermontti Dawson – Center – 1988-2000 Pittsburgh Steelers
Richard Dent – Defensive End – 1983-1993, 1995 Chicago Bears, 1994 San Francisco 49ers, 1996 Indianapolis Colts, 1997 Philadelphia Eagles
Russ Grimm – Guard – 1981-1991 Washington Redskins
Charles Haley – Defensive End/Linebacker – 1986-1991, 1999 San Francisco 49ers, 1992-96 Dallas Cowboys
Rickey Jackson – Linebacker – 1981-1993 New Orleans Saints, 1994-95 San Francisco 49ers
Cortez Kennedy – Defensive Tackle – 1990-2000 Seattle Seahawks
Dick LeBeau* – Cornerback – 1959-1972 Detroit Lions
Floyd Little* – Running Back – 1967-1975 Denver Broncos
John Randle – Defensive Tackle – 1990-2000 Minnesota Vikings, 2001-03 Seattle Seahawks
Andre Reed – Wide Receiver – 1985-1999 Buffalo Bills, 2000 Washington Redskins
Jerry Rice – Wide Receiver – 1985-2000 San Francisco 49ers, 2001-04 Oakland Raiders, 2004 Seattle Seahawks
Shannon Sharpe – Tight End – 1990-99, 2002-03 Denver Broncos, 2000-01 Baltimore Ravens
Emmitt Smith – Running Back – 1990-2002 Dallas Cowboys, 2003-04 Arizona Cardinals

Þeir Floyd Little og Dick LeBeau eru val svokallaðrar heldri manna nefndar en hún velur árlega tvo menn sem hafa ekki komist inn í Frægðarhöllina og hvers ferill átti sér stað fyrir 25 árum síðan eða lengra. Leikmaður eða þjálfari á fyrst möguleika á að vera kosinn inn eftir að 5 tímabil hafi liðið frá því hann lék/þjálfaði síðast leik. Oft getur það gerst að einhverjir falla í skuggann á öðrum og geta því gleymst og það er tilgangurinn með þessum tveimur auka valkostum.

Þetta er fyrsta árið sem Tim Brown, Emmitt Smith og Jerry Rice eiga möguleika á að komast inn og flestir telja að Smith og Rice muni fljúga inn. Smith á metið yfir flesta hlaupayarda í deildinni og Rice á metið yfir flesta sendingayarda hjá útherja auk metsins yfir fjölda snertimarka í deildinni.

Nefndin sem velur inn í Frægðarhöllina skipa 44 menn og til að leikmaður komist inn þarf hann að fá lágmark 80% atkvæða. Það þarf því 36 atkvæði til að komast inn.

Hér kemur síðan mín spá um hverjir munu komast inn í ár:

Jerry Rice, Emmitt Smith, Dick LeBeau, Charles Haley, Shannon Sharpe og Russ Grimm.

-LK

feb

6

Engin NFL þáttur á MixFm í dag!

6. febrúar 2010 kl. 14.17 | Rita ummæli

Því miður verður ekki hægt að senda út NFL þáttinn sem átti að vera kl 16:00 í dag á MixFm 101,1.  Við höfum þó brugðið á það ráð að hafa þáttinn á Blogtalkradio.com beinni í gegnum netið á morgun sunnudag.   Nákvæm tímasetning kemur seinna í dag.

feb

5

SUPER BOWL sýnt beint á SPOT 7 Feb

5. febrúar 2010 kl. 16.36 | Rita ummæli

Viljum minna á magnað partý sem verður haldið á skemmtistaðnum SPOT.

SUPER BOWL sýnt beint á SPOT 7 Feb en upphitun hefst kl 22:00. Super Bowl partý er í samstarfi við MIXFM 101.1.SPOT.sportfrettir.is og NFL bloggið á visir.is. Laugardaginn 6 Feb kl 16:00 verður sérstakur þáttur á MIXFM um super bowl þar sem farið verður yfir leiki helgarinnar.

Tilboð verða á mat og drykk…………..og frábær tilboð á Bjór.

feb

2

Kjaramál deildarinnar - Launaþakið að hverfa - Ekkert 2011 tímabil

2. febrúar 2010 kl. 16.08 | Rita ummæli

Framundan eru afar mikilvægir mánuðir fyrir framtíð deildarinnar. Viðræður milli leikmanna og eigenda varðandi kjaramál þurfa að fara að ná einhverjum árangri á mjög skömmum tíma áður en framtíð deildarinnar verður í hættu. Ekki er þó útlit fyrir því að leikmenn og eigendur muni ná saman áður en það verður of seint, svo mikill er ágreiningurinn þeirra á milli. Lítum á um hvað málið snýst.

Fyrsti hluturinn sem vert er að skoða er framtíð launaþaksins sem hefur verið við lýði síðan 1994. Að öllum líkindum mun ekkert launaþak vera í deildinni á næsta tímabili, sem hefst næstkomandi september. Þetta þýðir einnig að ekkert launagólf verður við lýði, sem er fylgifiskur launaþaksins. Undir núverandi kjarasamningum mega liðin ekki eyða yfir ákveðnu marki í leikmannalaun. Liðin verða einnig að eyða yfir ákveðnu marki í leikmannalaun. Launagólfið á þessu tímabili var 107,75 milljón dollara og launaþakið var 123 milljón dollarar. Þetta er hækkun um 7,75% fyrir launagólfið og 6% hækkun fyrir launaþakið frá 2008 tímabilinu.

Afnám launaþaksins mun gera það að verkum að lið geta eytt eins mikið (eða lítið) og þau vilja í leikmenn. Þetta mun eflaust þýða að einhverjir reyni að kaupa sér meistaratitla eins og við þekkjum úr ensku knattspyrnunni og öðrum knattspyrnudeildum í Evrópu. Hætta er á að ójafnvægi í deildinni muni aukast til muna. Það yrðu því stóru liðin á borð við Dallas Cowboys, Washington Redskins, New York Giants og New York Jets sem munu geta eytt að vild í leikmenn þar sem tekjur þeirra eru mun meiri heldur en minni liða á borð við Buffalo Bills, Jacksonville Jaguars, Indianapolis Colts, New Orleans Saints og Kansas City Chiefs.

Ef launaþakið verður afnumið er nánast öruggt að það mun ekki koma aftur. Fresturinn sem liðin hafa áður en þetta tekur við er 5. mars næstkomandi, en þá hefst nýtt ár í dagatali deildarinnar. Árið 2010 er síðasta árið í núverandi kjarasamningum og síðasta árið er frábrugðið öðrum árum á þann veg að þar er ekkert launaþak/gólf við lýði. Það voru eigendurnir sem nýttu rétt sinn að segja sig úr kjarasamningunum árið 2008 eins og við hér á NFL Blogginu greindum frá þá. Ég held að 5. mars sé ekki algjör frestur, einnig væri hægt að ná samningum áður en fyrsti leikur næsta tímabils er spilaður. Eigendurnir sögðu sig úr kjarasamningunum árið 2008 þar sem þeim þóttu leikmenn fá of mikið samkvæmt þeim. Leikmenn fá nú um 60% af tekjum liðanna, en það eru tekjur sem ákvarða hvert launaþakið á að vera. Nú vilja eigendur að leikmenn taki á sig launalækkun sem nemur allt að 20 prósentum. Þetta eru leikmenn ekki tilbúnir að taka á sig og er helsta ágreiningsefnið.

Ég tel þó að afnám launaþaksins muni ekki vera neinn dómsdagur fyrir lið deildarinnar. Þau munu finna leiðir til þess að vera samkeppnishæf en litlu liðin þurfa að vera hugmyndaríkari en áður við að næla sér í leikmenn og ná árangri með þeim. Það sem vekur ótta hjá mér er sú staðreynd að ef samningar nást ekki fyrir byrjun mars 2011 mun ekkert verða af tímabilinu árið 2011. Samkvæmt vinnulöggjöf sem er við lýði í Bandaríkjunum hafa leikmenn rétt til þess að fara í verkfall en eigendur hafa rétt á því að loka leikmenn úti (e. lock-out). Ekkert slíkt hefur gerst undanfarin 23 ár. Það voru tvö leikmannaverkföll á 9. áratugnum, fyrst 1982 og síðan 1987. Tímabilið 1982 var aðeins 9 leikir en árið 1987 var tímabilið 15 leikir, því eigendurnir fengu varamenn (e. replacements) til þess að spila leiki hluta tímabilsins.

Það verður haldið nýliðaval nú í ár og á næsta ári sama hvað gerist en ég er ekki með á hreinu hvernig málum verður háttað árið 2012 ef engir samningar hafa náðst þá. Ég hef á tilfinningunni að þá muni hvaða lið sem er geta reynt að fá hvaða leikmann sem kemur inn í deildina úr háskólaboltanum til liðs við sig. Því er hætta á því að tekjuhæstu liðin muni reyna að lokka bestu háskólaleikmennina sína til sín.

Síðasti hluturinn sem mun breytast og er næstur á dagskrá er free agency tímabilið nú í ár. Það hefst 5. mars þegar nýtt ár hefst hjá deildinni. Samkvæmt núverandi kjarasamningi sem hefur verið í gildi undanfarin ár þá er liðum frjálst að semja við leikmenn þegar þeir hafa lokið þrem tímabilum í deildinni. Eftir þessi þrjú ár verða leikmenn svokallaðir “restricted free agents” sem þýðir að lið getur boðið leikmönnum sem eru samningsbundnir öðru liði samning. Lið leikmannsins getur þá jafnað tilboðið eða leyft leikmanninum að fara. Ef liðið leyfir leikmanninum að fara þá fær það bætur frá hinu liðinu í formi valrétta í nýliðavalinu. Því verðmætari sem leikmaður er því hærri (og fleiri í sumum tilvikum) valrétti fær liðið frá hinu liðinu. Ef samningar nást ekki fyrir 5. mars þá munu leikmenn sem eru búnir með þrjú, fjögur og fimm ár verða “restricted free agents”.

Hinn flokkur free agency leikmannana er “unrestricted free agents”. Þetta er sá hópur sem fær mesta umfjöllun ár hvert en í þann hóp falla leikmenn sem lokið hafa a.m.k. fjórum tímabilum í deildinni og eru samningslausir. Oftast er hart barist um þessa leikmenn enda eru þeir venjulega á besta aldri og hafa fest sig í sessi sem stjörnur. Því er dýrt að njóta þjónustu þeirra. Margir leikmenn bíða eftir þessum tíma því þá fá þeir loksins stóra launatékkann sem byrjun ferilsins hefur farið í að vinna sér inn. Án samninga um kjaramál munu leikmenn þurfa að hafa verið í deildinni í 6 ár áður en þeir komast inn í fyrirheitna landið sem unrestricted free agency er.

Þetta hefur þau áhrif á árið í ár að fjöldi leikmanna sem verða samningslausir og eiga séns á stórum samningum verður mun minni en hefur verið undanfarin ár. Þeir leikmenn sem tapa mest eru þeir sem hafa klárað 4 og 5 ár í deildinni og eru samningslausir því nú getur lið þeirra fengið bætur í formi valrétta í nýliðavalinu sem fá lið munu vilja láta af hendi. Því geta liðin boðið þessum stjörnum lægri laun en þeir hefðu fengið undir gamla kerfinu. Leikmennirnir sem skrifðu undir 5 ára samning í nýliðavalinu árið 2005 og 4 ára samning í nýliðavalinu árið 2006 eru því þeir sem eru að tapa á þessu. Það er aldrei að vita nema ein þessara stjarna meiðist á næstu tveimur árum og muni því ekki fá jafn góðan samning (eða þá samning yfirhöfuð) þegar hann verður loks “unrestricted free agent” árið 2011 eða 2012.

Einnig munu vera ákveðin takmörk yfir það hversu mikið þau 8 lið sem komust í 8-liða úrslit úrslitakeppninnar í ár mega taka þátt í free agency. Megininntakið í þessu er að liðin mega ekki semja við leikmenn nema liðið tapi sjálft leikmönnum í free agency. Einfalt dæmi ætti að skýra þetta: Eitt þessara 8 liða hefur áhuga á að semja við 4 leikmenn en þar sem það voru aðeins tveir leikmenn, sem léku með liðinu á tímabilinu, sem skrifuðu undir samninga við önnur lið þá getur liðið bara samið við tvo af þessum fjórum leikmönnum sem það hefur áhuga á. Einnig gilda einhver takmörk á hversu stórir þessir samningar eru. Liðin fjögur sem komast í undanúrslit munu standa frammi fyrir fleiri takmörkunum en liðin fjögur sem þau sigruðu í 8-liða úrslitunum.

Þetta kerfi á free agency mun vera við lýði svo lengi sem það verður ekkert launaþak eftir því sem ég kemst næst. Það hefur hinsvegar mest áhrif til að byrja með, 2010 og 2011, þar sem með tímanum mun fjöldi leikmanna sem verða free agents aftur komast í sama horf og var á undanförnum árum.

Ég ætla ekki að hafa þetta lengra að sinni en vísa í eftirfarandi greinar sem fjalla um þetta mál:

CBA-related questions.

NFL’s billionaires, millionaires gird for labor fight over big bucks.

Mawae: Owners, players “on (opposite) 10-yard lines” on new CBA.

Goodell says uncapped 2010 is “virtually certain”

feb

2

Lið áratugarins kynnt

2. febrúar 2010 kl. 12.28 | 4 ummæli

Um helgina var lið áratugarins 2000-2009 tilkynnt. Það eru meðlimir valnefndar Frægðarhallarinnar sem velja leikmennina í liðið. Þetta er í 9. skiptið sem lið af þessu tagi er valið. Rennum yfir þá leikmenn sem valdir voru. Öll liðin sem leikmaðurinn lék með á þessum árum eru talin upp. Einungis voru afrek leikmanns á þessum árum notuð við ákvörðunina.

Sókn:
Leikstjórnendur (QB):Tom Brady, New England Patriots og Peyton Manning, Indianapolis Colts

Hlauparar (RB): Shaun Alexander, Seattle Seahawks; Jamal Lewis, Baltimore Ravens og Cleveland Browns; LaDainian Tomlinson, San Diego Chargers; Edgerrin James, Indianapolis Colts og Arizona Cardinals. Fullback (FB): Lorenzo Neal, Tennessee Titans, Cincinnati Bengals, San Diego Chargers og Baltimore Ravens.

Útherjar (WR): Marvin Harrison, Indianapolis Colts; Torry Holt, St. Louis Rams og Jacksonville Jaguars; Randy Moss, Minnesota Vikings, Oakland Raiders og New England Patriots; Terrell Owens, San Francisco 49ers, Philadelphia Eagles, Dallas Cowboys og Buffalo Bills.

Innherjar (TE): Tony Gonzalez, Kansas City Chiefs og Atlanta Falcons; Antonio Gates, San Diego Chargers.

Sóknarlínutæklarar (OT): Walter Jones, Seattle Seahawks; Jonathan Ogden, Baltimore Ravens; Orlando Pace, St. Louis Rams og Chicago Bears; William Roaf, New Orleans Saints og Kansas City Chiefs.

Sóknarlínuverðir (OG): Larry Allen, Dallas Cowboys; Alan Faneca, Pittsburgh Steelers og New York Jets; Steve Hutchinson, Seattle Seahawks og Minnesota Vikings; Will Shields, Kansas City Chiefs.

Miðjumenn (C): Olin Kreutz, Chicago Bears og Kevin Mawae, New York Jets og Tennessee Titans.

Vörn:
Varnarlínuendar (DE): Dwight Freeney, Indianapolis Colts; Julius Peppers, Carolina Panthers; Michael Strahan, New York Giants; Jason Taylor, Miami Dolphins.

Varnarlínutæklarar (DT): La’Roi Glover, New Orleans Saints, Dallas Cowboys og St. Louis Rams; Warren Sapp, Tampa Bay Buccaneers og Oakland Raiders; Richard Seymour, New England Patriots og Oakland Raiders; Kevin Williams, Minnesota Vikings.

Línuverðir (LB): Derrick Brooks, Tampa Bay Buccaneers; Ray Lewis, Baltimore Ravens; Joey Porter, Pittsburgh Steelers og Miami Dolphins; Zach Thomas, Miami Dolphins, Dallas Cowboys og Kansas City Chiefs; Brian Urlacher, Chicago Bears; DeMarcus Ware, Dallas Cowboys.

Öryggismaður (S): Brian Dawkins, Philadelphia Eagles og Denver Broncos; Troy Polamalu, Pittsburgh Steelers; Ed Reed, Baltimore Ravens; Darren Sharper, Green Bay Packers, Minnesota Vikings og New Orleans Saints.

Varnarbakverðir (CB): Ronde Barber, Tampa Bay Buccaneers; Champ Bailey, Washington Redskins og Denver Broncos; Ty Law, New England Patriots, New York Jets, Kansas City Chiefs og Denver Broncos; Charles Woodson, Oakland Raiders og Green Bay Packers.

Sérlið:
Frásparkari (P): Shane Lechler, Oakland Raiders og Brian Moorman, Buffalo Bills.

Sparkari (K): Adam Vinatieri, New England Patriots og Indianapolis Colts og David Akers, Philadelphia Eagles.

Upphafssparks skilamaður (KR): Joshua Cribbs, Cleveland Browns og Dante Hall, Kansas City Chiefs og St. Louis Rams.

Frásparks skilamður (PR): Dante Hall, Kansas City Chiefs og St. Louis Rams og Devin Hester, Chicago Bears.

Þjálfarar: Bill Belichick, New England Patriots og Tony Dungy, Tampa Bay Buccaneers og Indianapolis Colts.

Hér má sjá liðið í heild sinni auk allra hinna liðanna frá 1920 auk 75 ára afmælisliðsins.

jan

31

Pro Bowl í nótt

31. janúar 2010 kl. 21.49 | 1 ummæli

Í nótt fer fram stjörnuleikur NFL deildarinnar, Pro Bowl. Er hann leikinn í Miami í Florida líkt og Super Bowl sem verður eftir viku. Í Pro Bowl mætast helstu stjörnur deildarinnar úr AFC og NFC. Undanfarin 30 ár eða svo hefur leikurinn verið leikinn á Hawaii viku eftir Super Bowl en sökum mjög lélegs áhorfs á hann undanfarin ár ákvað deildin að flýta honum viku fyrir Super Bowl og halda hann í sömu borg og Super Bowl er leikinn. Þessi breyting hefur vakið mismikla lukku meðal leikmannana sem taka þátt enda þótti mörgum gaman að fara til Hawaii í frí á þessum tíma árs. Einnig setur það strik í reikninginn að þeir leikmenn Saints og Colts sem mætast í Super Bowl taka ekki þátt í leiknum. Þeir þurftu hinsvegar að mæta á staðinn og taka þátt í einhverjum athöfnum til þess að fá pening fyrir leikinn líkt og aðrir leikmennirnir í leiknum. Sú truflun að þurfa að ferðast til Miami og fara frá liðsfélögum sínum fyrir stærsta leik ársins fór ekki vel í hæstráðendur liðanna. Leikurinn hefst kl. 01:30 í nótt og er hann sýndur á ESPN America. Oftast er lítið varið í þennan leik en við vonum að þessi verði undantekning á því.

jan

31

Kurt Warner hættur

31. janúar 2010 kl. 10.40 | Rita ummæli

Kurt Warner leikstjórnandi Arizona Cardinals tilkynnti í gær að hann væri hættur.  Hann fer úr NFL eftir 12 ára feril í deildinni.  Ef ætti að gera kvikmynd um feril einhvers leikmann í NFL þá myndi ég mæla með ævisögu Kurt Warner en hans saga er í raun lygileg. Hann var óvalin í nýliðavalinu þegar hann kom úr Northern Iowa háskóla.  Hann fékk tryout hjá Green Bay árið 1994 en var að keppa við leikmenn á borð við Favre, Mark Brunell og Ty Detmer sem hafði unnið Heisman Bikarinn.  Hann fór því aftur heim til Iowa og fór að vinna við að setja vörur í búðarpoka fyrir 5 dollara tímakaup.   Árið 1995 gekk hann til liðs við Arena Football liðið Iowa Brainstormers og átti tvö frábær ár og loks 4 árum eftir að háskólaferli hans lauk þá fékk hann loksins samning hjá NFL liði, St.Louis Rams.

Rams sendu Warner í NFL Europe til Amsterdam Admirals þar sem hann var besti leikstjórnandinn(jake Delhomme var varamaður fyrir hann).  Árangur hans þar tryggði honum sæti sem þriðji leikstjórnandi hjá Rams tímabilið 1998.  Rams fengu Trent Green fyrir tímabilið 1999 og var Warner hans varamaður, Green sleit hinsvegar krossbönd á undirbúningstímabilinu það ár og Warner var allt í einu komin í byrjunarliðið sem var reyndar frábært með leikmenn eins og Marshall Faulk, Isaac Bruce, Torry Holt og fleiri.  Warner sló í gegn og átti stórkostlegt tímabil sem endaði með Superbowl sigri gegn Titans.  Saga Warners var í raun lygileg.  Sóknarleikur liðsins var með ólikindum og fékk viðurnefnið “The Greatest Show On Turf”

Rams nánast afskrifuðu Warner og hann fór til New York Giants árið 2004 en honum var fljótt skipt út fyrir Eli Manning sem hafði verið valin í nýliðavalinu sama ár.  Þá fór Warner til Cardinals og breytti því liði í meðal þeirra bestu með frábæri spilamennsku.  En við skulum ekki hafa fleiri orð um það.  Hér er smá myndbrot um sögu Warner

Kurt Warner Story

Warner & Rams

Top 10 Moments

jan

25

NFC Championship Game - Minnesota Vikings @ New Orleans Saints

25. janúar 2010 kl. 18.19 | Rita ummæli

Síðari leikur gærdagsins var úrslitaleikur NFC á milli Minnesota Vikings og New Orleans Saints, í Superdome, heimavelli Saints.

Það voru gestirnir sem hófu leikinn í sókn og þrátt fyrir ummæli Brad Childress þjálfara um að þeir myndu halda jafnvægi í sóknarleiknum þá hóf hann leikinn á 6 kastkerfum í röð. Adrian Peterson fékk þó að hlaupa tvisvar í röð, fyrst 6 yarda hlaup og síðan 19 yarda snertimarkshlaup. Glæsileg sókn hjá Vikings sem virtust ekki láta gífurlegan hávaðann í Superdome hafa áhrif á sig enda voru þeir með sérhannaða eyrnatappa til að lágmarka áhorfendahljóðin. Saints svöruðu þó fljótt og þar var Drew Brees í aðalhlutverki. Hlauparinn Pierre Thomas á þó heiðurinn að snertimarkinu því hann greip screen sendingu frá Brees og með ótrúlegum hætti kom hann sér inn í endamarkið, samtals 38 yarda.

Brett Favre fékk aftur að leika sér mikið í næstu sókn Vikings, kastaði alls 8 sinnum og þar af var 5 yarda snertimarksending til Sidney Rice sem kom Vikings í 14-7 forystu. Hvoru liðinu fyrir sig tókst síðan að stöðva andstæðinginn frá endurnýjun í næstu sóknum. Það tók síðan Saints menn ekki langan tíma að jafna metin á nýjan leik. Devery Henderson greip 9 yarda sendingu frá Brees sem jafnaði metin 14-14.

Nú tók við baráttan um vallarmarksstöðu því næstu 5 sóknir enduðu allar með fráspörkum. Það virtist sem Vikings hefðu náð að negla Saints mjög aftarlega á sínum eigin vallarhelmingi í síðasta af þessum 5 fráspörkum. Reggie Bush tók við frásparkinu en í stað þess að gefa merki um frítt grip þá ætlaði hann sér að skila sparkinu til baka. Hann náði hinsvegar aldrei stjórn á boltanum og þegar hann var tæklaður var boltinn laus. Leikmenn Vikings náðu honum og voru því komnir í kjör stöðu til þess að skora rétt fyrir hálfleik. Það vildi þó ekki betur en svo að á öðru kerfi sóknarinnar þá urðu mistök á milli Brett Favre og Adrian Peterson þegar Favre var að láta Peterson fá boltann. Afleðing þess varð að boltinn var laus og Saints náðu honum. Þar með björguðu þeir frá mistökum Bush örskömmu áður. Liðin héldu því inn til búningsherberja í hálfleik með stöðuna jafna, 14-14.

Síðari hálfleikur byrjaði með látum því að Courtney Roby hjá Saints skilaði upphafssparkinu 61 yard, að 37 yarda línu Vikings. Saints færðust fljótt nær markinu og það var síðan hlauparinn Pierre Thomas sem skoraði 9 yarda snertimark. Við nánari skoðun kom í ljós að hnéð á Thomas snerti jörðina áður en boltinn braut marklínuna og því hefði snertimarkið ekki átt að standa. Vikings menn véfengdu dómnum hinsvegar ekki. Það verður að teljast líklegt að Saints hefðu skorað þó svo hefði verið þar sem þeim vantaði einungis hálfan yard uppá og höfðu 3 tilraunir til að koma boltanum yfir marklínuna.

En líkt og hafði gerst í fyrri hálfleik þá var liðið sem lenti undir ekki lengi að jafna á ný. Vikings skoruðu nefnilega í næstu sókn þegar Peterson hljóp 1 yard inn í endamarkið. Innherjinn Visanthe Shiancoe hjá Vikings var lykilmaðurinn í sókninni því hann greip tvær langar sendingar, fyrst 26 yarda sendingu, og síðan 20 yarda sendingu sem skilaði endurnýjun eftir að Peterson missti boltann og tapaði 10 yördum. Saints spörkuðu frá sér í næstu sókn og Vikings því komnir í stöðu til að komast yfir á ný.

Helsta vandamál sóknarmanna Vikings í leiknum var að halda almennilega á boltanum. Peterson missti boltann aftur á öðru kerfi sóknarinnar og allt útlit var fyrir að Saints væru að fá boltann þar sem ekkert sást nema Saints treyjur í kringum boltann. En með ótrúlegum dugnaði tókst Peterson að ná boltanum aftur og halda sókn Vikings áfram. En það voru mistök Favre sem settu endi á sókn Vikings því hann kastaði boltanum frá sér og fékk svo svakalegt högg á vinstri ökkla eftir að hann hafði kastað boltanum. Saints sóknin var þó ekki að finna taktinn á þessum tímapunkti og neyddist til að sparka frá sér á ný og þar með lauk þriðja leikhluta.

En þegar sóknin er ekki að skila sínu þá þarf vörnin að stíga upp og það var það sem Saints vörnin gerði því á öðru kerfinu tekst þeim að losa boltann úr höndum Vikings á nýjan leik. Will Smith tókst að losa boltann frá Percy Harvin og Remi Ayodele hjá Saints náði boltanum. Saints sóknin var nú komin í svo góða vallarstöðu, 7 yördum frá markinu, að nú hlaut hún einfaldlega að skora.  Á þriðju tilraun og 5 fann Brees hlauparann Reggie Bush eftir talsverðan tíma. Bush var upprunalega dæmdur útaf á 1 yarda línunni en Sean Payton, þjálfari Saints, véfengdi dómnum. Enginn vafi lék á því að Bush kom boltanum yfir marklínuna áður en hann fór útaf. Dómnum á vellinum var því breytt og Bush fékk 5 yarda snertimarkið skráð á sig.

Vikings héldu í efnilega sókn en enn á ný töpuðu þeir boltanum í hendur Saints. Það þarf greinilega að kynna Vikings fyrir einhverjum efnum á borð við tonnatak því þeir einfaldlega geta ekki haldið á boltanum. Í þetta skiptið var það útherjinn Bernard Berrian sem missti boltann. Berrian greip sendingu frá Favre og var kominn að 10 yarda línu Saints manna þegar hann missti boltann. Jonathan Vilma, varnarmaður Saints, komst yfir boltann. Saints náðu hinsvegar ekki endurnýjun og spörkuðu frá sér.

Með rétt rúmar 8 mínútur eftir og 7 stigum undir héldu Vikings á ný í sókn. Tvö stór kerfi litu dagsins ljós, fyrst 18 yarda hlaup Peterson og síðan sendingahindrunar víti á Tracy Porter, varnarmann Saints í endamarkinu. Vítið á Porter þýddi að Vikings fengu boltann á 1 yarda línunni. Tveimur kerfum síðar jafnaði Adrian Peterson leikinn með 2 yarda hlaupi. Sóknarvandræði Saints ætluðu hinsvegar engan endi að taka enda tókst þeim ekki að ná endurnýjun, í fjórða skipti af 6 sóknum í síðari hálfleik. Þeir spörkuðu frá sér og Vikings höfðu tvær og hálfa mínútu til að sigra leikinn.

Eftir 5 kerfi voru þeir komnir að 33 yarda línu Saints. Það þýddi 50 yarda vallarmark. Á fyrstu og annarri tilraun reyndu þeir að hlaupa en komust ekkert áfram. Þeir fengu síðan á sig sóknarvíti fyrir að vera með 12 leikmenn í “huddle” fyrir kerfið. Þar með færðust þeir 5 yarda aftur og greinilegt að þeir þyrftu að kasta til að komast í ákjósanlega vallarmarksstöðu. Ekki vildi þó betur til en að Favre kastaði boltanum frá sér í annað skiptið í leiknum. Tracy Porter komst inn í sendinguna sem var ætluð Sidney Rice. Saints höfðu 7 sekúndur til að gera eitthvað. Það tókst ekki og leikurinn því farinn í framlengingu!

Saints unnu peningakastið í framlengingu og því byrjuðu þeir með boltann. Þeir fengu líka óskabyrjun í framlengingunni þegar Pierre Thomas skilaði upphafssparkinu 40 yarda, að 39 yarda línu Saints. Tvö hlaup skiluðu 4 yördum. Á þriðju tilraun misheppnaðist sending Brees til Devery Henderson. En varnarvíti var dæmt á Vikings þar sem Henderson var haldið. Saints uppskáru því fyrstu tilraun. Næstu tvær sendingar Brees heppnuðust ekki og aftur komið að þriðju tilraun. Nú fann Brees útherjann Marques Colston fyrir 9 yarda. Kerfið var skoðað á nýjan leik til að sjá hvort boltinn hefði ekki verið staðsettur rétt. Svo reyndist vera. Saints voru því á fjórðu tilraun og 1 á 43 yarda línu Vikings. Þeir ákváðu að reyna að ná endurnýjuninni, erfið ákvörðun og töluverð áhætta sem er bundin henni. Pierre Thomas komst þó tvo yarda áfram og náði endurnýjuninni. Kerfið var skoðað og dómarinn komst að því að ekkert athugavert var við það.

Vikings fengu dæmt á sig sendingarhindrunar víti í næsta kerfi en það var nokkuð vafasamt. Það verður að teljast hæpið að innherjinn David Thomas hefði getað gripið sendinguna þrátt fyrir brot varnarmannsins sem var lítilsháttar í þokkabót. Reggie Bush tapaði 5 yördum á næsta hlaupi en í næsta kerfi á eftir sendi Brees boltann til Rober Meachem sem greip 12 yarda sendingu. Dómararnir litu á kerfið á nýjan leik til að sjá hvort Henderson hefði ekki örugglega gripið boltann. Þeir töldu svo vera en þetta verður að teljast annar vafasamur dómur. Það gæti verið að boltinn hafi snert jörðina áður en Henderson náði fullkomnu valdi á boltanum. Eflaust voru sönnunargögnin þó ekki næg til þess að hægt væri að snúa dómnum við. Á þriðju tilraun heppnaðist sending Brees ekki. Því var komin upp fjórða tilraun og 3 á 22 yarda línu Vikings. Ekkert annað var í stöðunni en að reyna við 40 yarda vallarmark. Sparkarinn Garrett Hartley, á sínu öðru og tiltölulega óreyndur, var því kominn í stöðu til að tryggja sitt lið áfram í Super Bowl. Hartley var svellkaldur og tók eins fullkomið vallarmark og hægt var, næg vegalengd og alveg í miðjuna milli gulu stanganna tveggja. 40 yarda vallarmark Hartley kom Saints því í Super Bowl í fyrsta skipti í sögu liðsins. Leikmenn Sainst æddu inn á völlinn til að fagna með Hartley og allt ætlaði að verða vitlaust í Superdome. Sýndar voru svipmyndir frá Bourbon Street í New Orleans og aðeins nokkrum mínútum eftir leikslok var allt brjálað þar vegna fagnaðarláta. Búast má við að þónokkrir hafi gist fangageymslur lögreglunnar í nótt sökum of mikilla fagnaðarláta.

Þetta var stór stund í sögu Saints enda hefur það löngum verið eitt það allra lélegast í deildinni. Til að mynda tók það liðið 21 ár frá stofnun að vera með yfir 50% sigurhlutfall í deildarkeppninni og 34 ár að vinna sinn fyrsta leik í úrslitakeppninni. Vikings þurftu á hinn bóginn að sætta sig við fimmta tapið í undanúrslitum frá því þeir komust síðast í Super Bowl, tímabilið 1976.

Vikings geta sjálfum um sér kennt að tapa þessum leik. Þeir voru með yfirburði á nánast öllum sviðum leiksins, 475 yardar gegn 257 hjá Saints, með boltann í 36:49 gegn 27:56 hjá Saints, 31 endurnýjun gegn 15 hjá Saints. En það sem kemur í bakið á þeim eru inngripin tvö hjá Favre og boltarnir 6 sem þeir misstu úr höndum sér, þar af þrír þeirra sem Saints menn náðu. Að tapa boltanum 5 sinnum til andstæðinganna og ná honum aðeins einu sinni frá þeim er alltaf erfitt að yfirstíga og það tókst Vikings einfaldlega ekki.

Að lokum verð ég að setja spurningamerki við þá ákvörðun Vikings að fá Brett Favre til liðs við sig í ágúst síðastliðinn. Þá skrifaði Favre undir 25 milljóna dollara samning við Vikings sem var til tveggja ára. Að lið skuli henda þessum pening í 39 ára gamlan leikstjórnanda er mér óskiljanleg ákvörðun. Þessi ákvörðun hefði einungis skilað árangri hefðu Vikings farið alla leið og sigrað Super Bowl. Nú er ljóst að svo verður ekki. Þeir eru með hæfileikaríkt lið til að spila úr og þrátt fyrir að Favre hafi farið með þá svona langt tel ég að það hafi ekki verið til hins góða. Liðið komst í úrslitakeppnina í fyrra með þá Tarvaris Jackson og Gus Frerotte sem leikstjórnendur og ég er viss um að þeir hefðu gert það aftur í ár. Þessi Favre sirkus gerir ekkert annað en að seinka ákvörðuninni um hvort Jackson muni vera framtíð Vikings um eitt eða tvö ár. Frekar að láta hann spila þetta tímabil og taka ákvörðun út frá því. Núna lenda þeir í fjölmiðlasirkusnum sem Favre setur upp árlega með að hætta eða ekki hætta og það gæti komið liðinu illa á undirbúningstímabilinu. Að mínu mati eru þeir búnir að eyðileggja ekki aðeins þetta tímabil heldur hugsanlega nokkur önnur í nánustu framtíð með þessari ákvörðun sinni. Þetta er gryfja sem mörg lið falla í, að vilja vinna núna en ekki byggja upp lið til að vinna í framtíðinni, þetta gæti komið illa í bakið á Vikings.

Við óskum Saints og aðdáendum þeirra hér á landi til hamingju með fyrstu förina í Super Bowl. Búast má við mikilli sóknarveislu eftir 13 dagar þegar Saints og Colts mætast í Miami. Um næstu helgi verður þó einnig nóg um að vera. Á laugardaginn fer fram Senior Bowl þar sem margir fræknir háskólaleikmenn sýna listir sínar í þessum árlega stjörnuleik. Á sunnudaginn fer síðan fram Pro Bowl stjörnuleikur NFL deildarinnar. Þannig að úr nógu er að taka fyrir aðdáendur þrátt fyrir að 13 dagar séu í stærsta leik ársins.

jan

25

AFC Championship Game - New York Jets @ Indianapolis Colts

25. janúar 2010 kl. 15.14 | Rita ummæli

Fyrri leikur gærdagsins var úrslitaleikur AFC á milli New York Jets og Indianapolis Colts á Lucas Oil Stadium, heimavelli Colts.

Colts menn hófu leikinn í sókn en voru fljótt stoppaðir af Jets vörninni. Jets vörnin var sú besta í deildinni á tímabilinu og eitt aðalsmerki hennar eru blitz-in sem þeir nota óspart á þriðju tilraun. Við fengum smjörþefinn af því strax í fyrstu sókninni því þeim tókst að fella Peyton Manning sem hefur fengið góða verdnun á tímabilinu. Colts spörkuðu því frá sér.

Jets héldu í sókn og tvær góðar sendingar frá Mark Sanchez komu þeim langt inn á vallarhelming Colts. Hinn sterki hlaupaleikur Jets var ekki að gera mikið í sókninni. Jets neyddust til að reyna við 44 yarda vallarmark en Jay Feely, sparkari, klikkaði hinsvegar. Sóknin hjá Colts var þó í stysta lagi enda tókst Jets að fella Manning í annað sinn á fyrsta kerfinu. Colts spörkuðu frá sér á ný en ekkert gekk heldur hjá hlaupaleik Jets og þeir spörkuðu frá sér.

Reynsla Peyton Manning kom nú í ljós því það virtist sem hann væri búinn að átta sig á varnarleik Jets á þessum tímapunkti. Þar sem Darrelle Revis, bakvörður Jets, var með Reggie Wayne, besta útherja Colts, í strangri gæslu neyddist Manning til þess að leita til yngri útherja liðsins, þá Pierre Garcon og Austin Collie. Garcon steig upp og greip tvær langar sendingar frá Manning, fyrst 27 yarda sendingu og síðan 36 yarda sendingu. Colts voru komnir innfyrir 10 yarda línu Jets. Þeim tókst þó ekki að komast í endamarkið og sættu sig við þriggja stiga forystu með 25 yarda vallarmarki Matt Stover.

Flottasta kerfi leiksins leit síðan dagsins ljós í fyrsta kerfi Jets sóknarinnar sem fylgdi vallarmarkinu á eftir. Jets feikuðu hlaupakerfi, Sanchez þóttist síðan kasta til að halda Dwigth Freeney, hjá Colts, á hælunum en síðan bombaði hann boltanum niður vinstri kantinn á galopinn Braylon Edwards. Edwards fór alla leið í markið, 80 yarda kerfi. Edwards seldi líka hlaupið mjög vel því hann fór fyrst í blokk á varnarmann sinn en sleppti síðan út í átt að hliðarlínunni og skildi varnarmanninn eftir.

Fátt var þó að stöðva Manning því á ný marseraði hann niður völlinn þangað til hann varð að játa sig sigraðan þegar aðeins vantaði einn yard í endamarkið. Jim Caldwell, þjálfari Colts, ákvað að taka stigin þrjú og Stover tók auðvelt 19 yarda vallarmark. 80 yarda kerfið í síðustu sókninni virtist hafa verið vítamínsprautan sem Jets þurftu sóknarlega séð því þeir voru óhræddir í sinni næstu sókn. Á ný heppnaðist val á kerfi með eindæmum vel þegar þeir fóru í Tigercat pakkann sinn. Tigercat er útfærsla Jets á Wildcat sókninni en þá fer útherjinn Brad Smith í leikstjórnendastöðuna. Hann rúllaði til hægri og það var greinilegt að Colts bjuggust við hlaupi frá honum. En á sama tíma losnaði Jerricho Cotchery, útherji Jets, og Smith sendi á hann. Cotchery var þó stoppaður áður en hann komst alla leið en kerfið skilaði á endanum 45 yördum. Þremur kerfum síðar skoruðu Jets snertimark á ný þegar Sanchez sendi 9 yarda á innherjann Dustin Keller. Sanchez var undir gífurlegri pressu þegar hann kastaði, með mann í andlitinu, en honum tókst að koma boltanum til skila.

Jets voru komnir með 14-6 forystu og nú var komið á vörninni því Calvin Pace tókst að losa boltann úr höndum Joseph Addai, hlaupara Colts, á vallarhelmingi Colts. Þetta nýtti Jets sóknin sér þó að einungis hafi það verið vallarmark. Feely, sem klikkaði á 44 yarda vallarmarki fyrr í leiknum, brást ekki bogalistin núna af 48 yarda færi. Mörg lið brotna oft niður við svona mótlæti en það þarf þó meira til að brjóta niður Peyton Manning. Hann var ekki lengi að sýna snilli sína, 58 sekúndur til að vera nákvæmur. Ungu leikmennirnir þurftu að stíga upp í þessum leik, fyrst var það Garcon en nú var röðin komin að Austin Collie. Hann greip tvær sendingar, fyrst 46 yarda sendingu, þrátt fyrir fína vörn hjá Jets en kastið var einfaldlega óaðfinnanlegt. Í næsta kerfi greip Collie síðan 16 yarda snertimarkssendingu eftir klúður í dekkningu hjá Jets. Staðan í hálfleik 17-13 fyrir Jets.

Jets hófu síðari hálfleik í sókn en spörkuðu frá sér. Manning var því aftur kominn í sókn og tók sig til og kastaði 8 sinnum í röð, öll kerfi sóknarinnar. Garcon og Collie skiptust á því að grípa þessar sendingar og í lokin greip Garcon 4 yarda sendingu í hægra horni endamarksins, 20-17 fyrir Colts. Á ný fengum við að sjá bragðdaufa sókn hjá Jets þar sem ekkert gekk upp. Jets vörnin hélt þó í fyrsta skipti í langan tíma og neyddu Colts til að sparka frá sér. Ekkert gekk þó upp hjá Jets og þeir spörkuðu á ný frá sér í byrjun 4. leikhluta.

Manning tók aftur til sinna ráða, kastaði á 6 kerfum af 7 í sókninni, og endaði sóknina á því að senda til innherjans Dallas Clark í endamarkinu. Clark var galopinn og átti ekki í erfiðleikum með að grípa 15 yarda sendinguna frá félaga sínum Manning. Nú voru Jets komnir 10 stigum undir og þurftu því að skora tvívegis til að eiga möguleika á sigri. Hlaupaleikurinn hjá þeim var hinsvegar týndur og höfðu meiðsli sem Shonn Greene, hlaupari, hlaut í byrjun síðari hálfleiks eflaust mest um það að segja. Jets tókst ekki að endurnýja og treystu á að vörninni tækist að stöðva Manning.

Manning var sallarólegur í næstu sókn, tók nógu mikinn tíma af klukkunni til að gera Jets erfiðara fyrir og ekki bætti úr skák að Stover bætti við þremur stigum þegar hann skoraði úr 21 yard vallarmarkstilraun. Mark Sanchez gerði síðan út um vonir síns liðs þegar sendinga frá honum rataði í hendur varnarmanna Colts. Úrslit leiksins voru því ráðin 30-17 sigur Colts sem tryggðu sér þar með rétt til að spila í Super Bowl XLIV tveimur vikum síðar.

Ég held að aðdáendur NFL verði að gera sér grein fyrir því hverju þeir eru að fá að verða vitni af þegar þeir horfa á Peyton Manning spila. Það eru algjör forréttindi að sjá þennan leikmann spila. Þekking hans og vald á leiknum er með ólíkindum. 46 yarda sending hans á Austin Collie er lýsandi dæmi um snilli hans, það eru ekki margir sem eru að fara að klára þessa sendingu. Það er síðan ekki að spyrja að því að þegar besti útherji hans er nánast tekinn úr umferð og hitt uppáhalds skotmarkið, innherjinn Dallas Clark, er svo gott sem ósjáanlegur allan leikinn þá finnur Manning bara þá ungu. Garcon endaði með 11 gripna bolta fyrir 151 yard og snertimark á meðan Collie var með 7 gripna bolta fyrir 123 yarda og snertimark.

Að sama skapi var ekki svipur að sjá Jets liðið. Hlaupaleikurinn var ekki til staðar allan leikinn og þegar þeir hlaupa minna heldur en Colts þá er eitthvað mikið að. Vörnin hafði fá svör við leik Manning. Vissulega gerði Darrelle Revis vel og hélt aftur af Reggie Wayne mestan leikinn en Dwight Lowery, sem spilaði hinu megin á vellinum frá Revis, átti í stökustu vandræðum með sinn mann, sama hvort það var Garcon eða Collie og vitaskuld nýtti Manning sér það til hins ýtrasta. Vörnin hjá Jets gerði í heild lítið ef frá er talinn fyrsti leikhlutinn. Colts vörnin spilaði mun betur og það virðist sem vörnin hjá Colts vilji helst ekki spila góðan bolta nema í úrslitakeppninni en það var helst vörninni að þakka að Colts komust í Super Bowl fyrir þremur árum síðan.

Colts eru því komnir í Super Bowl í fjórða skiptið og annað skiptið á fjórum árum. Óskum við þeim og aðdáendum þeirra til hamingju með það.

jan

24

SPOT með leikina í beinni í kvöld!

24. janúar 2010 kl. 10.04 | 1 ummæli

Úrslitaleikir Þjóðardeildar og Ameríkudeildar verða í beinni útsendingu á SPOT Bæjarlind 6, í kópavogi í kvöld.  Fyrri leikurinn hefst kl 20:00 og sá seinni strax eftir það.  SuperBowl partýið verður síðan haldið þar 7.Febrúar en við komum nánar að því síðar.  SPOT Á Facebook

ESPN America byrjar með upphitun kl 16:00 í dag en hér má sjá dagskrána.

16:00 Live Sunday NFL Countdown
Host Chris Berman and his merry band of NFL experts preview this week’s NFL action.
18:00 NFL Films Presents - Football Families
NFL Films showcases behind the scenes access to NFL players and coaches of the current season. Each program follows a different theme taking the fan deeper into the NFL realm.
18:30 As Live 2006 AFC Championship - New England at Indianapolis - NFL
Witness for yourself one of the best NFL games ever played.
20:00 Live NY Jets at indianapolis - AFC Championship - NFL
The Jets are the surprise team left in the NFL playoffs. They are one win away from the Super Bowl, but they have to get through Peyton Manning and the Colts in Indianapolis to get there.
23:30 Live Minnesota at New Orleans - NFC Championship - NFL
The NFC Championship game figures to be a high-scoring affair between two prolific offenses as Brett Favre and the Vikings take on Drew Brees and the Saints at the Superdome.
03:00 As Live College Basketball Final
The College GameDay crew take a look at scores, highlights, news, and analysis from last night’s action.
03:30 Live NFL Primetime
Chris Berman and a panel of studio experts bring you all the latest scores, highlights, and analysis of every game of the week in the NFL.
04:00 East West Shrine Game - College Football
The Citrus Bowl in Orlando, Florida features some of the top talent in college football showcasing their talent in this all-star event.

jan

23

Leikirnir á morgun í beinni á SPOT

23. janúar 2010 kl. 23.51 | Rita ummæli

Upphitun fyrir Superbowl partýið er á morgun á SPOT en þeir ætla að sýna báða leikina í beinni annað kvöld.  Þeir sem eru ekki með ESPN America eða NFL Gamepass geta því farið þangað.  Nánar um þetta á morgun.


Vísir Fréttir Lífið Íþróttir Viðskipti Vefmiðlar
Blogg.Vísir.is Innskráning Nýskráning