Flott mynd í frétt á Eyjunni í dag.

Hvert sendir maður reikninga fyrir svona?

http://blogg.visir.is/tom/2007/09/17/skotastukan-i-fyrsta-sinn/

Var að taka heiladauða rúntinn á Vísi í gegnum fólk í fréttum og einkamál. Inga Lind orðin ófrísk er stórfrétt dagsins.

Það er alltaf hressandi að fara yfir einkamál og sjá hvort þar séu einhverjar dónalegar og hressandi auglýsingar frá 15 ára stelpum í leit að einhverju vel óeðlilegu. Nýjasta auglýsingin þar sem samt allt annað en dónaleg. Hún er bara dúlluleg.

Mikilvægt að kunna að dansa. Krúttleg auglýsing.

Spurt er, hvar er þessi mynd tekin?

Hver verður næsti landsliðsþjálfari? Nöfnin sem mest hafa verið á milli tannana á fólki eru Guðjón Þórðarson, Willum Þór Þórsson og Ólafur Jóhannesson.

Stöð 2 sagðist í gær hafa hert einhverjar sögur af því að gamla FH teymið, Óli Jóh og Leifur mundu taka við en það var skotið niður sama kvöld af vefmiðlum.

Nú hittist nefndin í gær fyrst og nýr þjálfari kynntur í dag. Fyrst þetta gekk svona fljótt fyrir sig má þá ekki ætla að nýji þjálfarinn hafi verið laus allra mála. Mjög líklegur er samt Willum Þór og það má vel vera að KSÍ hafi komist að skjótu samkomulagi við Val en ég verð að leyfa mér að efa það.

Ég ætla að skjóta á að Óli Jóh taki við eftir hádegi í dag.

(09:19) Mbl.is með traustar Ghilmars heimildir fyrir þessu samkvæmt frétt á vef þeirra. Stuðullinn var nú ekki hár á Óla.

Dýnamík

http://www.fotbolti.net/fullStory.php?action=viewStory&id=54027 (html í ruglinu á Vísi)

Ég hreinlega hef ekki húmynd um hvernig við ætlum að troða efni morgundagsins í tvo tíma. Við þyrftum nú helst að vera frá 11-16 en félagar okkar í Morðingjaútvarpinu mæta alltaf, bíddu, stroka út, næstum alltaf kl 13 og ekki viltu trufla menn sem stjórna þætti með þessu nafni.

Auðun Helga verður gestur þáttarins sem er töff því Auðun er öflugur og liggur ekkert á skoðunum sínum. Undanfarna viku hefur hann í fjölmiðlum m.a. sagst ekki vera sáttur við FH og hvernig þeir stóðu að málum hans og einnig sagðist hann, í formi, vera besti miðvörður landsins.

Þorsteinn hressi sem hringdi inn í síðustu viku og tippaði með okkur og Jónasi Grana tók sig til og vann okkur. Reyndar vorum ég og hann jafnir með níu rétta en við erum þáttur hlustandans þannig við hringjum í karlinn og gefum honum eitthvað skemmtilegt. Hann fær svo að tippa aftur sem og nýr hlustandi fær tækifæri til að sigra okkur og Auðun Helga.

Mesta dýnamíkin er náttúrulega að við munum gefa Football Manager 2008. Ég er hundrað prósent viss um að það verði slegist um eintökin en við fengum reyndar alveg slatta. Það var merkilegt hvað BT tóku vel í þetta með okkur. Gussi hringdi tvö símtöl um kl 16:30 og klukkustund síðar vorum við komnir með slatta af eintökum. BT og Sena ekkert að slora við þetta.

Menn verða að svara alvöru spurningum á morgun ætli þeir sér að landa eintaki af þessum legendary leik. Það verður ekki boðið upp á einhverjar vísbendingar eða rugl, mæli með að menn fari að skoða fræðin í kvöld.

Reykjavík FM 101.5, á morgun, laugardag milli 11-13. Hlustaðu eða vertu ferhyrningur.

Með hverjum degi styttist í lokaleik Íslands í undankeppni Evrópumótsins gegn Dönum á Parken. Sá leikur verður örugglega kveðjuleikur Eyjólfs Sverrissonar, þó fyrr hefði verið, en spurningin er. Fylgir Tólfan Eyjólfi?

Það er ekkert launungarmál að forsprakki hinnar frábæru Tólfu er Styrmir Gíslason, mágur landsliðsþjálfarans. Tólfan hefur gert vægast sagt mjög góða hluti og það er allt annað að mæta á landsleiki núna. Þarna eru fleiri hundruð menn í góðum fíling, tilbúnir að öskra sig hása fyrir landsliðið, sama hvernig gengur.

Það hefur hingað til verið hægt að heyra hvað leikmenn hvísla á vellinum svo dauð hefur stemningin verið fram að stofnun Tólfunnar en núna þarf fólk eyrnatappa sem er frábær þróun. Ég var persónulega hræddur um að Norður-Írarnir mundu taka Tólfuna í kennslustund í leiknum í október en þeir áttu bara ekki séns í hina frábæru stuðningsmenn Íslands.

Leikmenn tóku strax vel í þetta og í fyrsta leiknum sem þeir mættu á var Gunnar Heiðar fljótur að hlaupa til þeirra og fagna eftir mark sitt gegn Kanada. Gegnum gott gengi og slæmt hafa þeir alltaf sungið allan leikinn og meira að segja eftir leik.

Til vitnis um Þróunina verð ég að segja frá skemmtilegu atviki frá leiknum gegn Lettum.

Meistari Þorlákur Árnason var þá að lýsa með RÚV og eftir svona 15 mínútna leik tók hann af sér heyrnatólin, leit á mig og nafna minn Meyer sem sátum með þeim og spurði svo skemmtilega. ,,Hvaða hávaði er þetta?,” sem lýsir stemningunni á árum áður ágætlega. ,,Er þetta Tólfan? Vá!” bætti hann við, mjög sáttur með strákana.

Það er almenn mjög mikil ánægja með Tólfuna og ég vona svo sannarlega að þetta sé hópur sem er kominn til að vera þó svo mágur forsprakkans verði að öllum líkindum ekki við störf áfram hjá landsliðinu.

Svo virðist sem umræðan um valið bestu knattspyrnukonu landsins sé smátt og smátt að snúast við og æ fleiri fara að standa við bakið á Hólmfríði. Auðvitað eru langflestir á því að það sé ekki allt með felldu í þessu máli en stuðningsmenn Hólmfríðar verða fleiri með hverjum deginum.

Það er kannski skiljanlegt því með hverjum deginum sem líður koma engin sönnunargögn þó svo Valsfólkið viti um haug af samtölum og samráðum sem þeir segja ekki frá. Kannski er lang best fyrir þau að halda öllum skítnum sem þau vita um hin liðin innan sinna herbúða til að gera málið ekki enn ljótara en það er. Aftur á móti einangrar það þau svolítið í baráttunni ef baráttu má kalla.

Þau hafa eflaust lofað hinum og þessum að segja ekki frá neinu því fólk sem hefur skít um sín lið vill helst ekkert að það berist út. Ég veit til dæmis um ansi stórt mál hjá einu liði sem tók sig rækilega saman um að kjósa ekki Margréti. Sá sem sagði frá þar vildi alls ekki að þetta bærist út því hann hreinlega skammaðist sín fyrir liðið sitt en hefur ef mér skildist rétt beðið Margréti og Val afsökunar.

Á meðan svona sögur eins og ég var að segja er það eina sem kemur fram verður ekkert leyst. Eflaust kalla allir þetta bara kjaftasögu og rugl sem er mjög eðlilegt því það er ekki eins og ég hafi komið fram þarna einhverjum haldbærum sönnunargögnum. Ég veit bara hvað ég veit og Valur veit það sem þau vita. Þannig verður það greinilega bara áfram og þannig mun málið deyja á endanum.

Nú vantar bara eitt gott eldgos til að koma athygli þjóðarinnar annað.

Það er ótrúlegt hvað gerðist á lokahófi KSÍ í gær. Eða öllu heldur hvað gerðist fyrir hófið. Konurnar, eins og karlarnir, kusu besta leikmann deildarinnar sem augljóslega er Margrét Lára Viðarsdóttir. Fyrir utan að vera bara best í fótbolta, skoraði hún 38 mörk í 16 leikjum í deildinni og átta í jafnmörgum leikjum með landsliðinu. Þá varð hún Íslandsmeistari með félaginu.

Margrét Lára var ekki valin heldur Hólmfríður Magnúsdóttir. Það verður að skilja það alveg eftir í umræðunni hvort Hólmfríður átti titilinn skilið því hún er í raun bara fórnarlamb í þessu máli. Hólmfríður er frábær knattspyrnukona og góður kandídad til þessa titils en málið er að hún er einfaldlega bara ekki best.

Það sem gerðist fyrir hófið var að stelpur í deildinni létu ganga á milli, sms þar sem stóð að allir ættu að standa saman og kjósa ekki Margréti Láru. Það sem ekki fylgdi var hvern átti að kjósa og því voru hugmyndir að þetta hafi mistekist því stelpurnar voru að kjósa til skiptis Alicu Wilson, Olgu Færseth og Hólmfríði.

Þetta aftur á móti tókst á endanum og þær náðu að sniðganga Margréti. Hvernig í andskotanum ætla konur að láta taka sig alvarlega þegar svona gerist. Hvernig datt þeim í hug að gera þetta? Þetta er hreint ótrúlegt að ekki talandi um barnalegt. Til hvers eru þær í þessu spyr maður bara?

Kvennaknattspyrnan er alltaf að biðja um meiri athygli og réttilega, umfjöllun um deildina er ábótavant en hver á að taka þær alvarlega þegar þær taka þessu ekki alvarlega sjálfar. Gærdagurinn var svartur blettur á kvennaknattspyrnuna sem var búin að fá svo jákvæða umfjöllun eftir frábæra framgöngu landsliðsins. Eins og mannlífið er á Íslandi í dag gæti það allt bara gleymst út af þessum barnalátum.

Það er lítið sem KSÍ geta gert. Ég er ekki á því að það eigi að sauma saman titil handa Margréti þó hún eigi það meira en skilið. Hólmfríður heldur bara titilinum en dagurinn í gær var skref aftur á bak fyrir kvennaknattspyrnu í landinu.

Meyerinn kom með fínan sleikjupistil á grasinu sem ber nafnið “Á að gera lítið úr þeim sem vinna?”. Það er enginn að gera lítið úr Hólmfríði, hún bara vann titilinn vegna barnaláta annara kvenna í deildinni. Það er erfitt að tala um þetta án þess að það virki eins og Hólmfríður átti ekki titilinn skilið en fólk verður að geyma það aðeins og horfa á stóru myndina.

Hann segist ekki hafa trú á því að konurnar muni gera þetta þó það sé alveg staðfest að þetta gerðist. Segir þetta fullorðna einstaklinga í valinu sem viti hvað þeir eru að gera. Það er bara ekki þannig. Sumar stelpurnar og greinilega all flestar voru ekki þroskaðari en þetta og fóru langt með að eyðileggja knattspyrnusumarið hjá sjálfum sér.

Skemmtilegt niðurlag pistilsins þar sem hann segir viðurkenninguna athyglisverða því Hólmfríður var frá í þrjá mánuði á undirbúningstímabilinu. Einmitt Meyer, það er það athyglisverða við valið.

Hólmfríður Magnúsdóttir er frábær knattspyrnukona en í gær tók hún við verðlaunum sem voru eyrnamerkt annari konu.

Ég, Gussi og Elvar bjóðum upp á rándýrt prógram að vanda í útvarpsþættinum Fótbolti.net á morgun.

Landsliðið verður í umræðunni og ætlum við að fá sérfræðing með pung til að segja sína skoðun á þessu ömurlega gengi. Stóra spurningin núna virðist vera hver tekur við landsliðinu og við ætlum að heyra hvað hlustendum finnst. Fá fólkið sem þarf að horfa upp á þennan viðbjóð til að tjá sig og segja hvern það vill sem næsta landsliðsþjálfara.

Í síðasta þætti var Bjarni Guðjónsson gestur þáttarins en hann var í frábæru 40 mínútna spjalli um allar hliðar fótboltans en gestur þáttarins á morgun er ekki af ódýrari gerðinni. Þrettán marka maðurinn, Jónas Grani Garðarsson, mætir skelþunnur, líklega beint úr einhverju eftirparty eftir lokahófið í kvöld og fer yfir málin með okkur.

Svo er enski að byrja aftur þannig það þarf að fara rækilega ofan í saumana á honum og við upplýsum hlustendur um gang mála í Liverpool slagnum.

Ef tími gefst verður boðið upp á skemmtilegar spurningar þar sem hlustendur geta unnið til skemmtilegra verðalauna.

ReykjavíkFM 101.5, á morgun, laugardag milli 11-13.

Síminn er 563-9000.

Íslensk knattspyrna var borin til grafar í gær. Hún var jarðsungin frá Vaduz, í Liechtenstein. Kistuberar voru íslenska landsliðið og um jarðaförina sá Eyjólfur Sverrisson.

Ég bjóst í alvöru við því að Eyjólfur mundi segja í viðtali eftir leik bara ,,OK, OK, ég ræð ekki við þetta. Takk fyrir mig.” Hvernig mér datt það í hug er ótrúlegt því auðvitað var landsliðsþjálfarinn bara hress eftir leik að vanda og sagðist EKKI ætla að hætta með liðið. Enn fremur sagðist hann NÚNA vita hvað þyrfti að laga þannig þetta væri allt í góðu.

Þá má ekki gleyma Geir Þorsteinssyni sem finnst ekkert betra en að sitja úti þegar hann horfir á fótboltaleik. Hann ítrekaði við Vísi í gær að Eyjólfur mundi klára keppnina. Maðurinn er bara í persónulegu stríði við fjölmiðla sem er orðið barnalegt og minnir sem helst á frekan krakka sem notar rökin “jú víst” eins og hann eigi lífið að leysa.

Klári Eyjólfur keppnina og svo verði ráðinn nýr landsliðsþjálfari mundi það þýða að Eyjólfur fengi æfingarmótið í janúar sem auðvitað nýr þjálfari á að fá til að móta sitt lið. Nú hefur Eyjólfur fengið mjög fáa æfingaleiki, ekki að hann kvarti yfir því enda hlýðinn strákur. Þetta mót í janúar er mjög mikilvægt fyrir nýjan þjálfara og með því ásamt Danaleiknum, kannski plús einn æfingaleikur til viðbótar er nýr þjálfari kominn með a.m.k. 4-5 leiki áður en næsta undankeppni hefst.

Íslenska þjóðin er bara ósjálfbjarga hvað varðar þetta landslið því það virðist engu máli skipta hvað hún og eða fjölmiðlar segja, KSÍ er einfaldlega ósnertanlegt. Þeir gera það sem þeir vilja, þegar þeim hentar og spurja engan álits. Alþingi á ekki neitt í KSÍ. Á alþingi þarf að ræða málin og leggja fram frumvörp og allir þurfa að samþykkja. Það er nú bara fyrir aumingja, niður í Laugardal er bara gert það sem Geir dettur í hug.

Næsti landsliðsþjálfari?

Tveir menn hafa komið upp á pallborðið hvað mest, Willum Þór Þórsson og Ólafur Jóhannesson. Mjög eðlilegir kostir enda sigursælir þjálfarar með skap og sigurvilja. Ef það verður ekki Gaui Þórðar eða erlendur þjálfari vil ég sjá Willum taka við starfinu að þessu sinni.

En ég stórlega efast um að hvorugur þeirra fái starfið. Luka Kostic er næstur í röðinni held ég en hann er búinn að vinna mikið starf fyrir KSÍ með öll yngri landslið og afreksþjálfun. Að einhver sé næstur í röðinni er hryllilegt hugtak þegar kemur að svona stórri ákvörðun eins og KSÍ ætti að þurfa að taka. Það er hinsvegar bara þannig að klíkan hefur yfir röksemdir hjá sambandinu.

Munið bara að þið sáuð það hér. Luka Kostic verður næsti landsliðsþjálfari og Magnús Gylfason verður honum til aðstoðar.

Ég hef ekkert á móti þessum mönnum, langt því frá, en ég vona til guðs að KSÍ troði þessu ofan í mig og ráði einhvern annan.

HSÍ og eða N1, hverjir svo sem skila inn auglýsingum fyrir leiki í N1 deildinni eru ekkert að hjálpa sjálfum sér með eftirfarandi vinnubrögðum.

Það er nú nógu erfitt að fylgjast með hvenær þessir leikir eru spilaðir að þeir þurfi nú líka að fara að rugla fólk í ríminu.

Þessi auglýsing frá HSÍ/N1 er á íþróttasíðu Fréttablaðsins í dag.

Ef mönnum er sama ætla ég á Ásvelli í dag, þ.e. sunnudaginn 14. október, að sjá þennan stórleik.

Vegna andláts Reykjavíkurborgar í gær.

Landliðið keppir við Letta á laugardaginn og eðlilega eru hafnar umræður um hvernig Eyjólfir eigi að stilla upp liði sínu. Allt ætti nú að ganga sinn vanagang en það er tvennt sem menn deila um.

Hermann Hreiðarsson er í banni og því þarf að leysa vinstri bakvarðarstöðuna með einhverjum ráðum og þá er víst skylda að Eiður Smári spili þannig einhver af þessari 3ja manna miðju, Brynjar Björn, Kári Árna eða Jói Kalli dettur út.

Jói var gagnrýndur fyrir sinn leik sem framsækinn miðjumaður með Brynjar og Kára fyrir aftan sig og ef við gefum okkur það að Eiður spili verður það líklega Kári Árna sem dettur út. Jói er samt frábær sem varnarsinnaður miðjumaður og mun því örugglega spila þar á laugardaginn. Kári hefur alltaf staðið sig með sóma með landsliðinu en frammistaða hans gegn Norður-Írum orsakaði miklum deilum hjá mörgum um getu hans. Það má því búast við að Jói Kalli verður færður niður með Brynjari Birni og Eiður taki stöðu hans undir Gunnari Heiðari.

Indriði Sigurðsson sem var á tímapunkti fyrsti kostur Eyjólfs sem vinstri bakvörður var valinn aftur en hann hefur verið að spila allt tímabilið með Lyn sem miðvörður. Staðan verður því að öllum líkindum leyst með Hjálmari Jónssyni sem hefur hingað til sýnt nákvæmlega ekki neitt þegar hann hefur spilað með landsliðinu.

Spurningin er hvort þessi leikur gegn Lettum sé ekki akkurat tækifærið fyrir Hjálmar að reyna að koma þessu orðspori af sér. Hann hefur svona hingað til fylgt með í fréttum af Ragnari Sigurðssyni hjá Gautaborg en ekki mikið meira en það. Valkostirnir eru ekki margir í stöðuna þannig hvort Indriði eða Hjálmar verða fyrir valinu er eiginlega eina spurningin. Hjálmar fær tækifærið á laugardaginn er ég viss um.

Þessu liði munu Eyjólfur og Bjarni stilla upp á laugardaginn.

                         Árni Gautur

Kristján Örn - Ívar - Raggi Sig - Hjálmar

                 Jói Kalli - Brynjar Björn

Grétar Rafn            Eiður                   Emil

                        Gunnar Heiðar

Það verður erfitt fyrir Eyjólf að halda Veigari áfram út úr liðinu en hann hefur verið sjóðheitur upp á síðkastið í Noregi og er náttúrulega bara frábær framherji. Eyjólfur talaði mikið um að halda 4-5-1 skipulaginu eftir leikina gegn Kanada og Spáni en breytti svo í 4-4-2 gegn Norður-Írum. Breyting sem heppnaðist vel og fín ákvörðun hjá þjálfaranum en meira að segja í þeirri uppstillingu er ekki pláss fyrir Veigar. Þá yrðu Brynjar og Jói á miðjunni með Eið og Gunnar Heiðar frammi.

Hversu lengi Veigar sættir sig við þetta er spurning en það er að sjálfsögðu alveg frábært fyrir land eins og okkur að eiga svona mann á bekknum. Metnaður hans er samt mikill sem sást þegar hann rauk heim eftir að hafa verið skipt út af í leik með Stabæk, hvort sem það sé kallað fýla eða metnaður verður að liggja á milli hluta en það er augljóst að maðurinn vill spila.

Glöggir menn tóku eftir því að þegar hann fékk ekki tækifærið gegn Norður-Írum voru fyrstu svipbrigði hans ekki kátína og réttilega enda leikmaður sem þrífst á því að spila fótbolta. Ég bara svo sannarlega vona að hann fari ekki að hætta að gefa kost á sér vegna þessa því það er mikilvægt fyrir liðið að eiga svona kost innan handar.

Það er ótrúlegt að tala um einn besta framherjann í Noregi sem einhvern varamann íslenska liðsins en að hafa þessa breidd fram á við er frábært og ég vona svo sannarlega að Veigar sjái það líka. Ég hef líka engar áhyggjur af því að hann gerir það ekki. Veigar er toppmaður og grípur sitt tækifæri þegar það gefst.

Svo gæti verið að Eyjófur komi öllum að óvörum á laugardaginn en þangað til verður þetta að standa.

Á hinum ágæta afþreygingarvef, 69.is sem stofnaður og rekinn er af hugvitsmönnum úr Réttarholtsskóla kann að finna lista yfir tíu vinsælustu hlekkina á síðunni hverju sinni. Á þessum lista má oft sjá ýmislegt klámfengt og eða fólk að detta enda er það tvennt jú það sem landanum finnst skemmtilegast.

Ég ráfaði inn á vefinn í gær og varð litið á þennan topplista. Þar sá ég hversu mikil sveitamenningin er. Í efsta sæti að vanda er eitthvað klámfengið, hlekkur sem heitir “íslenskar túttur” en fátt er vinsælla á íslenskum síðum.

Hvað er í 2. sæti? Jú hlekkur sem heitir “Auddi Blö á djamminu” sem er mynd af Auðunni Blöndal, umsjónarmanni þáttarins Tekinn að tala í símann.

Forgangsröðun Íslendinga sem sækja þennan vef er því víst orðin:

1) Klám

2) Maður frá Sauðárkróki í símanum

3) Fólk að detta

Sjö hlekkir sem tengjast beru holdi, einn um dauða konu sem keyrði á, einn um ljósabekki og jú Auddi BLÖÖÖ

Rannsóknarblaðamaðurinn ég komst að því í gær afhverju íslenskur landbúnaður hefur átt undir högg að sækja svo lengi. Ég einmitt fór út á land í gær, gegn mínum vilja, var í óvissuferð með vinnunni. Ferðin endaði á bóndabýli upp í Skorradal þar sem farið var í leiki, etið og drukkið.

Undir lok kvöldins brá ég mér á klósettið sem var í lítilli hlöðu á svæðinu og opnaði þar dyr inn í aðra hlöðu. Ekki voru þar beljur, hestar, kýr eða hæsn. Ónei. Eina sem var boðið upp á var fótbolta spil á miðju hlöðugólfinu og grænar mottur hengu út um allt.

Landbúnaðarráðherra á mikið verk fyrir höndum.

KSÍ er að leita að starfsmanni í full starf. Þetta er auglýsing þeirra.

———–

KSÍ óskar eftir að ráða starfsmann á skrifstofu sambandsins.  Meginverkefni er starfsemi í fræðslumálum og námskeiðahaldi með fræðslustjóra KSÍ. 

Nauðsynlegt er að umsækjandi hafi gott vald á íslensku, ensku og hvers kyns tölvuvinnslu.  Þá er æskilegt að umsækjandi hafi góða þekkingu á knattspyrnu og helst bakgrunn sem leikmaður eða þjálfari. 

Kennaramenntun, íþróttatengd menntun og reynsla af kennslu eru kostir sem myndu nýtast vel í starfinu.

Viðkomandi þarf að geta hafið störf sem fyrst.

Upplýsingar veitir Sigurður Ragnar Eyjólfsson fræðslustjóri KSÍ í síma 510-2900 eða á siggiatksi.is. 

Umsóknum skal skilað með tölvupósti til siggiatksi.is eigi síðar en 12. október.

———–

Það sem gleymist að taka fram er að með þessu starfi fylgir nánast öruggt sæti sem landsliðsþjálfari innan fárra ára.

Ég tók eftir ansi athyglisverðum ljósmyndara á leik Stjörnunar og Fram í Mýrinni í gær. Fyrst ætlaði ég bara að taka mynd af honum og segja frá en þegar ég sá hversu illa sést hver maðurinn er ákvað ég að breyta þessu í getraun.

Ég er að tala um ljósmyndarann sem er við fjærstöngina á markinu sem sést á myndinni. Þetta gæti verið erfitt, kannski mjög auðvelt. Fjölmiðlungar ættu samt að kannast við hvernig maðurinn stendur.

Hver er maðurinn?

Vísbending: Aðalstarf hans er ekki ljósmyndun.

Reglur handknattleikshreyfingarinnar segja til um að stuðningsmenn liðanna meiga einungis hafa eina trommu per lið. Þetta var líklega eina reglan sem MJÖG fáliðaðir gæslumenn Stjörnunnar framfylgdu í Mýrinni í gær. Á leik Stjörnunnar og Fram í gær mættu tveir ungir Framarar með sitthvora trommuna en líklega eftir kvart og kvein heldra fólks sem sat nálægt þeim voru þeir beðnir um að slökkva í annari af tveimur ungum gæslumönnum.

Þessir tveir gæslustrákar voru mjög kurteisir og eiga hrós skilið fyrir gærkvöldið en eins og áður segir höfðu þeir í ýmsu að snúast. Ekki var til að bæta gráu ofan á svart allir krakkarnir sem hlupu um. Á löngum stundum leit Mýrin út sem leiksvæði og einhver handboltaleikur væri bara fyrir. Á endanum náðu þessir tveir piltar að skrúfa fyrir það líka. Helöflugir strákar.

Þessi atvik voru hinsvegar ekkert að trufla fólk við að horfa á hinn ágætasta handboltaleik í þessu glæsilega húsi. Framarar mættu með nokkur stykki af ansi skemmtilegu tóli til að búa til hávaða. Það voru trékplattar með áheftuð gúmmíhandföng sem hægt var að bera saman. Í takt við eina góða trommu myndar þetta fínasta hávaða en auðvitað er bara langbest að klappa, stappa og segja hey hey hey hey þegar hitt liðið er í sókn. Hugvitið í Safamýrinni samt til eftirbreytni.

Sniðugir plattar.

Stuðningsmenn liðanna í Landsbankadeildinni brydda oft upp á helv… skemmtilegum lögum á hverju ári. Ég sá leiki með öllum liðum í ár, fleiri en einn, fleiri en tvo og… já bara frekar mjög marga. Þessa valdi ég besta hjá hverju liði fyrir sig.

Það er svona betra að hafa heyrt söngvanna til að átta sig á hvað ég er að tala um.

Valsmenn hafa nú ekki verið með öfluga stuðningsmenn í gegnum tíðina en þessir fjórir sem halda stemningunni á lofti komu með eitt ágætis lag undir lokin.

Koma Valur…stolt Reykjavíkjur…og við viiiinnum, vinnum þennan leik.

Koma Valur…stolt Reykjavíkur, við skorum mörkin og vinnum þennan leik.

FH Mafían er mjög dugleg að semja lög og eiga held ég lög um hvern einasta leikmann liðsins. Verst hvað þeir voru sárlega lélegir í ár á of mörgum leikjum. Þeirra besta lag er texti úr nýja FH laginu með strákunum úr botnleðju.

FH, öll við höldum með

FH, hjörtun slá fyrir

FH, hrópum hátt fyrir

F - H - F - H -F - F - H - H

Skagamenn fylgdu góðu gengi með jöfnu og góðum stuðningi. Sveit þeirra, Skagamörkin sömdu lag um fyrrverandi Íslandsmeistara FH í ár.

Það eru litlar stelpur í fimleikum

Það eru litlar stelpur í fimleikum

Dýnur og trampólín

Flikk, flakk og heljarstökk

Það eru litlar stelpur í fimleikum.

Nýstofnuð stuðningsmannasveit Fylkis, Kiddi Tomm, er líklega sú daufasta og leiðinlegasta á landinu. Það heyrist nánast aldrei neitt í þeim nema þegar andstæðingarnir brenna af færi. Þá syngja þeir sitt skársta en jafnframt ekkert spes lag.

,,Aldrei hætta, aldrei hætta, ole ole ole ole ole.”

Grænda Pandan hjá Blikum tóku heldur betur kipp í sumar og hefðu klárlega átt að fá stuðningsmannaverðlaunin í umferðum 7-12. Því miður gátu þeir það ekki því KSÍ hafði drullað upp á bak fyrr í sumar og ekki gefið KR verðlaunin fyrir umferðir 1-6 sem þeir áttu svo sannarlega skilið. Því neyddust þeir að gefa KR í umferðum 7-12 og létu Blika sitja eftir. Lag þeirra um framherjann Prince Rajkomar er algjört gull.

,Það skorar enginn mörkin eins og Prince..Polo.

Hjá Keflvíkingum eru Joey Drummer og Pumasveitin allsráðandi. Pumasveitin byrjaði feykivel en fór dalandi með lélegu gengi Keflavíkurliðsins. Í toppformi er Pumasveitin samt ásamt Mafíunni og Miðjunni þrjár bestu sveitirnir á landinu. Þegar þeir láta alla í stúkunni lyfta upp og hrista höndum og taka svo ef þú fílar keflavík er alveg frábært.

Ef þú fílar Keflavík þá gef mér klapp *klapp klapp*

Ef þú fílar Keflavík þá gef mér klapp *klapp klapp*

og ef þú fílar Keflavík og ert’í Keflavíkurflík

og ef þú fílar Keflavík þá gef mér klapp *klapp klapp*

Framarar því miður eiga ekki stuðningsmenn og það besta sem þeir bjóða upp á er Framarar…Framarar.

Þá er komið að kóngum sumarsins, Miðjunni hjá KR. Þeir tóku undirbúningstímabilið með trompi og hituðu sig rækilega upp í körfunni þar sem þeir nánast unnu titilinn fyrir KR þar. Þegar þeir mættu svo til leiks í Landsbankadeildinn snérist þeim enginn snúning. Lagið sem þeir íslenskuðu frá frændum okkar í FCK var klárlega lag sumarsins.

Viiiiiiiiið erum KR….Reykjavíkurstoltið…..sanna stórveldið oooo ohhhhh oooo ohhhh VIIIIIÐ ERUM KR….REYKJAVÍKURSTOLTIÐ….SANNA STÓRVELDIÐ!!

Binnamenn hjá HK gerðu nú ekki miklar gloríur í ár. Það var samt rándýrt þegar þeir, bæði gegn Breiðablik og KR sungu.

Stöndum upp fyrir stórveldi.

Falllið Víkings býður upp á eina bestu stuðningsmannasveit síðari ára, Berserki. Í gegnum tíðina hafa þeir samið haug af flottum lögum en það er eitt lag sem vekur alltaf jafn mikla hrifningu. Allir á vellinum, ungir og gamlir, Víkingar og stundum jafnvel mótherjar geta ekki staðist mátið að syngja lagið sem ómar þegar andstæðingurinn brennir af. Það er ekki flókið en svo sannarlega vinsælt.

Ekkert mark er nógu stórt *klapp klapp*

Ekkert mark er nógu stórt * klapp klapp*

Ekkert mark er nógu stórt *klapp klapp*

til að þessi fari inn!

Það er ekki furða að ungviðið á Íslandi sé alltaf að verða heimskara (segir 23 ára reynsluboltinn, ég)

Msn samtal.

[08:31]  tom: tókstu þér bara frí í skólanum í dag?

[08:31] Höddi: nei er í skóla

[08:31] Höddi: bara ekki að hlusta

[08:31] Höddi: er í striker of the month(tölvuleikur) að æfa mig að klára færin

[08:31]  tom: haha