Ljósmyndir • ferðalög • flug • stjórnmál

FERÐ KVENNA YFIR VATNAJÖKUL - MYNDIR OG KORT

www.visir.is Konurnar komnar niður af Öræfajökli

FERÐ YFIR VATNAJÖKUL - MYNDIR OG KORT

FERÐ YFIR VATNAJÖKUL - TRIP OVER VATNAJÖKULL GLACIER

Ekki er ólíklegt að dömurnar hafi farið í skálanN á Grímsfjalli en vegalengdin þaðan í Tjaldaskarð er um 52 km. Frá JökUlheimum eru svo aðrir 50 km í Grímsvötn. Þannig að þær hafa verið búnar að leggja af baki um 100 km vegalengd. Ef einhverjir eru að huga að ferð á svipaðar slóðir á næstu dögum, að þá er gott að fara inn á

Sem dæmi, þá verður gríðarleg mikil ofankoma næstkomandi miðvikudag um kl. 3 og má þá búast við í nokkra daga á eftir geti verið mikið magn af púðursnjó á svæðinu og færi mjög erfitt. Hér má sjá skjáskot af veðrinu þennan dag í kringum Öræfajökul og suður hluta landsins (smellið á mynd til að fara inn á gamli.belging.is)

Hér er horft upp eftir Svínafellsjökli, en í fjarska efst upp á brúninni er Tjaldskarði á Öræfajökli. Á þessum stað hlémegin við Hvannadalshnjúk getur verið gríðarlega mikil úrkoma og oft mjög erfitt færi. (smellið á mynd til að sjá fleiri myndir)

Hér er komið nærri brúninni og má sjá hvernig skriðjökulinn lekur niður á milli fjallshrygga sem eru sinn hvoru meginn. Nokkurn vegin þarna efst á brúninni er staðurinn þar sem konurnar voru með tjöldin sín. (smellið á mynd til að sjá fleiri myndir)

Hér má svo sjá mynd af svæðinu uppi á jöklinum með Öræfajökul og Hvannadalshnjúk í baksýn. Það var einmitt á þessum sama kafla sem færið fór að verða verulega erfitt fyrir mikið breytta bíla. Það var þó ekki fyrr en við komum niður á sléttuna fyrir neðan Hermannaskarðið að færið varð virkilega erfitt og var þá meðalhraðinn ekki nema 2-3 km/klst! Myndir af jeppaleiðangri sem farin var páskana svipaða leið (smellið á mynd til að sjá fleiri myndir)

Hér er stoppað til að taka nokkrar myndir (smellið á mynd til að sjá fleiri myndir)

Ógleymanleg fegurð á fjöllum þegar veðuraðstæður eru eins og voru þetta kvöldið hjá okkur. (smellið á mynd til að sjá fleiri myndir)

Hér má svo sjá kort af Vatnajökli, Öræfajökli, Hvannadalshnjúki og svo Tjaldskarði þar sem konurnar tjölduðu eftir 10 daga ferð á jöklinum (smellið á mynd til að sjá fleirri myndir)

Kjartan
WWW.PHOTO.IS

Ferð yfir Vatnajökull - Trip over Vatnajökull Glacier http://photo.blog.is/blog/photo/entry/839736/

Vatnajökull Klofajökull þíðjökull Ísland Evrópa 8.100 km² meðalþykkt hans 400 metrar Saga jökull Eldvirkni Þjóðgarður rýrnun Klofajökull eldstöðvar Grímsvötn Öræfajökull Gjálp Gos jarðvísindamenn goshrina friðun Skaftafell Vatnajökulsþjóðgarður Glacier of Rivers largest glacier Iceland south-east Europe volume average thickness ice highest peak Hvannadalshnúkur 2110 m Skaftafell National Park ice cap glacier volcanoes Grímsvötn glacial lake outburst flood eruption ice age eruptions occurred under Vatnajökull subglacial tuyas Herðubreið shrinking climatic changes phenomenon Jökulhlaup Guinness World Records longest sight line Slættaratindur highest mountain Faroe Islands atmospheric refraction British sailor

Fært undir Ferðalög, Fjölmiðlar, Heilbrigði, Jarðfræði, Ljósmyndun, Samgöngur, Slúður, Umhverfi, Umræðan, Íþróttir þann 21. apríl 2009 af photo | 0 ummæli

ÞINGMENN ÞURFA MEIRA KYNLÍF TIL AÐ ÖRVA ÞINGSKÖP!

www.visir.is Stórauknar líkur á stuttu kjörtímabili

ÞINGMENN ÞURFA MEIRA KYNLÍF TIL AÐ ÖRVA ÞINGSKÖP!

Ef Þingheimur Alþingis Íslendinga hefði verið svona sprækur eins og þessi gamli Ef Þingheimur Alþingis Íslendinga hefði verið svona sprækur eins og þessi gamli maður hér, að þá væri þjóðin örugglega í betri málum í dag. Þess í stað er verið að rífast og karpa um hvort að það eigi að banna súludans hjá Geira i Goldfinger eða hvort einhver bóndi austur á fjörðum megi hafa hreindýrakálf í garðinum hjá sér.

http://uk.reuters.com/news/video?videoId=102037

En núna eru að koma kosningar og það grátlega við þær er að í raun er verið að kjósa 63 þingmenn ásamt fullt af aðstoðarmönnum í 109 daga sumarfrí!

Ég bara spyr, því þarf allan þennan fjölda af ráðherrum, þingmönnum, aðstoðarmönnum, ráðuneytum, sendiráðum og ríkisstofnunnum … og síðast þegar ég vissi hátt í 800 nefndir til að stjórna 320 þúsund manna þjóðfélag?

Á eyjunni Fjóni (Fyn) í Danmörku býr svipaður fjöldi af fólki. Ég er ansi hræddur um að margir myndu reka upp stór augu ef þeir sæju annað eins bruðl og vitleysu þar eins og er látið viðgangast á Íslandi.

Ég er á því að þetta sé aðeins of mikill lúxus. Er ekki bara allt þetta lið á fullu í því að hossa hvert öðru.

Annars var ég á skemmtilegum kosningafundi í Jónshúsi í gær og voru þingmenn flestra flokka mættir á staðin. Þetta er í fyrsta skiptið sem að ég fer á svona fund og verð ég að segja að þetta hafi bara verið hin ágætasta skemmtun þegar upp var staðið. Fróðlegt væri að vita til hvers þarf svo að senda fullt af liði á Norðurlandaráð með tilheyrandi dagpeningum og hóteluppihaldi og að sjálfsögðu allur kostnaður greiddur að auki þó svo að lögin kveði á um annað! En fundur Norðurlandaráðs var víst í gangi sömu dagana í Köben.

Kjartan
WWW.PHOTO.IS

Fært undir Alþjóðamál, Efnahagur, Ferðalög, Fjölmiðlar, Heilbrigði, Kvikmyndir, Menning og listir, Nám, Slúður, Umhverfi, Umræðan, Íþróttir þann 18. apríl 2009 af photo | 0 ummæli

4×4 PÁSKAFERÐ INN Í GRÍMSVÖTN - GUFA - GÖNGUSKÍÐI - MYNDIR

www.visir.is Vélsleðaslys aukast umfram vélsleðaeign

4×4 PÁSKAFERÐ INN Í GRÍMSVÖTN - GUFA - GÖNGUSKÍÐI - MYNDIR

Hér er ekið á fullbreyttum Landrover á leið inn í Grímsvötn um páskanna í mars mánuði 2008. Færið er frekar erfitt, þó er skyggni eins og best verður á kosið. (smellið á mynd til að sjá fleiri myndir)

Iceland 4×4 super jeep trip. Trail distance: 773 kilometers. Reykjavik - Landmannalaugar - Grímsfjall - Vatnajökull - Esjufjöll - Breidamerkurjökull (to view gallery: click image) (C)2009 Kjartan P. Sigurðsson

Þá er loksins komið á áfangastað sem er skáli jöklarannsóknafélagsins á toppi Grímsfjalls. Skálinn er uppi á toppi fjallsins þar sem næðir vel um og þarf því oft að moka sér leið inn í þá (smellið á mynd til að sjá fleiri myndir)

The Grímsvötn lakes lie’s in the highlands of Iceland at the northwestern side of the Vatnajökull glacier and are covered by its ice cap. Beneath them is a large magma chamber of a powerful volcano. (to view gallery: click image) (C)2009 Kjartan P. Sigurðsson

Á topp Grímsfjalls eru 3 skálar. Hægt er að gista í 2 skálum og er sá þriðji fyrir ýmsan aukabúnað, salerni, rafstöð, rannsóknartæki og fl. (smellið á mynd til að sjá fleiri myndir)

Hér sést inn í miðskálann sem mest er notaður. Þar er fín upphituð gistiaðstaða. Skálin er að mestu hugsaður fyrir félaga Jöklarannsóknafélagsins en ferðamenn geta fengið að gista líka og þá þurfa þeir að fá lykil hjá félaginu. (smellið á mynd til að sjá fleiri myndir)

Veðrið var flott og því um að gera að skella sér strax á gönguskíðin. Hætturnar eru víða á Grímsfjalli, enda er þar eitt mesta háhitasvæði á jörðinni. Stórar sprungur voru nálægt brúninni sem rauk úr. Steinar og Haradur komnir á gönguskíðin uppi á Grímsfjalli (smellið á mynd til að sjá fleiri myndir)

Það sem vekur mesta athygli þeirra sem koma í skálann í Grímsvötnum, er að þar er ALVÖRU gufubað. Hér er Steinar Þór Sveinsson að láta lýsið leka af sér í miklum hita. Nóg er af ókeypis orku. Það vill svo til að það er heilt eldfjall sem hitar upp gufuna og alla þrjá skálanna! (smellið á mynd til að sjá fleiri myndir)

One nights in mountain hut, heated with natural hot water and there is the strangest steam bath in the world - on top of an active volcano, Grímsfjall or Grímsvötn caldera, the most active one in the world! (to view gallery: click image) (C)2009 Kjartan P. Sigurðsson

Það er þekkt fyrirbæri að það eigi sér oft stað eldgos í kjölfar þess að þungu fargi er létti af yfirborði jarðar. Það getur verið þykkur ís sem bráðnar eða uppsafnað vatn.

Þetta var að gerast um allt land í miklu mæli eftir að ísöld lauk fyrir um 10.000 árum síðan, en þá hafði þykk íshella hulið stóran hluta landsins.

Þegar ísaldarjökulinn hörfaði, þá má reikna með að landið hafi nánast logað stafnanna á milli vegna eldgosa. Á sama tíma lyftist eða reis landið upp og leitaði í nýtt jafnvægi þegar hinu þunga ísfargi var létt af yfirborði þess.

Leifar af svona fyrirbæri erum við núna að upplifa í Grímsvötnum. En árið 2004 þegar síðasta hlaup var í Skeiðará, þá hófst eldgos í Grímsvötnum rúmum sólahringi seinna! Svipað gerðist árin 1998, 1983, 1938, 1934, 1933, 1902 … eða um 30 gos á síðustu 400 árum! Einnig átti sér stað gos 1996 í Gjálp með afdrifaríkum hætti og hvarf þá vegur og brúarmannvirki á stórum kafla á Skeiðarársandi.

Grímsvötn er stór megineldstöð og risastór 5 km² ísfyllta askja.

Mönnum reiknast til að þar undir leynist eitt öflugasta jarðhitasvæði á jörðinni, sem bræðir stöðugt ísinn og fyllir öskjuna smám saman með vatni sem endar svo í stórum jökulhlaupum með óreglulegum millibilum. En það þarf gríðarlega mikla orku til að bræða svona mikið magn af ís eins og á sér stað í Grímsvötnum.

Það var allt krökkt af flugvélum þegar síðast gaus í Grímsvötnum árið 1998. Eins og sjá má á myndinni, þá hefur gosaskan lagst yfir jökulinn til suðurs.

Eldgos við Grímsfjall í Grímsvötnum 1998 (smellið á mynd til að sjá fleiri myndir)

Til eru heimildir um gríðarstór eldgos í Grímsvötnum sem sáust víða að.
Í Danmerkurlýsingu P. H. Resen mátti lesa:

“Árið 1684 hófst eldgos í Grímsvatnajökli, sem annars er þakinn eilífum snjó og það með þvílíkum ofsa og magni að eldurinn sást víðsvegar um land. Gosið stóð svo lengi að ennþá í miðjum janúar árið 1685 mátti sjá það. Á undan eldgosinu fór gífurlegt vatnsflóð úr þessu sama fjalli í fljótið Jökulsá.”

Eldgosið í Gjálp 1996 hafði afdrifaríkar afleiðingar í för með sér. Kom þá stórt hamfarahlaup með meðalrennsli um 50.000 m3/sek. Hurfu þá vegir og brúarmannvirki á stórum köflum á Skeiðarársandi og framburður varð svo mikill af aur, ís og sandi að ströndin við Skeiðarársanda færðist fram um heila 800 metra!

En hamfaraflóð frá Grímsvötnum geta leitað bæði til suðurs og norður frá Vatnajökli og má m.a. sjá merki um slík inni í Ásbyrgi. Það er talið hafa myndast í slíkum flóðum og er þá talið að meðalrennsli hafi farið upp í um 200.000 m3/sek!

Hér er hópur jeppamanna sem voru fyrstir til að aka yfir þar sem rennur úr Grímsvötnum eftir gosið 1996.

Hópur jeppamanna norðan við Grímsfjall eftir gosið í Gjálp 1996 (smellið á mynd til að sjá fleiri myndir)

En víða á svæðinu mátti sjá stóra sigkatla eftir gosið, sem voru merki þess að mikil eldvirkni og bráðnun hefði átt sér stað þar langt undir.

Hér má svo sjá kort af Grímsvötnum og Grímsfjalli. Gula pílan sínir þá leið sem vatnið fer til suðurs. Þegar uppsöfnun á vatni er orðin nægjanleg, þá á einhverjum tímapunkti flýtur íshellan upp og vatnið ryðst fram og myndast þá jökulhlaup.

Kort af Vatnajökli, Grímsfjall og Grímsvötn (smellið á mynd til að sjá fleiri myndir)

Ekki eru mörg ár síðan að jarðfræðingur ók fram af hömrunum ekki langt frá þessum stað. Allt fór þó vel að lokum þrátt fyrir nokkur hundruð metra fall.

Steinar og Haraldur komnir á gönguskíðin
http://photo.is/08/03/3/pages/kps03080835.html
http://photo.is/08/03/3/pages/kps03080889.html

Það rýkur upp úr hryggnum á Grímsfjalli / Svíahnúk Vestari
http://photo.is/08/03/3/pages/kps03080870hdr.html

Guðmundur myndar á háhitasvæðinu við Grímsfjall
http://photo.is/08/03/3/pages/kps03080874.html

Hrikalegt að horfa niður af brún Grímsfjalls, brúnin öll sundur sprungin
http://photo.is/08/03/3/pages/kps03080898.html

Snjórinn í kringum skálana sannkallað listaverk, Hvannadalshnjúkur í bakgrunni
http://photo.is/08/03/3/pages/kps03080904hdr.html
http://photo.is/08/03/3/pages/kps03080907hdr.html

Kvöldið er fagurt á Grímsfjalli
http://photo.is/08/03/3/pages/kps03080922.html

Innviðir skálans á Grímsfjalli
http://photo.is/08/03/3/pages/kps03080926.html

Grímsvötn virkasta eldstöð á Íslandi
http://photo.is/08/03/3/pages/kps03080930.html

Naktir menn í gufu á toppi Grímsfjalls
http://photo.is/08/03/3/pages/kps03080932.html

Klósett eins og þau gerast best
http://photo.is/08/03/3/pages/kps03080936.html

Ekið niður af Grímsfjalli til austurs í slæmu skyggni
http://photo.is/08/03/3/pages/kps03080940.html
http://photo.is/08/03/3/pages/kps03080943.html

Kjartan
WWW.PHOTO.IS

Fært undir Ferðalög, Ljósmyndun, Samgöngur, Umhverfi, Vinir og fjölskylda, Íþróttir þann 10. apríl 2009 af photo | 0 ummæli

EGYPTALAND - SKÓLAHALD - MYNDIR

www.visir.is Kommúnistar sigruðu

EGYPTALAND - SKÓLAHALD - MYNDIR

Arab Republic of Egypt
جمهورية مصر العربية
Gumhūriyyat Miṣr al-ʿArabiyyah

Luxor - Abydos Temple, Dendera Temple 16. Feb. 2009 Mánudagur - kl. 7 til 17

Þennan dag stóð til að fara á tvo staði, Abydos Temple og Dendera Temple. Við vorum búin að semja við Hassan vin okkar að fá akstur + leiðsögn á 300 egypsk pund, en slík ferð kostar venjulega 500 - 600.

Ég vaknaði snemma þennan morgun. Ég vissi að skólahald myndi hefjast á ákveðnum tíma með tilheyrandi uppákomum á skólalóð við hliðina á hótelinu sem að ég gisti á. En við hliðina á hótelinu var barnaskóli og í honum voru eingöngu stúlkur. Það var magnað að horfa á skipulagið og agann sem ríkti greinilega á svæðinu og læt ég myndirnar tala sínu máli. Hér gengur skólastýran með prik á milli nemenda til að koma aga á hópinn (smellið á mynd til að sjá fleiri myndir)

Á meðan nemendur streymdu að og gerðu sig klár fyrir skólahaldið, að þá hljómaði upplestur og söngur úr kóraninum með miklum látum yfir allt svæðið. (smellið á mynd til að sjá fleiri myndir)

The Egyptian educational system is highly centralized, and is divided into three stages: Basic Education (Arabic: al-Taʿaleem al-Asassī), Primary Stage, Preparatory Stage, Secondary Education (Arabic: al-Taʿaleem al-Thanawī), Post-Secondary education (Arabic: al-Taʿaleem al-Gammeʿī). A children school close to Hótel Bob Marley (Hotel Sherif) in Luxor, Egypt. (to view gallery: click image) (C)2009 Kjartan P. Sigurðsson

Á meðan þurftu nemendur að klappa og syngja í takt og máta reglulega hvort að röðin væri í lagi með því að leggja hendur á þann nemanda sem er fyrir framan til að fjarlægðin yrði rétt. (smellið á mynd til að sjá fleiri myndir)

Klappa saman höndunum og syngja. (smellið á mynd til að sjá fleiri myndir)

Röðin og klæðnaðurinn þarf að vera rétt, allt undir ströngu eftirliti kennaranns (smellið á mynd til að sjá fleiri myndir)

School uniforms are common in primary and secondary schools in many nations. A children school close to Hótel Bob Marley (Hotel Sherif) in Luxor, Egypt. (to view gallery: click image) (C)2009 Kjartan P. Sigurðsson

Nánar má lesa nánar um skólaklæðnað / More about school uniform:
http://en.wikipedia.org/wiki/School_uniform

Fyrir hverjum hópi mátti svo sjá nema sem voru útvaldir og höfðu líklega það hlutverk að passa upp á sinn hóp. En þarna mátti sjá þær sem voru yfir hverjum hóp ganga í skrúðgöngu með tilheyrandi látbragði. (smellið á mynd til að sjá fleiri myndir)

Nánar má lesa um nám í Egyptalandi hér / Education in Egypt:
http://en.wikipedia.org/wiki/Education_in_Egypt

Kjartan
WWW.PHOTO.IS

Hér má svo sjá önnur blogg úr sömu ferð:

Blogg um flugið sem Hassan útvegaði má svo sjá hér:

Hluti-I http://photo.blog.is/blog/photo/entry/815725/

Hluti-II http://photo.blog.is/blog/photo/entry/816250/

Hluti-III http://photo.blog.is/blog/photo/entry/818496/

Hluti-4 http://photo.blog.is/blog/photo/entry/819322/

Fært undir Alþjóðamál, Efnahagur, Ferðalög, Fjölmiðlar, Heilbrigði, Ljósmyndun, Menning og listir, Nám, Stjórnmál, Trúarbrögð, Umhverfi, Umræðan, Íþróttir þann 7. apríl 2009 af photo | 0 ummæli

KÍNAFERÐ - SHANGHAI - SÖFN - EXPO 2010 - HEIMBOÐ - 10

KÍNAFERÐ - SHANGHAI - SÖFN - EXPO 2010 - HEIMBOÐ - 10

Dagur - 10 / Day - 10 Sunnudagur 28. des. 2008

Shanghai: Shēnchéng (申城, “City of Shēn”), China, Kína, The People’s Republic of China (中华人民共和国, 中華人民共和國)

Kínverjar eru mikið fyrir að stunda reglubundna heilsurækt. Í bakgarðinum þar sem við bjuggum var reglulega stór hópur af fólki að dansa eða stunda einhverskonar hreyfiíþrótt. Eitt kvöldið þegar við gengum í gegnum garðinn í myrkri, þá var einn að æfa sverðdans, með alvöru sverði :|

Þennan dag var byrjað á því að taka létt borðtennismót með stórfjölskyldunni snemma í morgunsárið. Það var sérstaklega gaman að spila við eina spræka ömmuna og bogaði af mér svitinn (og lýsið) í öllum hamaganginum. En það vill svo til að borðtennis er þjóðaríþrótt Kínverja.

Table tennis (乒乓球), also known as ping pong is Chinas national sport. China continues to dominate most world titles. Iceland playing against China Table Tennis Super League! Her is the Icelandic master loosing the game against 105 year old grandmama! (smellið á mynd til að sjá fleiri myndir)

Eftir hádegi fór ég í þjóðminjasafnið Shanghai Museum við People’s Square (人民广场, 人民廣場). Það var frítt inn á safnið og er það líklega ein af ástæðunum fyrir því hversu marar rútur voru þar fyrir utan. Á safninu mátti sjá margt merkra muna frá fornsögu Kínverja eins og peninga, málverk, ritverk, líkneski, leirker, skartgripi ásamt ýmsum áhöldum og vopnum frá fyrri tímum.

The Shanghai Museum (上海博物館) is a museum of ancient Chinese art, situated on the People’s Square (人民广场, 人民廣場) in the Huangpu District of Shanghai, People’s Republic of China. (smellið á mynd til að sjá fleiri myndir)

Safnið er mjög stórt og upp á nokkrar hæðir. Sérstaklega var gaman að skoða peningasafnið og búdda líkneskin. Hér má svo sjá haganlega útskorin húsgögn

The Shanghai Museum (上海博物館) has a collection of over 120,000 pieces, including bronze, ceramics, calligraphy, furniture, jades, ancient coins, paintings, seals, sculptures, minority art and foreign art. (smellið á mynd til að sjá fleiri myndir)

Mikið var af “útskornum” munum úr steini eða marmara. Greinilegt var að mikil vinna hafði verið lögð í marga dýrgripinna

Hand made parts of “jade” stones. Jade is an ornamental stone. The term jade is applied to two different metamorphic rocks that are made up of different silicate minerals. (smellið á mynd til að sjá fleiri myndir)

Það er mikið af fallegu handverki á safninu og má sjá ótrúlega skrautgripi unna úr mjúkum og hörðum marmara.

The Jade (玉) and the Chinese. In the Chinese Empire jade was considered the most noble of all gems. Jade was considered more valuable than gold or silver. (smellið á mynd til að sjá fleiri myndir)

Næst var farið á aðra sýningu sem var þar rétt hjá og var hún um borgarskipulag Shanghai og hönnun á World EXPO 2010 sýningarsvæðinu ásamt stórbrotnum vinningstillögum.

The Shanghai Urban Planning Exhibition Hall (上海城市规划展览馆). In front of the hall is the Mascot figue, the sign of World EXPO 2010 exhibition in Shanghai. Mascot is created from a Chinese character meaning people, the mascot “Haibao” embodies the character of Chinese culture. (smellið á mynd til að sjá fleiri myndir)

Þegar inn var komið, þá mátti sjá ótrúlega sýnigu á 6 hæðum um Shanghai borg. Hér má sjá stórt módel af EXPO 2010 sýningarsvæðinu sem núna er í byggingu. Íslenski skálinn er neðarlega vinstra megin, 2 lítil grá hús og er Íslenski skálinn húsið hægra meginn.

Shanghai World EXPO 2010. Expo 2010 (上海世界博览会) will be held in Shanghai, China. Model of the Exhibition site. (smellið á mynd til að sjá fleiri myndir)

Þarna mátti einnig sjá ótrúlega flott RISA módel af allri Shanghai borg með húsum og öllum smáatriðum.

The Shanghai Urban Planning Exhibition Hall (上海城市规划展览馆). The biggest scale model I’ve ever seen is of the Shanghai City. A mini-landscape of historic architecture, electronic reading materials and a three-dimensional digital cinema were among the multimedia forms displayed yesterday to illustrate the splendid wonderland of the World Expo. (smellið á mynd til að sjá fleiri myndir)

Ég náði aðeins að skoða 3 hæðir af sýningunni. Var seinn fyrir en rétt náði að sjá 360° tölvugerða kvikmynd af allri Shanghai borg ásamt flugvellinum og var það frábær upplifun. Gaman að sjá hversu langt 3D grafíkin er komin. Sýning sem að ég mæli hiklaust með, enda aldrei áður séð eins vel staðið að kynningu á borgarmálum áður (aðgangseyrir ¥30).

A three-dimensional digital cinema in The Shanghai Urban Planning Exhibition Hall (上海城市规划展览馆). Amazing 3D rendering and fly through of Shanghai City, a must to see! (smellið á mynd til að sjá fleiri myndir)

Næst var skotist með leigubíl yfir þvera borgina (¥19) til að taka þátt í heimboði til ungra frænku Heng og fjölskyldu hennar sem býr í lítilli íbúð. Pabbinn var meistara kokkur og var búinn að galdra fram þvílíka stórmáltíð.

Vegna plássleysis í íbúðarkitrunni, þá var eldhúsborðið fært upp að rúmgafli inn í herbergi dótturinnar og sátum við Heng á rúminu, pabbi og stjúpa Heng við sitthvorn endann og svo gömlu hjónin sem buðu í matinn beint á móti (gat ekki neitað því að það var smá íslensk baðstofustmenning yfir borðhaldinu). One of my best memory from the Shanghai trip was on the best and finest restaurant in Shanghai, a private home. (smellið á mynd til að sjá fleiri myndir)

Dóttirin kom svo skömmu seinna, tróð sér inn á milli og tók þátt í borðhaldinu með okkur. Í boði var fiskisúpa (fiskhausinn soðin) ásamt með glæru hlaupi (búið til úr hrísgrjónum), svínasultu dýft í viniger sósu, rækjur, fiskkurl í grænmeti, ásamt kínversku eðal “Yellow wine”.

Hápunktur veislunnar endaði svo með nýveiddum hárvatnakrabba í dökkri sósu sem var nánast borðaður upp til agna nema af undirrituðum og mátti sjá vígvöll borðhaldsins eins og eftir sprengjuárás þar sem sundurlimaðir krabbar lágu út um allt. (smellið á mynd til að sjá fleiri myndir)

En ég var víst orðin eitthvað slappur þarna um kvöldið og var komin með kvef sem tók 3 daga að losna við.

Kjartan
WWW.PHOTO.IS

p.s. fyrir þá sem hafa áhuga á fleirri myndum, þá fór ég í ferð til Kína 2003 og þá sem ferðamaður og leiðsögumaður.

http://www.photo.is/kina/index.html

Fært undir Alþjóðamál, Efnahagur, Ferðalög, Heilbrigði, Ljósmyndun, Matur og drykkur, Menning og listir, Stjórnmál, Trúarbrögð, Tækni og vísindi, Umhverfi, Umræðan, Vinir og fjölskylda, Íþróttir þann 1. febrúar 2009 af photo | 0 ummæli

GENGIÐ Á ESJUNA, ÞVERFELLSHORN - MYNDIR

www.visir.is Esjan grá

GENGIÐ Á ESJUNA, ÞVERFELLSHORN

Fyrir þá sem hafa hug á að ganga á Esjuna. Þá má sjá vinsælustu gönguleiðina hér. Neðst liggur hún upp í gegnum lúpínubreiðurnar, sem breiða úr sér og setja fallegan lit á umhverfið fyrri hluta sumars. Neðst til vinstri á myndinni er bílastæðin við Mógilsá og efst til hægri er svo Þverfellshorn sem flestir reyna að ganga á.

Gönguleið frá bílastæðinu við Mógilsá getur verið hringleið eða upp og niður sömu leið. Vegalengdin jafngildir um 6 km og göngutíminn 1 til 3 klst. eftir því hversu langt er farið upp og hversu hratt er farið. Hlíðin er aflíðandi neðst með hömrum efst og hækkun upp að stóra stein er 760 m en mesta hæð 780 m. Hallinn fellur í flokk C sem er nokkuð erfið gönguleið. Esjan Mountain (914 meters above sea level) is a popular place for Icelanders to go hiking. (smellið á mynd til að sjá fleiri myndir)

Við bílastæðin er gott að gera sig kláran fyrir gönguna. Nauðsynlegt er að taka með sér góðan búnað, hlífðarföt, stafi, góða gönguskó og jafnvel bakpoka og nesti og eitthvað að drekka á meðan á göngunni stendur.

Staðreyndin er sú að fólk fer oft á Esjuna vanbúið til gönguferða og gerir sér ekki grein fyrir mörgum þeim hættum sem þar eru. Vetrarferðir kalla að auki á mannbrodda, ljós m.m. Gangan upp ætti ekki að taka lengri tíma en tvær klukkustundir. Þetta er án efa vinsælasta gönguleið á öllu Íslandi og er geysilega skemmtileg. (smellið á mynd til að sjá fleiri myndir)

Hér er lagt á Esjuna og er stefnan tekin upp að Steininum í 597 metra hæð

Eins og sjá má, þá er búið að leggja fína göngustíga upp fjallið. Framundan grillir í Kistufell og Gunnlaugsskarð. (smellið á mynd til að sjá fleiri myndir)

Ferðahraðinn og aldur þeirra sem leggja á Esjuna er misjafn. Á meðan sumir dóla sér upp í rólegheitunum, þá reyna sumir að hlaupa upp í einum rykk eins og ferðafélagi minn ákvað að gera. Á þessum stað er hægt að velja um svo kallaða Skógarleið og er þá gengið í gegnum skóginn á leið upp Esjuna

Oft er miðað við að gengið sé upp að stóra stein á um 1 kl.st. og góðir hlauparar geta náð upp á 30-45 mínútum. (smellið á mynd til að sjá fleiri myndir)

Hér er komið að göngubrú áður en gengið er upp Þvergil sem er skammt frá Búðarhömrum. Þar fyrir ofan er svo Smágil

Hér er brattinn að aukast töluvert (smellið á mynd til að sjá fleiri myndir)

Víða er búið að laga gönguleiðina og eins og oft vill vera með mannanna verk, þá fer náttúran sínu fram

Mikið af svona vinnu er framkvæmd víða um land af áhugamannahópum. (smellið á mynd til að sjá fleiri myndir)

Hér greinist leiðin í tvennt og völdum við félagarnir að fara brattari leiðina fyrst og taka svo hina leiðina til baka. Eins og sjá má, þá er slóðinn sem gengið er eftir í misjöfnu ástandi. Í Einarsmýri er jarðvegurinn blautur sem er að koma undan snjónum og getur verið óskemmtilegt svæði til yfirferðar.

Gamla leiðin, liggur upp Langahrygg sem einnig er nefndur Gljúfradalsháls. Gengið er í bröttum skriðum uns komið er í mýrina. Handan hennar tekur svo bratti Þverfellshorns við. Leiðin hentar þeim sem vilja fara hratt yfir. (smellið á mynd til að sjá fleiri myndir)

STEINN, er sá viðkomustaður sem flestir stefna á og þeir sem treysta sér lengra taka því næst stefnuna á toppinn eða sjálft Þverfellshornið

Upp að steini er um 6,6 km upp í 597 m hæð með hækkun um 587 m. Just outside the Reykjavík capital of Iceland is Mt. Esjan. (smellið á mynd til að sjá fleiri myndir)

Töluverður bratti er frá Steininum upp að klettabeltinu eins og sjá má á þessari mynd, aðallega er um tvær leiðir úr að velja, sú fyrri sem að við fórum var nánast beint upp klettabeltið þar sem fylgt vegvísum, tröppum og keðjum

Seinni leiðin er aðeins vestar en þar sem var mikill snjór á þeirri leið og sér í lagi í kverkinni og við ekki með neinn búnað til að ganga á snjónum. Þessi kafli leiðarinnar getur verið pínu erfiður fyrir óvana og lofthrædda. Að vetrarlagi skal þó fara að öllu með gát. Árið 1979 féll á þessum slóðum snjóflóð og létust 2 menn. Esja is not a single mountain, but a volcanic mountain range, made from basalt and tuff-stone. (smellið á mynd til að sjá fleiri myndir)

Hér er svo takmarkinu náð, Þverfellshornið sjálft. Vinsælasta leiðin á Esju frá Mógilsá. Hún er auðrötuð enda mörkuð af sérstökum göngustíg á fjallinu. Efst eru nokkur klettaþrep sem auðvelt er að klífa en rétt er að fara varlega vegna hættu á grjóthruni frá fólki sem kann að vera fyrir ofan.

Lofthræddum er bent á að ganga aðeins vestan við hornið og finna sér leið þar upp. Esjan is situated in about 20 min. drive from Reykjavík and looks over the fjord and the city. (smellið á mynd til að sjá fleiri myndir)

Á útsýnisskífunni er gott að átta sig á örnefnum, enda útsýnið stórkostlegt ofan af Þverfellshorni yfir Stórreykjavíkursvæðið

Hér horfir Ingólfur Bruun eftir útsýnisskífunni. Í vörðunni, sem er í 750 m hæð má finna gestabók sem komið hefur verið fyrir í stálhólki. Rétt er að skrá nafn sitt í bókina, afrekinu til sönnunar. From the top there is a great view over Reykjavik city and in good weather you can see pretty far. (smellið á mynd til að sjá fleiri myndir)

Niðurgangan getur oft verið sumum þrautin þyngri, en ef svo er, þá er bara um að gera að fara rólega yfir og spjalla við þá sem eru á leiðinni

Um að gera að spjalla í símann við sína nánustu þegar veðrið er svona gott. Í raun eru nokkrar leiðir úr að velja og eru þær mis vel merktar. Esjan is a bit steep, especially the last part. (smellið á mynd til að sjá fleiri myndir)

Þetta er rétta leiðin kallar Ingólfur til eins göngumanns sem er að leggja á klettabeltið

Þverfellshornið er ein vinsælasta gönguleiðin á Esjuna og miða við þann fjölda sem leggur leið sína á fjallið, er með ólíkindum að ekki hefur orðið meira um slys á fjallinu. Iceland Equals Adventure. (smellið á mynd til að sjá fleiri myndir)

Hér er svo gengið niður hina leiðina frá Steininum til austurs. Ekki er óalgengt að hundruð manna séu á ferð í Esjuhlíðum þegar vel viðrar. Fjölmargir ganga upp nokkrum sinnum í viku sér til heilsubótar.

Sumarið 1994 var gerð ný gönguleið upp að Þverfellshorni. Hún klofnar frá gömlu leiðinni og stefnir yfir Mógilsá og þar upp austan árinnar. Þar er ekki eins bratt og á gömlu leiðinni og því aðeins léttari. Göngustígarnir koma aftur saman fyrir neðan hamrana í Þverfellshorni. (smellið á mynd til að sjá fleiri myndir)

Rétt eftir þessa brú sameinast svo leiðirnar aftur

Hægt er að fá göngukort af Esjunni og Leggjabrjót hjá Ferðafélagi Íslands, Mörkinni 6. Vegna mikillar straums göngufólks upp Þverfellshorn hafa troðist margar slóðir hingað og þangað og ber því að virða þær merkingar sem eru á svæðinu. (smellið á mynd til að sjá fleiri myndir)

Sagt er að fjallið sé ekki sigrað fyrr enn hinum eina sanna tindi er náð.
Um klukkustundar gangur frá vörðunni að Hábungu Esju sem rís hæst 914 m

Kjartan

WWW.PHOTO.IS

Fært undir Ferðalög, Fjölmiðlar, Jarðfræði, Ljósmyndun, Umhverfi, Umræðan, Vinir og fjölskylda, Íþróttir þann 27. september 2008 af photo | 2 ummæli

LAXÁRGLJÚFUR - STÓRA LAXÁ Í HREPPUM

www.visir.is Slapp vel þegar hann féll 10 metra í gljúfur

STÓRA LAXÁ Í HREPPUM - LAXÁRGLJÚFUR

Þetta er því miður ekki fyrsta slysið sem er að koma upp í gljúfrunum í Stóru -Laxá í Hreppum.

26.7.2007 eða fyrir rúmu ári síðan féll maður í gljúfrinu og má lesa um það hér:

Myndir - Laxárgljúfur - Stóra Laxá í Hreppum http://photo.blog.is/blog/photo/entry/270966/

og tengdist það þá þessari frétt hér á mbl.is: http://www.mbl.is/mm/frettir/innlent/2007/07/26/mikid_slasadur_eftir_ad_hafa_fallid_nidur_laxarglju/

Ég hef verið talsmaður þess að þarna væri flott útivistar- og göngusvæði enda hrikalega flott landslag þarna á ferð. En greinilegt er að það er margt sem ber að varast þarna. Tvö slys á einu ári er einfaldlega of mikið.

Hér byrja hin eiginlegu Laxár-Gljúfur sem er rétt fyrir ofan bæinn Kaldbak sem er efsti bærinn í Hrunamannahrepp á þessu svæði

Ég átti þess kost á að fljúga yfir Laxárgljúfur í september árið 2005 og tók þá þessa myndaseríu. Laxárgljúfur í Stóru Laxá í Hreppum. Picture of canyon Laxargljufur in Storu-Laxa in Hreppum in South Iceland. (smellið á mynd til að sjá fleiri myndir)

Veiðistaðir eru margir á þessu svæði en mjög erfitt er að komast niður í suma þeirra.

Flogið er upp eftir gljúfrinu til norðurs og má sjá stærðarhlutföllin á mótorsvifdrekanum sem er pínu lítill miða við sjálf gljúfrin. Laxárgljúfur í Stóru Laxá í Hreppum. Picture of canyon Laxargljufur in Storu-Laxa in Hreppum in South Iceland. (smellið á mynd til að sjá fleiri myndir)

Flogið er upp eftir Laxárgljúfrunum til norðurs. Stóra-Laxá hefur grafið sig í gegnum mjúkt móbergið og formað það og mótað á löngum tíma

Laxárgljúfur í Stóru-Laxá í Hreppum. Picture of canyon Laxargljufur in Storu-Laxa in Hreppum in South Iceland. (smellið á mynd til að sjá fleiri myndir)

og eins og sjá má á eftirfarandi myndum, þá eru gljúfrin hrikaleg í alla staði

Laxárgljúfur í Stóru Laxá í Hreppum. Á svæðinu er auðmótanlegt móberg eða sandsteinn sem vatn og vindur á auðvelt með að forma. Picture of canyon Laxargljufur in Storu-Laxa in Hreppum in South Iceland. (smellið á mynd til að sjá fleiri myndir)

Laxárgljúfur eru ein hrikalegustu gljúfur sem finna má á Suðurlandi

Laxárgljúfur í Stóru Laxá í Hreppum. Picture of canyon Laxargljufur in Storu-Laxa in Hreppum in South Iceland. (smellið á mynd til að sjá fleiri myndir)

Flugmaðurinn á mótordrekanum sem ég er að mynda er Jón Sveinsson kokkur. Hann flýgur á Aeros mótordreka með Rotax 912 mótor. Sem er 08 hp og mjög gangöruggur fjórgengismótor.

Á meðan flýg ég með Árna Gunnarssyni fisflugmanni og mynda með hurðina opna á nýlegri Skyranger fisflugvél. Myndirnar eru teknar í september 2005. Picture of canyon Laxargljufur in Storu-Laxa in Hreppum in South Iceland. (smellið á mynd til að sjá fleiri myndir)

Margar kynjamyndir má sjá á leið sinni upp eftir gljúfrinu. Hér má sá eitt ef kennileitum sem ungt og lítið mótað land hefur.

Hér er móbergið hálfmótað og margar kynjamyndirnar ef betur er að gáð. Laxárgljúfur í Stóru Laxá í Hreppum. Picture of canyon Laxargljufur in Storu-Laxa in Hreppum in South Iceland. (smellið á mynd til að sjá fleiri myndir)

Ég er með greinagóða lýsingu á gönguleið um svæðið sem að var verkefni hjá mér í gönguleiðsögn í MK á sýnum tíma.

Á sínum tíma útbjó ég ásamt Ingu Sigríði Ragnarsdóttur og Ásgerði Einarsdóttur verkefni í gönguleiðsögn í MK. Fyrir valinu var að ganga um þetta svæði þar sem fara átti frá Kaldbak meðfram gljúfrinu að austanverðu upp í Kerlingarfjöll.

Myndir - Laxárgljúfur - Stóra Laxá í Hreppum http://photo.blog.is/blog/photo/entry/270966/

Hér má svo sjá nýlega mynd sem tekin er rétt fyrir ofan brúnna á Stóru-Laxá.

Laxárgljúfur í Stóru Laxá í Hreppum. Picture of canyon Laxargljufur in Storu-Laxa in Hreppum in South Iceland. (smellið á mynd til að sjá fleiri myndir)

Hér má svo sjá aðra nýlega mynd sem tekin er rétt fyrir ofan búnna á Stóru-Laxá.

Laxárgljúfur í Stóru Laxá í Hreppum. Picture of canyon Laxargljufur in Storu-Laxa in Hreppum in South Iceland. (smellið á mynd til að sjá fleiri myndir)

Hér kemur svo sjálf Laxáin úr austri inn í gljúfrið og það merkilega er að hún kemur einhvern spotta úr austri en þar rennur svo áin til norðurs á kafla og virðist vera uppsprettuvatn af heiði sem liggur austan megin við þessi hrikalegu gljúfur.

Laxárgljúfur í Stóru Laxá í Hreppum (smellið á mynd til að sjá fleiri myndir)

Ef haldið er svo áfram upp með lítilli hliðará sem heitir Leirá sem kemur úr norðri, þá er komið að línuvegi þar sem auðvelt er að koma að gljúfrinu ofan frá. Gönguleið liggur með gljúfrinu að vestanverðu en það þarf að fara yfir nokkur gil og gljúfur að austanverðu.

Hliðará sem rennur í Stóru Laxá í Hreppum (smellið á mynd til að sjá fleiri myndir)

Ætli Ásgeir Gestsson fyrrum bóndi frá Kaldbak og fjallkóngur þeirra Hrunamann til margra ára, sé ekki sá sem hefur eina mestu þekkingu á svæðinu. Þegar ég leitaði til hans út af verkefni mínu á sínum tíma, þá var að heyra að hann þekkti hvern þumlung svæðisins.

En hér má sjá smá brot úr verkefninu sem var aðeins um eitt af mörgum verkefnum sem nemendur leiðsöguskólans bjuggu til á meðan á námi stóð.

Gönguleið: (6 göngudagar)

Vegalengd: Akstur 250 km, Ganga 87,3 km auk gönguferðar í Kerlingarfjöllum, um 10 km
Hækkun/Lækkun : Kaldbakur 220 m – Geldingarfell 758 m – Svínárnes 400 m –
Fosslækur 460 m – Kerling 940 m – Ásgarður í Kerlingafjöllum 680 m
Göngutími: Alls um 20 klst.
Gist í skálum: Hallarmúli, Helgaskáli, Svínárnes, Fosslækur og Kerlingarfjöll
Matur og útbúnaður borinn á bakinu í 5 daga, þó er matarburði skipt í tvennt, matur ferjaður um miðbik ferðar og matur fyrir lok ferðar ferjaður í Kerlingarfjöll og gengið þar með dagspoka
Erfiðleikastig: Meðalerfitt, með möguleikum á meira krefjandi köflum
Vöð: 4 stór og nokkur minni, í upphafi ferðar

Hér læt ég fylgja með myndir + teikningar úr umræddu verkefni sem sýnir aðeins 2 fyrstu daga ferðarinnar sem hefst frá bænum Kaldbak. En þar býr nú fyrrum ritstjóri Jónas Kristjánsson.

Kaldbakur (smellið á mynd til að sjá fleiri myndir)

Fyrsta daginn er gengið frá Kaldbak, vaðið yfir Stóru-Laxá og gengið upp að fallegum fossi Skillandsárs og endað í skála í Hallarmúla.

Skillandsárfoss (smellið á mynd til að sjá fleiri myndir)

Næsta dag er svo gengið til baka að gljúfrunum að austanverðu

Jólgeirsstaðir, Klofkerling, Krossgil, Kambur, Kambshorn (smellið á mynd til að sjá fleiri myndir)

Hér er svo haldið áfram upp með gljúfrinu yfir Uppgöngugil í átt að Miðgili. Ef myndin er skoðuð nánar, þá má sjá pínulítinn mótordreka yfir gljúfrinu. Þetta sýnir vel stærðarhlutföllin.

Uppgöngugil, Miðgil, Illaver, Fremra-Rótargil (smellið á mynd til að sjá fleiri myndir)

Laxárgljúfur á leið frá Hallarmúla upp í Helgaskála.

Mynd tekin við Innra-Rótargil (smellið á mynd til að sjá fleiri myndir)

Hér er krækt fyrir gilið þar sem Stóru-Laxá og Leirá koma saman og svo vaðið yfir Stóru-Laxá á móts við Helgaskála

Laxárgljúfur í Stóru Laxá í Hreppum (smellið á mynd til að sjá fleiri myndir)

En eins og sjá má, þá er íslensk náttúra stórbrotin og varasöm. En benda má á að leiðin vestanmegin við gljúfrin henta mun betur til göngu. Þessi ferð var svo m.a. hugsuð með möguleika á að vera með fullkomin klifurbúnað meðferðis þar sem hægt væri að síga niður í gljúfrið á nokkrum stöðum. Á síðustu myndinni má sjá hvar bíl hefur verið lagt. En hægt er að aka eftir línuvegi frá Þjórsárdal og niður í hreppa í áttina að Gullfossi með viðkomu á þessum stað.

Kjartan

WWW.PHOTO.IS

Fært undir Ferðalög, Fjölmiðlar, Flug, Jarðfræði, Ljósmyndun, Samgöngur, Umhverfi, Umræðan, Íþróttir þann 12. september 2008 af photo | 0 ummæli

178 SEK. REGLAN Í FLUGI! - AÐ LENDA ÚTI Á TÚNI

www.visir.is Brotlenti við Egilsstaði

AÐ LENDA ÚTI Á TÚNI - 178 SEK. REGLAN Í FLUGI!

Það er nóg af túnum í kringum flugvölinn á Egilsstöðum. En undarlegt að lenda svona langt fyrir utan braut þegar risastór braut er þarna rétt hjá.

Þegar farið er að kanna málið betur, þá kemur í ljós að skyggni var mjög lítið og komið kvöld. Flugmaðurinn hefur líklega lent inni í skýjum og prísað sig svo sælan að ná út úr þeim óhultur og því ákveðið að lenda strax á næsta túni áður en hann lenti í annarri eins krísu.

En hver er 178 sek. reglan?

Sú regla fjallar um það að ef þú lendir inni í skýi, þá átt þú eftir 178 sek. ólifað ef þú hefur ekki blindflugsreynslu!

Árið 1990 voru gerðar prófanir á 20 flugmönnum með sjónflugsréttindi (VFR) í Háskóla í USA (University of Illinois). Þeir voru allir látnir fljúga óundirbúnir inn í ský og voru ALLIR búnir að missa stjórn og krassa flugvélinni á bilinu 20 til 480 sek. Út úr þessum rannsóknum fékkst meðaltal eða talan 178 sek.

Flugturninn á Egilsstöðum í góðu veðri.

Hringflug fisflugmanna í júlí 2004 um Ísland. Picture of ultralight or trike flying around Iceland in 2004. Airport at Egilsstadir. (C)2008 Kjartan P. Sigurðsson WWW.PHOTO.IS (smellið á mynd til að sjá fleiri myndir)

Það er því ákaflega mikilvægt að halda sig langt frá öllum skýjum. En öðru máli gildir með flugvélar sem eru útbúnar blindflugsbúnaði.

Ætli þetta sé túnið? En oft er gott að lenda á túni svo lengi sem það er sæmilega slétt og nýslegið!

Hér er flug á Egilsstaði á fisi 2005. Picture of ultralight flying over highland to East-Fjord of Iceland in 2005. Airport at Egilsstadir. (C)2008 Kjartan P. Sigurðsson WWW.PHOTO.IS (smellið á mynd til að sjá fleiri myndir)

Hér má svo sjá meira af myndum frá Egilsstöðum:

Fokker 50 reynist gríðarlega vel við Íslenskar aðstæður http://photo.blog.is/blog/photo/entry/358262

NÝJAR MYNDIR ÚR FERÐ LEIÐSÖGUMANNA Í SKOÐUNARFERÐ UM KÁRAHNJÚKA http://photo.blog.is/blog/photo/entry/552883/

og hér:

http://photo.blog.is/blog/photo/entry/584517

En ég þekki þessa upplifun af eigin raun því að ég lenti í nákvæmlega því sama fyrir mörgum árum síðan og hef heitið því að fljúga ekki inn í þoku af óþörfu síðan. Segi frá þeirri sögu seinna :)

Kjartan

WWW.PHOTO.IS

Fært undir Ferðalög, Fjölmiðlar, Flug, Heilbrigði, Ljósmyndun, Samgöngur, Tækni og vísindi, Umhverfi, Umræðan, Íþróttir þann 12. september 2008 af photo | 2 ummæli

ER EITTHVAÐ MEIRA UM MÁLIÐ AÐ SEGJA :)?

www.visir.is Róbert: Ætla að gleyma leiknum og njóta silfursins

ER EITTHVAÐ MEIRA UM MÁLIÐ AÐ SEGJA :)?

Flaggað í Þórsmörk

(smellið á mynd til að sjá fleiri myndir)

Ís er mitt uppáhald

Bananasplitt að hætti norðlendinga. (smellið á mynd til að sjá fleiri myndir)

Til hamingju með silfrið á ólimpíuleikunum í Kína.

Kjartan

WWW.PHOTO.IS

Fært undir Alþjóðamál, Ferðalög, Fjölmiðlar, Ljósmyndun, Menning og listir, Trúarbrögð, Íþróttir þann 24. ágúst 2008 af photo | 7 ummæli

HELLA, GADDSTAÐAFLATIR, HESTAMANNAMÓT - MYNDIR

www.visir.is Landsmót hestamanna sett á Gaddstaðaflötum

HELLA, GADDSTAÐAFLATIR, HESTAMANNAMÓT - MYNDIR

Hér má sjá einn glæsilegasta reiðvöll landsins á Hellu

Horft til suðurs yfir reiðvellina á Gaddstaðaflötum á Hellu. Pictures of Gaddstadaflotum at Hella village in south of Iceland. (smellið á mynd til að sjá fleiri myndir)

Hér er svo loftmynd af hesthúsahverfinu á Hellu

Hverfið er staðsett norðan við bæinn. Every town and villages in Iceland have there own riding club. Pictures of Hella’s riding clubs houses. (smellið á mynd til að sjá fleiri myndir)

Ein þekktasta veiðiá landsins Ytri-Rangá rennur í gegnum Hellu. Rétt fyrir ofan bæinn má sjá þennan fallega foss sem heitir Árbæjarfoss

Tveir fossar eru í ánni, Árbæjarfoss og Ægissíðufoss. Nokkur veiði hefur verið í ánni frá fornu fari, Ytri Rangá er í dag einhver besta laxveiðiá landsins með yfir 5000 laxa veidda á síðasta ári. (smellið á mynd til að sjá fleiri myndir)

Svo má ekki gleyma flottum flugvelli sem er við Hellu en þar halda svifflugmenn einnig landsmót eins og hestamenn enda aðstaða til svifflugs þar mjög góð.

Fisflugmenn og einkaflugmenn njóta líka góðs af flugvellinum á Hellu sem er löng grasflugbraut. Airport for gliding at Hella. (smellið á mynd til að sjá fleiri myndir)

En annars er fín ferðaþjónusta rétt við hliðina á reiðvellinum á Gaddstaðarflötum

Árhús er smáhúsagisting á eystri bakka Ytri Rangár við Hellu. Árhús is accommodation in cottages located on the east bank on the Ytri Rangá-river in the small village of Hella. (smellið á mynd til að sjá fleiri myndir)

Ferðaþjónustan Árhús rétt við hliðina á reiðvellinum á Gaddstaðarflötum

Árhús á eystri bakka Ytri Rangár við Hellu. Árhús is accommodation in cottages located on the east bank on the Ytri Rangá-river in the small village of Hella. (smellið á mynd til að sjá fleiri myndir)

Kjartan

WWW.PHOTO.IS

Fært undir Alþjóðamál, Ferðalög, Fjölmiðlar, Flug, Ljósmyndun, Menning og listir, Samgöngur, Slúður, Umhverfi, Umræðan, Vinir og fjölskylda, Íþróttir þann 30. júní 2008 af photo | 2 ummæli

GENGIÐ Á ESJUNA, ÞVERFELLSHORN - MYNDIR

www.visir.is Esjudagurinn haldinn hátíðlegur í dag

GENGIÐ Á ESJUNA, ÞVERFELLSHORN - MYNDIR

Hér er lagt á Esjuna og er stefnan tekin upp að Steininum í 597 metra hæð

Eins og sjá má, þá er búið að leggja fína göngustíga upp fjallið. Framundan grillir í Kistufell og Gunnlaugsskarð. (smellið á mynd til að sjá fleiri myndir)

Oft er miðað við að gengið sé upp að stóra stein á um 1 kl.st. og góðir hlauparar geta náð upp á 30-45 mínútum. (smellið á mynd til að sjá fleiri myndir)

Hér er komið að göngubrú áður en gengið er upp Þvergil sem er skammt frá Búðarhömrum. Þar fyrir ofan er svo Smágil

Hér er brattinn að aukast töluvert (smellið á mynd til að sjá fleiri myndir)

Víða er búið að laga gönguleiðina og eins og oft vill vera með mannanna verk, þá fer náttúran sínu fram

Mikið af svona vinnu er framkvæmd víða um land af áhugamannahópum. (smellið á mynd til að sjá fleiri myndir)

STEINN, er sá viðkomustaður sem flestir stefna á og þeir sem treysta sér lengra taka því næst stefnuna á toppinn eða sjálft Þverfellshornið

Upp að steini er um 6,6 km upp í 597 m hæð með hækkun um 587 m. Just outside the Reykjavík capital of Iceland is Mt. Esjan. (smellið á mynd til að sjá fleiri myndir)

Á útsýnisskífunni er gott að átta sig á örnefnum, enda útsýnið stórkostlegt ofan af Þverfellshorni yfir Stórreykjavíkursvæðið

Niðurgangan getur oft verið sumum þrautin þyngri, en ef svo er, þá er bara um að gera að fara rólega yfir og spjalla við þá sem eru á leiðinni

Þetta er rétta leiðin kallar Ingólfur til eins göngumanns sem er að leggja á klettabeltið

Rétt eftir þessa brú sameinast svo leiðirnar aftur

Sagt er að fjallið sé ekki sigrað fyrr enn hinum eina sanna tindi er náð.
Um klukkustundar gangur frá vörðunni að Hábungu Esju sem rís hæst 914 m

Kjartan

WWW.PHOTO.IS

Fært undir Ferðalög, Jarðfræði, Ljósmyndun, Samgöngur, Umhverfi, Umræðan, Vinir og fjölskylda, Íþróttir þann 29. júní 2008 af photo | 0 ummæli

Næsta síða »