Berglind heiti ég og starfa hjá Styrktarfélagi lamaðra og fatlaðra. Við gefum út Kærleikskúluna sem þú minnist á í bloggi sem ritað var í gær, 18. desember. Við höfum verið í samstarfi við Glitni síðustu 6 ár en þeir hafa stutt okkur með kaupum á jólagjöfum til viðskiptavina sinna, Kærleikskúlunni og Jólaóróanum. Þetta samstarf hefur verið okkur gríðarlega mikilvægt þar sem að með kaupunum hefur skapast fjármagn til þess að auðga líf fatlaðra barna m.a. með því að gefa þeim kost á að dvelja í sumarbúðum á vegum félagins.
Mig langar aðeins að segja þér og öðrum frá því í hvað það fé sem Glitnir hefur varið í jólagjafir til viðskiptavina sinna hefur farið undanfarin ár og hversu mikilvægt það framlag er:
Hjá félaginu starfa 40 manns en yfir sumartímann eykst starfsmannafjöldinn og starfa þá hjá félaginu vel yfir 100 manns. Helstu verkefni félagsins eru rekstur Æfingastöðvarinnar en þar fer fram umfangsmesta sjúkra- og iðjuþjálfun fatlaðra barna og ungmenna á landinu en auk þess rekur félagið sumarbúðir í Reykjadal og Laugalandi fyrir fötluð börn. Í Reykjadal er einnig boðið upp á helgardvalir yfir vetrartímann.
Ágóðinn af Kærleikskúlunni hefur farið í starfsemina í Reykjadal og hefur þessi fjáröflunarleið því verið félaginu mjög mikilvæg. Þjónusta sem þessi er mjög kostnaðarsöm þar sem hver starfsmaður getur einungis sinnt einum til tveimur einstaklingum í senn. Af réttlætisástæðum er gjald fyrir dvöl í Reykjadal jafnhátt gjaldi almennra sumarbúða. Ríki og sveitarfélög leggja einnig félaginu lið. Samt sem áður vantar töluvert upp á að reksturinn standi undir sér og þarf félagið sjálft að afla þess sem upp á vantar.
Það að eiga fatlað barn er eitthvað sem fæstir myndu óska sér, oftast mæðir mikið á foreldrum þessara barna og hvíld því sérstaklega mikilvæg. Foreldrunum er einnig mikið í mun að börn þeirra geti upplifað flest það sem heilbrigð börn hafa kost á t.d. með dvöl í þeim ævintýraheim sem Reykjadalur er. Dvöl í Reykjadal hefur því gefið bæði foreldrum og börnum óendanlega mikið og komast ávallt færri að en vilja.
Glitnir banki hefur í gegnum árin stutt myndarlega við málefni er varða samfélagið og þar á meðal Styrktarfélag lamaðra og fatlaðra. Samningar um kaup á jólagjöfum hafa verið gerðir í maí á ári hverju svo framleiðsla geti hafist. Það gefur því á augaleið að vanefnd á þeim samningi hefði sett rekstur félagsins á kaldan klaka og víst að það hefði bitnað á þeim sem síst skyldi, fötluðum börnum og foreldrum þeirra. Ég vona að ég hafi varpað ljósi á málið í heild sinni og þú og þínir eigið kærleiksríka jólahátíð.

Með vinsemd og virðingu,

F.h. Styrktarfélags lamaðra og fatlaðra

Berglind Sigurgeirsdóttir.

Ég vona að Einar Mar sýni meiri yfirvegun í fagi sínu en viðbrögð hans hér lýsa. Skoðaðirðu nokkuð hvernig í pottinn er búið með kúluna, Einar, áður en þú fórst að hella úr skálum reiði þinnar hér?

Glitnir hefur verið í samstarfi við Styrktarfélag lamaðra og fatlaðra undanfarin ár með þessa gjöf sína. Á tilkynningunni sem olli stjórnmálafræðingnum slíku hugarangri að hann fann sig knúinn að deila því með þjóðinni kemur reyndar fram að ágóðinn af kúluframleiðslunni (sem er í höndum Styrktarfélagsins að mér sýnist) er notaður til að kosta dvöl fatlaðra barna í sumarbúðum félagsins. Þetta fólk les nú blogg hins virðulega álitsgjafa, og fær að heyra það að framleiðsla þess þyki “peningaaustur í algjört rusl” og menn séu hvattir til að nota kúluna sem einhvers konar hermdargjöf. Skemmtileg jólakveðja það og ykkur vafalaust til mikils sóma sem hér eruð að tjá ykkur.

Það væri gaman að vita hvað kostar að breyta öllum “lógóum” nýjar auglýsingaherferðir . nýjir bæklingar undir öðru nafni. Þetta hefur gerst æði oft . FBA Íslandsbanki. Glitnir , aftur Íslandsbanki.

hvaða auglýsingastofa er svona heppinn og hvað kostar þetta . Ég gæti ímyndað mér að bara að breyta hausum á öllum pappírum og nótum sem bankinn notar kosti milljónir. Nú þarf að splæsa í ný skilti á alla banka og útibú. Taka upp nýjar sjónvarpsauglýsingar kostar sitt.

býst við að þeir séu að reyna að rembast við að halda að við gleymum, með því að skipta um nafn á banka. En Íslendingar eru hættir að gleyma fljótt, eins og áður . Það er kosturinn við þetta Íslandshrunið.

Íslendingar eru snillingar