Sástann???
8. febrúar 2010 kl. 17.33 eftir skandala
Forstjórinn mætti í vinnuna, lítið sofinn með galopna buxnaklauf. Ritarinn hans brosti bara og sagði; Gleymdir þú nú að loka bílskúrnum? Það blasir allt við. Forstjórinn svaraði ekki en leit á hana og fór inn til sín en kom svo aftur og sagði; Úps, ég skil… Skúrinn var opinn! Sástu nokkuð HÖMMERINN? Ritarinn; Nei, bara MINI VAN, og það var sprungið á tveimur!
Endurnýting smokka
7. febrúar 2010 kl. 21.03 eftir skandala
Hvað gerir þú þegar þú ert búinn að nota 365 smokka á einu ári?
Þú bræðir þá og býrð til dekk úr þeim og kallar dekkið… GOODYEAR ♥
Hvað þarf að safna notuðum smokkum í mörg ár til að eiga í einn umgang undir Toyota Landcruser?
Falin beinagrind
7. febrúar 2010 kl. 15.09 eftir skandala
Í síðustu viku var verið að rífa gamalt hús í miðbænum. Innan í einum vegg fannst beinagrind með medalíu um hálsinn. Á henni stóð: “Íslandsmeistarinn í feluleik 1969!!
Konuleit í IKEA
6. febrúar 2010 kl. 21.16 eftir skandala
Gamall maður var að leita að konunni sinni í IKEA þegar að hann rakst á ungan mann
“ég er að leita að konunni minni” sagði gamli maðurinn
“ég er líka að leita að minni konu” sagði ungi maðurinn.
“Förum bara saman og leitum að þeim”.
“Hvernig lítur konan þín út” sagði gamli maðurinn.
“Hún er með sítt rautt hár, blá augu,…………stinnan rass og flott brjóst, en konan þín?”
“Issssss, skítt með hana, förum og finnum þína”
Það er opið
6. febrúar 2010 kl. 1.33 eftir skandala
Ung kona kom hjólandi að Hagkaup og lagði hjólinu sínu upp við vegg, þegar hún labbaði frá hjólinu þá datt það..þá heyrðist í gömlum kalli;
“Hey, það leið yfir hjólið þitt!”
þá svaraði unga konan;
“Já, helduru að það myndi ekki líka líða yfir þig ef að þú værir búinn að vera í klofinu á mér í hálftíma?
Frá Fjarskanistan
5. febrúar 2010 kl. 14.40 eftir skandala
Ég vinn með konu frá Fjarskanistan en höfðuborgin þar er fjarskafalleg. Þegar landið kemur til tals okkar á milli, þá er fátækt og sjálfsbjargarviðleitni íbúanna oftar en ekki til umræðu.
Þegar rætt er um okkar Ísland í Fjarskanistan þá er það sama upp á teningnum. Rætt um fátækt og sjálfsbjargarviðleitni fólksins í okkar fjarska fallega landi.
Það er fjarri mér að fara nánar út í þá sálma núna.
Slangur
4. febrúar 2010 kl. 0.22 eftir skandala
Nú er okkur gert kleift að fylgjast með breytingum tungumálinu og jafnvel að skilja hvað sagt er í kringum okkur. Það kemur oft fyrir að ekki ser fræðilegur möguleiki fyrir venjulega Jóna og Gunnur að skilja hvað fólk segir þó það sé að tala “Íslensku”.
Til að fræða okkur bendi ég á aðgang að Slangurorðabók á netinu og HÉR er hlekkurinn á hana.
Þar kennir margra grasa.
Heilsulaus svikahrappur
2. febrúar 2010 kl. 19.11 eftir skandala
Með hnífinn í bakinu eftir Sophiu Hansen Jæja, þá er samúðin með Soffíu Hansen fokin út í veður og vind. Opinberlega hefur hún verið sögð heilsulaus vegna álags sem málaferli og baráttan um börnin hafi haft á hana og flestir vorkenndu þessari konu sem varð á að gifast biluðum manni.
Sögurnar sem hafa ekki komist í hámæli eru um að hún sé pillusjúklingur og ansi blaut. Nú bætast svik og lygar þar ofan á og fréttir sem segja að Halim Al sér hinn ágætasti maður og mikið traustari en konan hans fyrrverandi.
Nú er Sigurður, bjargvættur Soffíu til margra ára, í sárum eftir hnífstungur sem hann fékk í þakklætisskini frá Soffíu. Hann finnur jafnvel enn fyrir hnífasettinu í bakinu.
(NEi, nú fór ég aðeins yfir strikið, þetta er ekkert djók, svo það er best að stoppa hér.)
Vonandi læra þessir karlar eitthvað núna
2. febrúar 2010 kl. 0.22 eftir skandala
Skipulagsbreytingum vegna neðri Þjórsár synjað staðfestingar Mikið er ég fegin að það var stungið uppí þetta ruglaða lið sem heldur sig almáttugt í eintómri sjálfumgleði. Nú tók einn ráðherrann okkar sig til og fór eftir lögum, sem er nú ekki sjálfgefið á þessu guðsvolaða landi.
Sveitarstjórn Skeiða og Gnúpverja getur ekki tekið við mútum og fengið það staðfest hjá ráðherra.
Ráðherrann, sem er hún, neitaði þeim um að halda áfram með virkjun sem Landsvirkun var búin að borga sveitarstjórninni fyrir að vinna fyrir sig.
Og enginn mundi græða meira en Landsvirkjun á þeirri virkjun.
Kanntu að segja NEI?
31. janúar 2010 kl. 17.28 eftir skandala
NEI, er orð sem sumir skilja ekki, taka ekki mark á því og hafa ekki þurft þess í gegnum tíðina. Það er mikil hætta fólgin í því að kenna ekki börnum hvað þetta litla og ákveðna orð þýðir.
Ég rakst á grein um hvað það er algengt að foreldrar vilja ekki neita strákunum sínum um neitt, foreldrar halda að þeir séu svo jákvæðir og séu að kenna litlu krúttunum sínum jákvæða afstöðu til lífsins en það sem gerist, ef ekki er farið rétt að, er að strákarnir stækka, skilja ekki NEIið þegar það er sagt við þá og þá vaða þeir yfir allt og alla. Nauðga til dæmis því þeim finnst að ÞEIR eigi að fá það sem þeir vilja. Þeir hafa t.d. lært það hjá mömmu sinni.
Svo skilur fólk ekkert í því að litli sæti unginn þeirra hefur breyst í nauðgara sem er hættulegur öðum.
Ný brjóst og varir
31. janúar 2010 kl. 12.24 eftir skandala
Öll viljum við lifa lífinu, ekki satt? Við erum samt ekki öll sammála um hvað það snýst og hvað við leggjum áherslu á til að njóta lífsins?
Ég fór að skoða fréttirnar á visir.is sem flokkaðar eru sem “Lífið”, og þar virðist vera aðalmálið hvaða kona í Ameríku fékk sér síðast ný brjóst eða nýjar varir og nú eru líka fréttir af nýjum tönnum fræga fólksins þar vestra.
Hugsið ykkur hvað við erum nú fróðari um lífsgildi Ameríkumanna. Fyrir nú utan hvað margir þeirra sem stunda svokallaðar lítaaðgerðir eru óeðlilegir og fáránlegir. Ónáttúran virðist í algleymingi þarna fyrir vestan.
Jú jú, hún er hér líka, við höfum heyrt af unglingsstelpum sem fá brjóstastækkun í afmælisgjöf frá mömmu sinni fyrir tvítugt. Voðalega Amerískt eitthvað og sjúkt.
Ég er ekki á móti lýtaaðgerðum sem slíkum, þær geta bætt líðan fólks til muna. Þegar einhver líkamslýti verða til þess að fólk getur varla sýnt sig á almannafæri og háir því andlega, þá er gott ef hægt er að aðstoða það fólk. Ég hef heyrt að sumir lýtalæknar hér á landi setji aldursmörk og taki ekki ungar stúlkur í einhverjar kynbombuaðgerðir ef þær eiga eftir að taka út þroskann.
Áhersla “Lífsdálks” Vísis á öfgar og fáránleika fræga fólksins í Ameríku finnst mér út í hött og mætti alveg sleppa. Að mínu mati á ekki að ota þessari vitleysu að áhrifagjörnum einfeldningum eins og við íslendingar erum, eins og margsannað er.
Hlaupum á eftir öllu útlendu eins og það sé hinn eini og sanni sannleikur og svo viljum við líka vera BEST og miðum ósjaldan við höfðatöluna. Haldiði að það væri ekki okkur til framdráttar ef önnur hver stúlka færi í brjóstastækkun fyrir 21 árs aldur. Við yrðum fræg að enn meiri endemum og það er stefnt að því.
Darling og Brown fengu það óþvegið
30. janúar 2010 kl. 0.45 eftir skandala
Forsetinn: Ísland lagt í einelti Umboðsmaður Íslands í útlöndum lét þá Darling og Brown heyra það óþvegið og var ekki að skafa af því. Það var kominn tími til að einhver opnaði munninn svo eftir væri tekið og segði sannleikann.
Vonandi verður hamrað á orðum Ólafs Ragnars í erlendum fréttum svo okkar málstaður verði öðrum þjóðum ljósari. Til að lesa nánar um málið en kemur fram í fréttinni á visir.is þá bendi ég áhugasömum á að lesa ÞETTA hér en þar er nákvæmari þýðing á því sem fram fór í viðtalsþættinum sem ÓRG kom fram í.
Löggan var á MSNinu
29. janúar 2010 kl. 18.14 eftir skandala
Kynferðisbrotamaður handtekinn af tálbeitu Nú er búið að dæma draumóramann fyrir löngun í kynlíf með krakka. Að vísu gerði hann “ekki neitt” svo vitað sé nema láta sig dreyma og fékk skilorðsbundinn dóm. Ég er nú nokkuð hress yfir því að í þessu máli mátti löggan nota tálbeitu svo sá dreymdandinn næðist.
Þeir eru allstaðar og það þarf að vara sig og passa krakkana, ekki gleyma því.
Draumur mannsins hefði getað ræst ef einn pabbi hefði ekki verið vakandi.
OF seinn að fela sig
28. janúar 2010 kl. 18.31 eftir skandala
Miskabætur vegna barnaníðs lækkaðar Tryggvi Óli Þorfinnsson, dæmdi barnaníðingurinn í Hveragerði var of seinn að taka myndirnar af sér af netinu. Þó hann sé búinn að því núna þá náði ég nokkrum af honum áður en hann lét af því verða svo hann er kominn í myndasafnið mitt ásamt þó nokkrum fjölda af sama sauðahúsi. Þökk sé Gúggli og kópí peyst aðferðinni.
Ráð til að verða vinsæll
27. janúar 2010 kl. 18.06 eftir skandala
Fólk gerir oft margar tilraunir til að ná vinsældum í sínum kunningja hópum. Sumum tekst vel upp en öðrum ekki. Tilraunirnar hafa oft gengið í mörg ár og hér er lítil saga af einum litlum gutta sem var að byrja þetta “Vill vera vinsæll” ferli:
Einu sinni kom Jói rennandi blautur heim. Þegar hann kom inn spurði mamma hans:
Af hverju ertu svona blautur Jói minn?
Jói svaraði: Við vorum í hundaleik!
Mamma Jóa: og … hvað?
Jói: ….ég var ljósastaurinn.
Langar í viðhald
26. janúar 2010 kl. 14.22 eftir skandala
“Mér finnst afar gaman að öllu því sem kynlífið hefur uppá að bjóða en konan mín gæti allt eins lifað án þess. Sambandið er þó ekki alveg kynlífslaust en gerist afar sjaldan og þegar það gerist er það bara gamla góða trúboðsstellingin, undir sæng og í myrkri, ekkert annað í boði. Ég tel mér trú um að ég sé góður og nærfærinn elskhugi og held að það séu engar ranghugmyndir. En áhugaleysi konu minnar og ýmsar djúpstæðar hömlur hennar varðandi kynlífið og eigin líkama gera það að verkum að við spólum í sömu hjólförum, ár eftir ár.”
Þetta, og mikið meira las ég hjá Pressupennanum Sigrúnu Einars sem ég hef áður vitnað í, mér finnst eins og það sé meir en helmingur giftra karla með þessa skoðun. Getur það verið?
Martröð dvergsins
26. janúar 2010 kl. 0.27 eftir skandala
Dvergur og svertingi hittust í lyftu og svertinginn kynnti sig: Ég er 2.10 á hæð,120 kg, með 60 cm kvikindi undir mér og heiti Turner Brown.
Steinleið þá yfir dverginn.
Er ekki í lagi með þig spurði Turner þegar dvergurinn komst til meðvitundar. Hvað sagðirðu ? stundi dvergurinn.
“Ég er 2.10 á hæð,120 kg, með 60 cm kviki…………ndi undir mér og heiti Turner Brown.”
Guð sé lof. Mér heyrðist þú segja: Turn around!
Framhjáhald á vinnustað
25. janúar 2010 kl. 7.46 eftir skandala
Rakst á ágætis hugleiðingu um framhjáhald á vinnustöðum, þar sem rætt er um hvort þeir sem verða vitni að því eigi að þegja eða segja frá því. Ræða við viðkomandi eða vera meðvirkir og láta sem þeim komi þetta ekki við. Til að lesa greinina þá farið Hér inn.
Gjafmildi borgar sig …….. stundum
24. janúar 2010 kl. 12.14 eftir skandala
Dag nokkurn kom prestur til rakara, en þegar kemur að því að borga fyrir klippinguna segir rakarinn: ”Þú ert guðsmaður og þarft ekkert að borga”. Daginn eftir þegar rakarinn mætir í vinnuna sér hann 12 biblíur bíða eftir sér og fyrirgefning allra gamalla synda.
Rakarinn gerði sér grein fyrir að þetta gæti orðið arðsamt. Þegar lögregluþjónn kom svo til hans stuttu seinna, segir hann að hann sé nú laganna vörður og þurfi ekkert að borga. Næsta dag finnur hann umslag með gömlum umferðasektum á hans nafni sem búið var að ógilda.
Nú sannfærðist rakarinn um að þetta gæti orðið verulega arðsamt. Nokkrum dögum seinna kom til hans ráðherra og rakarinn ákveður því að gefa honum líka klippinguna.
… … … …Daginn eftir bíða 12 stjórnmálamenn fyrir utan hurðina hjá honum og bíða eftir ókeypis klippingu (!)
Áhugafólk um íþróttir …
23. janúar 2010 kl. 17.08 eftir skandala
Maður fór á fótboltaleik á laugardegi. Á meðan hann var þar fékk konan hans heimsókn frá “vini” sínum. Konan átti með honum góðar stundir í stofusófanum þegar hún skyndilega heyrði í manninum sínum koma inn.
Á augnabliki skaust “vinurinn” bakvið sjónvarpið í horninu. Eiginmaðurinn kom inn og sagði -Það byrjaði að rigna svo ég ákvað að koma heim og horfa á seinni hálfleikinn í sjónvarpinu. Hann settist niður og kveikti á tækinu og byrjaði að fylgjast með leiknum.
Eftir um það bil 20 mínútur byrjaði “vinurinn” að fá krampa í fótinn svo hann gafst upp á feluleiknum og stóð rólega upp og gekk út úr stofunni.
Eiginmaðurinn snéri sér að konu sinni og sagði : “ég tók ekki eftir þegar dómarinn rak hann út af”
Svona verða börnin til…
23. janúar 2010 kl. 13.09 eftir skandala
Dag einn, stuttu eftir fæðingu níunda barnsins síns, kemur kona nokkur til sóknarprestsins að panta skírn.
Hann óskar henni til hamingju með nýja barnið en segir svo: “Jæja, er þetta ekki orðið ágætt? Þú ætlar ekkert að eignast fleiri börn í bili er það?”
“Ætli það,” segir hún og af því að hún er að tala við prest, þá talar hún aðeins undir rós og segir: “Ég veit ekki af hverju ég verð ólétt svona oft. Það hlýtur að vera eitthvað í loftinu bara.
“Já,” segir presturinn, “fótleggirnir á þér!”
Úr öskunni í eldinn…
23. janúar 2010 kl. 1.19 eftir skandala
Í veislu einni snýr kona sér að sessunauti sínum og spyr:
“Hver er hann þessi einstaklega ófríði maður þarna við hinn endann á borðinu?”
“Þetta er bróðir minn.”
Úff, konan blóðroðnar og leitar í örvæntingu að einhverju til að segja og segir svo:
“Ó, fyrirgefið, ég hefði átt að sjá svipinn.”
Almennilegt fólk
22. janúar 2010 kl. 20.41 eftir skandala
Einu sinni fóru Íslensk hjón í helgarferð til London. Þau fengu fallegt herbergi á þokkalegu hóteli en þegar þau komu inn á baðherbergið sáu þau að það var enginn krókur til þess að hengja handklæði á. Þau ákváðu því að skrúfa nokkra króka í vegginn, en vildu nú fyrst biðja um leyfi til þess hjá húsverðinum. Á meðan karlinn stökk út í næstu verslun til að kaupa króka hringdi eiginkonan í húsvörðinn. Hún var ekki góð í ensku og hljóðaði símtal konunar því svona. *Konan:* Jess, hello, ken æ tokk tú ðe hotel djanitor..plís ? *Bryti:* Yes, hold on one moment. *Konan:* Þeinkjú. Eftir smá bið *Húsvörður:* Yes hello? *Konan:* Jess, is ðiss ðe djanitor? *Húsvörður:* Yes, I am the janitor, how can i help you? *Konan:* Jess……Æ was wondering iff its okei for mæ hösband tú skrú som húkkers in ár baþrúm?????
Niðurstaðan ekki ljós vegna kreppunnar
21. janúar 2010 kl. 20.56 eftir skandala
Síminn hringdi hjá fjölskyldunni Olsen.
- Góðan daginn þetta er Marie Olsen.
- Hæ, ég hringi frá blóðbankanum. Maðurinn þinn hann Petter Olsen var hjá okkur í blóðprufu í gær…..
- Já og hvernig gekk það?
- Það varð því miður smá vinnuslys hérna í gær. Við fengum inn annan Petter Olsen í gær og því eru 2 blóðprufur á Petter Olsen. Því miður eru báðar kennitölurnar ólæsilegar………sennilega eitthvað prentaravandamál.
- Nú ok, þarf hann þá að koma inn í nýja blóðprufu?
- Því miður er það ekki svo einfalt. Vegna fjárskorts hjá heilbrigðisþjónustinni getum við bara tekið blóðprufur 1 sinni á 3 mánaða fresti pr. einstakling.
- Nú jæja já….
- En við höfum við slæmar fréttir að færa. Maðurinn þinn er annaðhvort með HIV eða Alzheimers.
- En það er alveg hræðilegt. Hvað á ég að gera eiginlega?
- Við mælum með því að þú keyrir manninn þinn niður í miðbæ og skiljir hann eftir þar. Finni hann leiðina heim þá skaltu ekki stunda kynlíf með honum.
Hér skrifar Marta Gunnarsdóttir.